Legenda Incurtzaduras | Legenda Sìmbulos

budhída , nf Definitzione su budhire Sinònimos e contràrios iscotada Ètimu srd. Tradutziones Frantzesu bouillie Ingresu boiling Ispagnolu hervor Italianu bollita Tedescu Aufkochen.

budhidòre , nm: budhidori, budhiore, budhiori, budhiroi, vudhiore Definitzione caentu forte, genia de caente chi unu intendhet a meda, nau mescamente de chie tenet gana manna de calecuna cosa / èssiri a budhidoris = portai is callenturas, zúghere sa frebba Sinònimos e contràrios budhighidori, budhimentu, budhiorza, calentori, pistidhu 4 | ctr. frios Frases una passada de funi a su tzugu… bis ca dhi passat su budhidori! ◊ ita budhidori at a portai un'ómini de otanta annus, a si cojai cun d-una picioca de dexiotu?!…◊ teneisí a contu e… àcua frisca aundi nau dèu a chini tenit budhidori meda! ◊ aturai pagu pagu ca pigu s'iscova, ca si fàciu passai su budhiroi de passillai ispollincas! Ètimu srd. Tradutziones Frantzesu bouillonnement Ingresu boiling Ispagnolu hervor Italianu bollóre Tedescu Aufwallen, Hitze.

budhídu , pps, agt, nm: budhitu, budhiu Definitzione de budhire; chi est iscota iscota, chi est de pagu calau de su fogu, chi est caente a tropu; terrenu chi dhue ant abbruxau preparandhodhu po dhu prènnere / còghere a budhidu = in abba, in su brou Sinònimos e contràrios pistiu | ctr. fridu Frases s'abba no at budhidu ancora 2. est budhidu che in bràsias de fogu, de sa frebba chi zughet ◊ custa cosa est budhida e cheret lassada ifritare pro la manigare ◊ in sa mesa ponent sos budhidos cun covatzas ◊ cust'abba est budhidedha: ispeto chi ifritet unu pagu ◊ mi croco e mi bàtis luego unu tzicu de muscadedhu budhiu 3. a pràngiu aus fatu petza a budhiu e is culurgiones de casu ◊ non fia bonu nimmancu a mi coi un'ou a budhiu Tradutziones Frantzesu bouilli, bouillant, brûlant Ingresu boiling Ispagnolu hervido Italianu bollito, bollènte, cocènte Tedescu gesotten, gekocht, heiß.

budhidúra , nf Definitzione su budhire, su fàere budhire; su pònnere in giru calecuna nova, calecuna chistione / una b. de abba = abba chi si moet coment'e budhindhe Sinònimos e contràrios budhimentu, budhinzu, budhionzu, budhoria Frases su cafè unu tempus lu faghiant a budhidura Ètimu srd. Tradutziones Frantzesu ébullition Ingresu boiling Ispagnolu ebullición Italianu bollitura Tedescu Sieden, Kochen.

budhiméntu , nm Definitzione su budhire; fintzes movimentu, tréulu Sinònimos e contràrios budhidura, budhoria, iscróchinu Maneras de nàrrere csn: b. sullenu = budhimentu pàsidu, a fogu lenu; su b. de s'àxina = incubonadura Frases gheta unu pagu de àcua a sa pingiada po firmai su budhimentu o abàscia su fogu ca aspetaus unu pagu a nci ghetai is macarronis! 2. sciera totu su budhimentu de sa genti Ètimu srd. Tradutziones Frantzesu bouillonnement Ingresu boiling Ispagnolu ebullición Italianu bolliménto Tedescu Sieden, Kochen.

budhínzu , nm Definitzione su budhire, su istare budhindho Sinònimos e contràrios budhimentu, budhionzu, budhoria Frases su labiolu de sa peta fit budhendhe a bumbuglione e s'intendhiat s'ischimuzu de su budhinzu Ètimu srd. Tradutziones Frantzesu bouillonnement Ingresu boiling Ispagnolu ebullición Italianu bolliménto Tedescu Sieden, Kochen.

budhiónzu , nm Definitzione su budhire, su istare budhindho Sinònimos e contràrios budhidura, budhimentu, budhoria Ètimu srd. Tradutziones Frantzesu ébullition Ingresu boiling Ispagnolu ebullición Italianu bollitura Tedescu Sieden, Kochen.

iscotiscòta , avb Definitzione èssere i. = chi est budhiu, budhindho, chi abbruxat, no faet a dhu tocare Sinònimos e contràrios budhidu Ètimu srd. Tradutziones Frantzesu bouillant Ingresu boiling, hot Ispagnolu hirviendo Italianu bollènte Tedescu heiß.

«« Torra a chircare