Legenda Incurtzaduras | Legenda Sìmbulos

abbrigài , vrb: abbrigare 1, abbrigari, arbigai, arvigai, avrigai, obrigai Definitzione orrubiare su ferru in su fogu fintzes a candho essit modhe de dhu pòdere trebballare Sinònimos e contràrios arrubiai, cardiare, cardigiai, incrabigai, ingrujare Frases su sole in istade abbrigat fintzes is pedras ◊ arvigai unu ferru in su fogu ◊ s'arroca pariat chi dh'iat abbrigada su ferreri 2. ananti de unu trébini avrigau, cussu puru est de bonu coru! ◊ at fatu is istampus a su sulitu cun d-unu ferru arbigau Ètimu srd. albicare Tradutziones Frantzesu rendre brûlant, chauffer au rouge, à blanc Ingresu to make red-hot, to incandesce Ispagnolu calentar al rojo, encandecer Italianu arroventare Tedescu glühen machen.

brujósu , agt Definitzione chi abbruxat, chi est coment'e fogu, chi dispraxet meda 2. li est brujosa, no crujat sa ferida ch'iscaminadu l'at in su deretu (F.Murtinu) Ètimu srd. Tradutziones Frantzesu brûlant Ingresu burning Ispagnolu quemante Italianu bruciante Tedescu brennend.

budhídu , pps, agt, nm: budhitu, budhiu Definitzione de budhire; chi est iscota iscota, chi est de pagu calau de su fogu, chi est caente a tropu; terrenu chi dhue ant abbruxau preparandhodhu po dhu prènnere / còghere a budhidu = in abba, in su brou Sinònimos e contràrios pistiu | ctr. fridu Frases s'abba no at budhidu ancora 2. est budhidu che in bràsias de fogu, de sa frebba chi zughet ◊ custa cosa est budhida e cheret lassada ifritare pro la manigare ◊ in sa mesa ponent sos budhidos cun covatzas ◊ cust'abba est budhidedha: ispeto chi ifritet unu pagu ◊ mi croco e mi bàtis luego unu tzicu de muscadedhu budhiu 3. a pràngiu aus fatu petza a budhiu e is culurgiones de casu ◊ non fia bonu nimmancu a mi coi un'ou a budhiu Tradutziones Frantzesu bouilli, bouillant, brûlant Ingresu boiling Ispagnolu hervido Italianu bollito, bollènte, cocènte Tedescu gesotten, gekocht, heiß.

caldiàdu , agt Definitzione abbrigau a fogu fintzes a èssere orrúbiu Sinònimos e contràrios ingrujadu, scardigiau Ètimu srd. Tradutziones Frantzesu brûlant, ardent Ingresu scorching Ispagnolu candente, incandescente Italianu arroventato, rovènte Tedescu glühend.

ingrujàdu , pps, agt: irrujau Definitzione de ingrujare Sinònimos e contràrios abbrigau, inchesu Tradutziones Frantzesu brûlant, rouge, ardent Ingresu scorching Ispagnolu incandescente, candente Italianu arroventato, rovènte Tedescu glühend.

«« Torra a chircare