Legenda Incurtzaduras | Legenda Sìmbulos

apostivigàre , vrb Definitzione decídere o precisare una cosa Sinònimos e contràrios istabbilire Frases apostivigamus sa die pro fàghere cussa cosa Tradutziones Frantzesu déterminer, définir Ingresu to fix Ispagnolu determinar Italianu determinare, stabilire Tedescu bestimmen.

fisciài , vrb: afissare, fissai, fissare Definitzione pònnere firmu, chi abbarret firmu; abbaidare a firmu, cun ogos firmos, a sa sighia a sa matessi cosa; decídere o istabbilire calecuna cosa (es. die, mese, una paga o àteru) Sinònimos e contràrios firmai Frases sa presa de sa currente cheret fissada a su muru 2. sos ojos mios, che làmpanas atzesas, fissaiant sena mòvere rista sa gianna de sos ballos ◊ a bortas sa maladia de s'ogu naschiat candho una pressona fissàt unu mortu ora meda 3. a it'ora at fissau sa riunioni su síndigu? ◊ a duchentos francos s'una su preju 'e sa pischedha est fissau (D.Ziranu) Ètimu spn. fijar Tradutziones Frantzesu fixer Ingresu to fix Ispagnolu fijar, establecer Italianu fissare Tedescu befestigen, fixieren, starren, fixieren, festlegen.

impíciu , nm: impitzu Definitzione it'e fàere, faina, fintzes si no sèmpere est cosa de importu meda ma a dónnia modu de fàere etotu Sinònimos e contràrios afracoxu, contibizu, faina, faustu, impédicu / ifadu, impabúciu, impàciu Maneras de nàrrere csn: fàghere i. fintzas sa coa de su batu, s'umbra sua etotu = tènnere ifadu de donzi cosighedha, andhare a manos iscutas pro no chèrrere leare nudha Frases si pones fatu insoro ndh'essis macu cun impícios, fastizos e istragos (A.Dettori)◊ cun totu sos impitzos chi tenzo no faghet a mi mòere dae domo ◊ dognunu tenet s'impíciu sou! 2. chena ispera, si atuturrat preguntèndhesi a chie isse aiat dadu impitzu e proite, su li àere dadu un'ischintorzada a origras Ètimu itl. Tradutziones Frantzesu gêne, embarras Ingresu fix Ispagnolu quehacer Italianu daffare, impìccio Tedescu Mühe, Verlegenheit.

incastrài , vrb: incastrare, incrastai 1, incrastare Definitzione pònnere in s'incàsciu, intrare apare duas cosas fatas adatas po torrare giustas s'una cun s'àtera (si narat fintzes de is dentes de duas orrodas chi girant intradas apare); fintzes trebballare a incrastas, coment'e faendho incrastas, trapadas, unu pagu a doladura (segadura de àstulas a cropu) comente si faet in sa linna Sinònimos e contràrios crujare, imbasare, incartare 1, incasciae, incriedhai 2. deo so incrastandhe unu Santugristos mannu in sa rughe Ètimu itl. Tradutziones Frantzesu emboîter, encastrer Ingresu to fix Ispagnolu encajar Italianu incastrare Tedescu einschieben.

«« Torra a chircare