A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

punzédhu , nm Definitzione min. de punzu / p. de casu = pischizolu Sinònimos e contràrios punzichedhu.

punzèta pugnèta

punzichédhu , nm Definitzione min. de punzu, pagu cosa Sinònimos e contràrios punzedhu.

punzigàda , nm Definitzione tanti de cosa chi cabet in d-unu púngiu Sinònimos e contràrios apuinada, farrancada Frases no ti che dhas papes totu a una punzigada cussas caramellas! ◊ ponedhi una punzigada de trigu o de orzu! Ètimu srd.

punzigòne , nm Definitzione cropu giau cun su púngiu Sinònimos e contràrios pinnegosu.

punzirúdu , nm Definitzione cropu de púngiu Ètimu srd.

púnzu prúnzu

púpa , nf Definitzione ninna, candhela o ànzelu de s'ogru, genia de cricu, in mesu in mesu de s'ogu a sa parte de ananti, chi lassat intrare sa lughe a s'ogu e régulat su tanti chi intrat istringhendhosi o illargandhosi / betàresi a pupas mortas = fàere finta de no ischire nudha, fàere finta de nudha Sinònimos e contràrios pipia Terminologia iscientìfica crn.

púpa 1 , nf Definitzione pipia pitica, criadura fémina e mescamente giogu, figura fémina fata de orrobba o àteru po giogare is pipias, is piciochedhas; bobboi a bisura de greme, mescamente calagasu, ingendrau ma ancora dormiu totu imbodhigau in sa napa / min. pupedha, pupita Sinònimos e contràrios pipia 1, pupua / cacaracasu 1, ghilípuru, sónniga, sonnighita Frases mirade ite pupa bella chi est custa fizola mia! 2. sa ruga si faghet a pupa, chi abbarrat gai, che unu berme imboligadu in tallaranis Sambenados e Provèrbios smb: Puppa Terminologia iscientìfica ggs, crp Ètimu ltn. pup(p)a Tradutziones Frantzesu poupée Ingresu doll Ispagnolu muñeca Italianu bàmbola Tedescu Puppe.

púpa 2 púba

púpa 3 , nf Definitzione sa parte de apalas de una nave, de una barca Sinònimos e contràrios | ctr. prua Maneras de nàrrere csn: andhare o mòere a totu pupa = a tota fua; èssiri o pònniri in primu p. = in primu facera, própriu in dainanti de si poder bídere bene; bentu in pupa e iscólliu de prua! = innoromala chi andhet! Frases bentu in pupa e soli pitziosu! 2. ma lah ca ses, lah: ti ponis sempri in primu pupa! ◊ ponidhus a pupa a pupa is congixedhus, chi si biant bèni! Tradutziones Frantzesu poupe Ingresu poop Ispagnolu popa Italianu póppa Tedescu Heck.

pupàda , nf: apupada 1, pupata Definitzione nuighedha de fumu Frases dae su cucumenale essint pupadas de fumu ◊ su nuscu si pesat a pupadas ◊ s'isprentu de sos boes si bidet bessendhe a pupadas dae nares ◊ est vocandhe pupatas de fummu comente si at allutu su zigarru Ètimu srd.

puparòla , nf Definitzione genia de ampudhita cun su tapu a tzimingione po giare su late a suidura a is pipiedhos Sinònimos e contràrios tapicera, titiera Frases mi nche so tzapau mannitu e ancudu, pesau a puparola dae unu babbu firmu che roca e dae un'ajaja chin manos de oro e sanos sentios (Farina) Tradutziones Frantzesu biberon Ingresu bottle (feeding) Ispagnolu biberón Italianu poppatóio Tedescu Milchflasche.

pupàtza , nf Definitzione sa prupa de sa fache de is pódhighes, o mata de su pódhighe Sinònimos e contràrios cdh. pulpedhu Terminologia iscientìfica crn Ètimu srd. Tradutziones Frantzesu bout du doigt Ingresu fingertip Ispagnolu yema Italianu polpastréllo Tedescu Fingerbeere.

pupèdha , nf Definitzione min. de pupa Sinònimos e contràrios pupita.

pupéri , nm Definitzione su capu de una barca, su piscadore chi in sa barca istat in pupa e decidit ue si firmare a piscare (unu de is chimbe chi piscant cun sa sciàiga).

pupía pipía

pupía 1 pipía 1

pupía 2 púba

pupibúpi , avb Definitzione fàghere o zúghere sas manos p. = biaitas, druchesadas de su fritu.