Ditzionàriu in línia
de sa limba e de sa cultura sarda

mutzinàu , pps, agt Definitzione de mutzinare Sinònimos e contràrios chiltzinadu, incultziadu Tradutziones Frantzesu coupé Ingresu cut off Ispagnolu cortado Italianu mozzato Tedescu abgeschnitten.

mútzu , agt, nm Definitzione chi che ndhe dhi ant segau un'orrugu, sa punta; chi est curtzu; genia de trunchedhu, mutzigone, fundhu de mata o de àteru comente abbarrat candho che ant segau s'arrestu (es. m. de càule, comente abbarrat in su surcu apustis bodhia sa conca), cosa incurtzada Sinònimos e contràrios istuturradu, mutzadu, mutzurru 1 / cruciu / arrogu, fundhale, múciu, runcu Maneras de nàrrere csn: manimutzu = chi li mancat sa manu; segare una cosa a mutzu = serente, a paris, chentza bi ndhe lassare nudha Frases sa manu mutza e sica aeret giutu, prima de pònnere fogu! ◊ giughet sas alas mutzas e no podet bolare 2. sos caltzones li fint mutzitos 3. sos chercos seculares isparidos sunt e si notat calchi mutzu apena ◊ su mutzu de sa vide ◊ dae su mutzu de s'àrbore, a su calore de su focu at cumintzau a issire unu cordu che ribedhu 4. a sos minores a Pasca lis dant su cocone de ísula e carchi mutzu de casizolu Sambenados e Provèrbios smb: Mutzu, Muzzu Ètimu itl. Tradutziones Frantzesu coupé Ingresu cut (off) Ispagnolu cortado Italianu reciso, mózzo, mùtilo Tedescu abgeschnitten, Verstümmelte.

scadracilài , vrb: iscadranchilare*, scardacilai, scardacillai, scardancilai Definitzione segare is cardanchiles a un'animale (po fàere dannu a su mere) Sinònimos e contràrios irdarcilae, scardanchinare, scarracillai, scarrengibai Frases si ndi arregordais su corrinu de is bacas scardacilladas? ◊ no ant a cantai prus su prantu po is tírrias ne is revesas chi scardancillant is bacas Tradutziones Frantzesu couper le jarret Ingresu to cut the hocks Ispagnolu desjarretar Italianu sgarrettare Tedescu die Hachsen durchschneiden.

secàda , nf: segada Definitzione su segare; sa fresadura chi abbarrat de su segare, su tretu de longu totu comente est segau Sinònimos e contràrios arrogadura, iscalabrada, secadura, tazada Maneras de nàrrere csn: andai a segadas = a trevessu, perilloi perillai, a trovèlgias; bènniri in segada = in colada, resurtare inue si colat Frases debberone segada chi li as fatu a fórtighe, a sa berbeghe, tundhindhe! 2. apu pigau custa cosa ca mi beniat in segada Ètimu srd. Tradutziones Frantzesu coupe, fente, rupture, cassure Ingresu cut, split Ispagnolu corte Italianu tàglio, lesióne, spacco, rottura Tedescu Schnitt, Riß, Bruch.

secadúra , nf: segadura, segarura Definitzione su segare; su tretu segau Sinònimos e contràrios arrogadura, crichinonzu, secada Frases sa segarura chi dhi ant fatu, portat is pius a pingiaredha! Ètimu srd. Tradutziones Frantzesu coupe Ingresu cut Ispagnolu corte Italianu tàglio Tedescu Schnitt.

serronónzu , nm Definitzione su serronare, serronadura, segadura a serrone Sinònimos e contràrios secadura, serradura 1, serramentu, serrognu Ètimu srd. Tradutziones Frantzesu sciage Ingresu sawing, cut Ispagnolu el serrar, corte Italianu segatura, tàglio Tedescu Sägen, Schnitt.

tressàrgia , nf Definitzione camminu chi si faet o logu ue si passat a incurtzadura, po arrisparmiare tempus e tretu andhandho a unu logu Sinònimos e contràrios curtzadroxu, incultzatóriu, istrissiada, rugadolzu Tradutziones Frantzesu raccourci Ingresu short cut Ispagnolu atajo Italianu scorciatóia Tedescu Abkürzungsweg.

trinciàdu , nm: trinciatu, trinciau, trintzadu, trintzau Definitzione tebbacu àrridu fatu a farinos, a orrughedhos fines e longhitos Frases iap'èssi bófiu trochillai su trinciau cun is didus Tradutziones Frantzesu tabac râpé Ingresu cut tobacco Ispagnolu picadura Italianu trinciato Tedescu zerschnitten.

truncàdu , pps, agt: truncau Definitzione de truncare; chi est fatu a orrugos Sinònimos e contràrios arrogau, istuturadu, secau | ctr. intregu Tradutziones Frantzesu coupé Ingresu cut off Ispagnolu cortado Italianu troncato Tedescu abgeschlagen, abgeschnitten.

truncài , vrb: truncare Definitzione segare a límpiu, segare a manera de ndhe istacare s'orrugu (nau meda po cosa tostada, longa), fintzes traessare, passare de una parte a s'àtera de ccn. cosa o logu; nau de sentidos, de unu fàere, de is fortzas, fàere bènnere mancu / fàchere (una faina) a sa trunca e passa = bessiresindhe a sa russa, dare un'aggurgada, una passada lestra Sinònimos e contràrios arrogai, immutzurrare, istuturai, ruciare, secare Frases mi assimizo a su chercu de su monte chi sos ramos su tronu li at truncadu (A.Casula)◊ o truncat o aggànciat, o truncat o faghet gantzu ◊ cherias truncare funes e cadenas ◊ est rutu e si at truncadu s'anca ◊ una biga si est truncada ◊ iat tirau a unu cerbu e dh'iat truncau una pala 2. sa bidha est atraessata dae s'istradone printzipale chi la truncat in duos ◊ at truncau a arrogadura in is ortus po fai debressi 3. mi truncat donzi àschidu su lassare sa Sardinna ◊ seu preghendi pro chi sa vida mia no bengat truncada ◊ no podiat lassai a issu a si truncai s'ischina po is àterus Ètimu ltn. truncare Tradutziones Frantzesu couper, casser, fracturer Ingresu to cut off, to break, to split Ispagnolu truncar, partir Italianu troncare, spezzare, fratturare Tedescu abschlagen, abbrechen.

tzallàda , nf Definitzione segada in calesiògiat parte de su corpus umanu o animale Sinònimos e contràrios frincu, secada Ètimu srd. Tradutziones Frantzesu coupure Ingresu cut Ispagnolu corte Italianu tàglio nel còrpo Tedescu Schnitt.