A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

prefassiòne, prefatziòni , nf Definitzione istérria o presentada de unu líbberu, fata sèmpere in is primas pàginas de un'òpera Sinònimos e contràrios presentada.

prefàtziu , nm Definitzione afeu, númene apostiza, apicigau deasi, a befa Sinònimos e contràrios annomíngiu, aproégliu, impróveru, paranòmini.

prefellíssu, prefellítziu parapillíssiu

preferéntzia , nf Definitzione su bòllere méngius una cosa, o a unu, chi no un'àtera o a un'àteru, su andhare o fàere a iscéberu / fàghere p. = fàere partzialidades, partesas Sinònimos e contràrios preferu.

preferídu , pps, agt: preferiu Definitzione de preferire; chi est bófiu méngius, prus o in parte de un'àteru (nau fintzes de ccn. in su sensu de istimau de prus) Sinònimos e contràrios privilegiau.

preferíre, preferíri , vrb Definitzione bòllere méngius o prus de àteru, a iscéberu, in parte de un'àteru Sinònimos e contràrios prefèrrere, sceberai.

preferíu preferídu

prefèrrere, prefèrriri , vrb Sinònimos e contràrios preferire, sceberai Frases su cafeu prefèrgiu a mi dhu melai (P.Pillonca)◊ po ai preférriu su bèni a su mali creu de no mi minesci peruna ofesa.

preféru , nm Definitzione su bòllere méngius una cosa, o a unu, chi no un'àtera o a un'àteru, su andhare a iscéberu Frases s'ammanitzu de su semenériu lu faghiant a preferu pustis de s'incunza ◊ su carru si faghiat, a preferu, de linna de úlumu, de frassu Ètimu srd. Tradutziones Frantzesu préférence Ingresu preference Ispagnolu preferencia Italianu preferènza Tedescu Vorliebe.

prefèta, prefète, prefèto , nm Definitzione funtzionàriu, arrapresentante de su guvernu de Roma in is províncias Frases atzetet custa dimandha nessi pro cumpassione, su prefeta! ◊ in sa màchina no dhoi fiat muntzegnori ma su prefeta.

prefetúra , nf Definitzione ufíciu de su prefeto.

prefía , nf Sinònimos e contràrios dibbetu, istridu, pichetu, trémpiu.

prefíssu , nm Definitzione númeru, foedhu o parte de foedhu sèmpere oguale, postu innanti, totu a unu o distintu de àteru númeru o àteru foedhu Frases pro telefonare como bi cheret prefissu pro totue ◊ sa peràula "prefissu" est cumposta de duas partes: su prefissu "pre" (de su latinu "prae") e de "fissu", frimmu, chi no càmbiat Tradutziones Frantzesu préfixe, indicatif Ingresu prefix Ispagnolu prefijo Italianu prefisso Tedescu Präfix, Vorwählnummer.

pregadòre, pregadòri precadòre

pregadoría precadoría

pregài precàre

pregànta , nf Sinònimos e contràrios brúscia, brusciona, coga, fatiàrgia, maghiàglia, mainàrgia / pregantu 2. custa feminedha curàt totu is maladias, peri maias, s’ogu malu e pregantas puru (T.Dei) Ètimu ltn. *praecantare.

pregantadòre , agt, nm Definitzione chi o chie faet pregantos Sinònimos e contràrios pregantu Frases preides pregantadores no ant agatau arremédiu Ètimu srd.

pregantàe, pregantài , vrb Definitzione fàere pregantos Tradutziones Frantzesu conjurer le mauvais sort Ingresu to touch wood Ispagnolu hacer conjuros Italianu fare scongiuri, scongiurare Tedescu beschwören, bannen.

pregàntu , nm Definitzione peràula folte, genia de pregadoria meraculosa po no apicigare calecunu male o no tènnere dannu, brusceria Sinònimos e contràrios abbrébius, dispossóriu Ètimu srd. Tradutziones Frantzesu conjuration Ingresu exorcism Ispagnolu conjuro Italianu scongiuro Tedescu Beschwörung.