Legenda Incurtzaduras | Legenda Sìmbulos

aviliméntu , nm Definitzione su avilire, su èssere abbàtios, dispràxios meda, afligios, iscoraos, a bregúngia Sinònimos e contràrios avilidura, iscoramentu, mortificu Frases essendhe allegros calchi bolta nos immentigamus de s'avilimentu ◊ est arrivadu a s'avilimentu cun su landhe cheríndhesi nutridu! ◊ a chircare mere su tzeracu fiat un'avilimentu ◊ so emigradu e so morinne de s’avilimentu! Ètimu itl. Tradutziones Frantzesu découragement Ingresu dejection Ispagnolu abatimiento, humillación Italianu avviliménto Tedescu Entmütigung.

disconsólu , nm: discossolu, discunsolu Definitzione su no àere consolu o cunfortu, su èssere dispràxios meda Sinònimos e contràrios isconnortu, isconsolu | ctr. conciolu Frases píghidas nues ant iscorvuladu bírridos de piantu e disconsolu e posca de sa traschia dannu e dolu in bidhas e cussorzas ant lassadu (G.A.Salis)◊ sos minores fint pranghendhe a discossolu ◊ za ndh'at postu de zente in disconsolu a fagher bochire sa muzere pro un'àtera fémina!… Ètimu spn. desconsol Tradutziones Frantzesu abattement, découragement Ingresu depression Ispagnolu desconsuelo Italianu sconfòrto, sconsolazióne Tedescu Trostlosigkeit.

isàlcu , nm: isarcu Definitzione mancamentu o pérdia de ispera, de coràgiu, su bènnere mancu in manera grave de s'idea de arrennèscere, su tímere o pentzare de no arrennèscere Sinònimos e contràrios disisperu, isporu, scoramentu | ctr. aficu, ispera, isperànscia Frases a bi ndh'at, totu, de isarcos: si no ti pones, si mancu proas est seguru chi no bi resessis a fàghere nudha! ◊ s'isarcu meu est comente apo a fàghere a istudiare cussu muntone de cosa in duas dies! ◊ isarcu mannu b'at pro fàghere cussa faina…: si ti fis postu, a cust'ora fit istada fata! Ètimu srd. Tradutziones Frantzesu découragement Ingresu discouragement Ispagnolu desaliento, desánimo Italianu scoraggiaménto Tedescu Entmutigung.

isconnórtu , nm: iscunnortu Definitzione dispraxere mannu, tristesa, su èssere afrigios, chentza acunnortu Sinònimos e contràrios acoradura, afrigimentu, disconsolu, pesari, scoramentu, triltura | ctr. aconnortu, conciolu Frases aite custu iscunnortu? aperi su coro e nara, no nos lasses in tribbulia! ◊ bortzis est naturale chi cada artista at urdos de isconnortu e de tristura ◊ sos fizighedhos fint totu in iscunnortu pro sa morte de su babbu Ètimu srd. Tradutziones Frantzesu découragement Ingresu discouragement Ispagnolu desaliento, desánimo Italianu sconfòrto Tedescu Trostlosigkeit.

isconsólu , nm: iscossolu, sconsolu Sinònimos e contràrios disconsolu*, dispiachere | ctr. conciolu, cuntentesa Frases sa pitzinna pranghet a iscossolu, impudada de abbarrare sola Tradutziones Frantzesu découragement Ingresu dejection Ispagnolu desaliento Italianu sconsolazióne Tedescu Betrübnis.

isporónzu , nm Definitzione su s'isporare, su pèrdere de ànimu, su pentzare de no si dha pòdere fàere a bínchere is dificurtades Sinònimos e contràrios isarcu, isporu Ètimu srd. Tradutziones Frantzesu découragement, abattement, effarement Ingresu discouragement, dismay, dispair Ispagnolu desaliento, desánimo Italianu sconfòrto, disperazióne, sgoménto Tedescu Trostlosigkeit, Verzweiflung.

ispóru , nm Definitzione mancamentu o farta de coràgiu, de ibertu, genia de isarcu malu, a s'apretu, de no pòdere arrennèscere in calecuna cosa Sinònimos e contràrios dirrenu, disisperu, isalcu, isporamentu, scoramentu Frases sa soledade m'imbelat sas pupias chin tadharanos de isporu ◊ làcrimas de isporu in pupias de àstragu nighedhu murghendhe est su dolore ◊ dae intzidu e ispera pro no tzèdere a s'isporu! Ètimu srd. Tradutziones Frantzesu démoralisation, abattement, découragement, consternation Ingresu demoralization, dejection, dismay Ispagnolu desaliento, desánimo Italianu demoralizzazióne, scoraménto, costernazióne Tedescu Entmutigung, Niedergeschlagenheit.

«« Torra a chircare