Ditzionàriu in línia
de sa limba e de sa cultura sarda

abbródhiu , nm Definitzione ammurrionadura, su s'intristare primmaos po calecuna ofesa o cosa chi no est pràchia Sinònimos e contràrios annógiu, atrafudhu, bischiza, bústica, corcone, istrugnu, labbrione, pussàgiu | ctr. cuntentesa Frases li fit bénniu un'abbródhiu chi fit gai gai a si pònnere a prànghere Ètimu srd. Tradutziones Frantzesu bouderie Ingresu sulky expression Ispagnolu morro, hocico Italianu bróncio Tedescu Schmollmiene.

ammúsciu , nm: múschiu* Definitzione ammurrionadura, su s'intristare primmaos e naendho cosa po calecuna ofesa o cosa chi no est pràchia Sinònimos e contràrios morrugnu, raganza, raganzada / bústica, prima Tradutziones Frantzesu murmure continuel, bouderie, bougonnement Ingresu mumbling, sulky expression Ispagnolu refunfuño Italianu borbottìo, bróncio Tedescu anhaltendes Murren, finsteres Gesicht.

bústica , nf Definitzione su dispraxere, s'arrennegu chi naschit de una pigada in giru Sinònimos e contràrios abbródhiu, annógiu, bischiza, corcone, istrugnu, pussàgiu / afuta, aragoni, arrenigna, arrennegu, búzara, cardedha, grema, mútria, studugu Ètimu itl.p büstica Tradutziones Frantzesu bouderie Ingresu sulky expression Ispagnolu ceño, morro Italianu bróncio Tedescu Schmollmiene.

corcòne , nm: corconi Definitzione ammurrionadura, su s'intristare primaos po calecuna ofesa o cosa chi no est pràchia Sinònimos e contràrios annógiu, atrafudhu, bischiza, bústica, istrugnu, labbrione, porcandria, pussàgiu Tradutziones Frantzesu bouderie Ingresu sulky expression Ispagnolu ceño, estar de morros Italianu bróncio Tedescu Schmollmiene.

istrúgnu , nm, agt: istrúngiu, strugnu Definitzione su istare primmaos po calecuna cosa chi no est pràchia; nau de unu po sa manera de fàere, chi est iscontriosu, chi si dha pigat luego, chi si che artzat Sinònimos e contràrios abbródhiu, annógiu, atrafudhu, bischiza, bústica, labbrione, pussàgiu / arritzonidu, crispudu Tradutziones Frantzesu bouderie, bourru Ingresu pout, rough Ispagnolu morro, arisco, huraño Italianu bróncio, bùrbero Tedescu finsteres Gesicht, mürrisch.

mutría, mútria , nf Definitzione su istare o su si parare mudos; una de is maneras de istare de ànimu, candho alligros e candho tristos, candho de bona gana e candho de mala gana, candho deosi candho deasi, fintzes una genia de arrennegu Sinònimos e contràrios mudigore, mudímine, mutricore / mota, spétzia / afuta, arrennegu Maneras de nàrrere csn: de mútria mala, bona = de ispétzia mala, bona; tèniri o pigai m. = èssiri ammutriau, fai murrus grussus, èssere a murru bocau Frases sa mútria de su Sardu e de Sardigna mai si est fata ne si faghet oro! (P.Giudice Marras)◊ solu s'atítidu de sos rios segat sa mutria de sos montes ◊ dae sas alturas su cucu truncat sa mútria de sas badhes ◊ fint paris murghindhe, ma no faedhaiant: a su mudine de sas arveghes si acumpagnaiat sa mutria de totos duos 2. a cussizeris e assessores lis falaiat sa mútria: no aggradessiant cussu risu apalas issoro ◊ candho est de mútria mala murrunzat ◊ su binu los at postos de mútria bona ◊ si est rísidu e at postu de mútria bona finas a sos àteros ◊ sa fémina fut a mútria mala po su bisu chi iat fatu Ètimu itl. mùtria Tradutziones Frantzesu bouderie Ingresu sulkiness Ispagnolu talante, disposición de ánimo Italianu musonerìa Tedescu Kopfhängerei.

príma , nf: primma Definitzione su s'intristare e su no si foedhare s'unu cun s'àteru po un'ofesa, candho duos funt in malas, a iscórriu / leàresi a unu a primma = fai a ccn. calincuna cosa chi dhi dispraxit de si ofèndiri, de istai a primma Sinònimos e contràrios annógiu, arrealia, corcone, corrumàciu Frases cun sos bighinos semus a primma, los tenimus a primma ◊ si seis a prima contras de calincunu, perdonai! (Ev)◊ pro custu no ti tenzo prima: ischis chi so de coru tropu bonu (A.Casula)◊ o pipia, no ti potzu biri in prima! ◊ no mi leo a primma a cudhu pro fàghere unu piaghere a tie! ◊ is babbus funt in prima poita ca ant certau, ma is fillus si saludant e giogant impari Tradutziones Frantzesu courroux, bouderie Ingresu anger, sullen expression Ispagnolu resentimiento, enfado Italianu corrùccio, bróncio Tedescu Ärger, Groll.