Ditzionàriu in línia
de sa limba e de sa cultura sarda

borrúculu , nm Definitzione essidura in sa pedhe, coment'e una puntighedha chi si faet in matéria Sinònimos e contràrios caciúmbulu, fruscedha, furuncu 1, popoti, puburunca, sangiolu Tradutziones Frantzesu bouton, furoncle Ingresu furuncle Ispagnolu grano Italianu forùncolo Tedescu Furunkel.

brúgula, brúgura , nf: búlgula, búrgula Definitzione genia de essidura pitichedha in sa pedhe (e fintzes neu); nau in cobertantza, neghe, difetu / no bi at, no bi at restadu una b. = nudha Sinònimos e contràrios buizola, burbuja, malcitu / ampístula, brussedha, caigioni, dolimazosa, frusca, fruscedha, pabedha 1, sembu 2. pro che leare s'errore e redímere sa zente mortu est subra sa rughe chena búrgula e neu ◊ su logu est netu che istedhu: no che at una búrgula! Ètimu itl. brùcola Tradutziones Frantzesu acné, bouton, furoncle Ingresu acne Ispagnolu acné, grano Italianu acne, foruncolétto Tedescu Akne, kleiner Furunkel.

brussèdha , nf Definitzione genia de essidura chi si faet a matéria, in sa pedhe Sinònimos e contràrios ampístula, brúgula, caigioni, dolimazosa, frusca, fruscedha*, pabedha 1, popoti, sangiolu, sembu Tradutziones Frantzesu abcès, furoncle Ingresu abscess Ispagnolu absceso Italianu ascèsso, forùncolo Tedescu Abszeß, Furunkel.

buischèdha , nf Definitzione genia de essidura pitichedha chi si martzit, si faet in matéria, in sa pedhe Sinònimos e contràrios brúgula, buizola, burbuja, malcitu Tradutziones Frantzesu bouton, furoncle Ingresu furuncle Ispagnolu grano, espina Italianu forùncolo Tedescu Furunkel.

dolimazòsa , nf Definitzione fruschedha chi dolet, cumenciandho a fàere sàngia Sinònimos e contràrios ampístula, brúgula, brussedha, caigioni, frusca, pabedha 1, fustema, postema Ètimu srd. Tradutziones Frantzesu furoncle Ingresu furuncle Ispagnolu grano Italianu forúncolo Tedescu Furunkel.

frúsca , nf Definitzione essia, essidura manna in sa carre, unu pagu a guronedhu, orrúbia, e poi martzida / min. fruscedha, fruschedha fruschedha bóina = zenia de fruschedha madura meda chi essit a sos boes Sinònimos e contràrios ampístula, brúgula, brussedha, caigioni, dolimazosa, fustema, pabedha 1, postema, sangiolu, sembu / brutura, frustigu Frases dhi fut essia sa conca a fruschedhas e po ndhe ciupire sa matéria poniat paperi 2. prima de ndi bogai sa frusca de s'ogu allenu, bogadindi sa traja de s'ogu tuu! ◊ cussu no tocat una frusca a nisciunus Sambenados e Provèrbios prb: sa fruschedha prana no martzit oe Tradutziones Frantzesu abcès, furoncle Ingresu furuncle, abscess Ispagnolu absceso, grano Italianu ascèsso, forùncolo Tedescu Geschwür, Furunkel.

lantúrra , nf: laturna, laturra Definitzione genia de essidura in sa pedhe chi apustis faet matéria Sinònimos e contràrios cicione 2, latorredha, sangiolu, tzoedhu Frases de una laturra niedha mòrgiat! ◊ custa est una laturra: ariseu portamu pariat una punturedha in su didu, oi portu sa manu unfrada e su guronedhu totu sàngia! ◊ cussa laturra a forma de nuxi, in su pei, mi est costada duus mesis de letu ◊ dhi at essiu lanturras Ètimu srd. Tradutziones Frantzesu bouton, furoncle Ingresu boil Ispagnolu furúnculo Italianu forùncolo Tedescu Furunkel.

tzoédhu, tzoéllu , nm: tzuedhu, tzuellu Definitzione genia de essidura o ufradura in sa pedhe Sinònimos e contràrios biaconcu, biocu, bubbusone, buizola, chiaedhu, cravitu, lanturra, popoti, sangiolu, tzulumbone Frases a peus chi mi dolet su casciale mi at essidu in sa barra unu tzuellu ◊ mannu ti l’ant fatu unu tzuellu a colpos de furcone ◊ ancu in conca unu tzoedhu li essat! Sambenados e Provèrbios smb: Zoeddu Terminologia iscientìfica mld Ètimu srd. Tradutziones Frantzesu bosse, furoncle Ingresu bump, swelling Ispagnolu chichón, forúnculo Italianu bernòccolo, forùncolo Tedescu Beule, Furunkel.