Legenda Incurtzaduras | Legenda Sìmbulos

aconcàda , nf: aconcara, aconchiada Definitzione decisione o cosa chi si faet chentza dhue istare pentzandho meda meda, mescamente si est cosa de importu o chi costat, ma fintzes decisione chi costat meda e arrechedet sacrifíciu mannu; cosa chi benit a conca; fintzes atumbada cun sa conca Sinònimos e contràrios aconcu, acucada, ancada, ciancarronada, isconcata, isconchinada, meleda / cdh. acuncata Maneras de nàrrere csn: fàghere s'aconcada, fàghere aconcadas = pigai decisionis atrivias; aconcada maca = detzisione leada a sa maconatza, pro cosa grave Frases si unu faiat s'aconcara de cambiai sa moda, depiat atzetai de dhu nàrriri ca si fiat ammachiendi ◊ no ndhe fetas de aconcadas macas, ca ti ndhe as a impudare! ◊ già l'apo fata bella s'aconcada, pro una bolta chi mi bi so postu, a bogare sa limba! ◊ at fatu s'aconcada de leare cussa tanca, ma no fit a tretu de lu poder fàghere 2. custos festamentos, cun d-un'aconcada de presuntzione, no totu mi ndhe los irmenticabo 3. su sirboni dhi fiat asuba…, dhu mossiàt, dhi ghetàt aconcadas cun is sannas Ètimu srd. Tradutziones Frantzesu étourderie Ingresu heedlessness Ispagnolu disparate, barbaridad Italianu sventatézza, decisióne grave, azzardo Tedescu Leichtsinn, schwere Entscheidung, Wagnis.

burratinàda , nf Definitzione ibbàlliu tropu mannu, po pagu atentzione Sinònimos e contràrios paristróculu Tradutziones Frantzesu énormité, perle, erreur grossière Ingresu blunder Ispagnolu disparate Italianu strafalcióne Tedescu Schnitzer, schwerer Fehler.

garrafatòni , nm Definitzione machine mannu chi si narat o chi si faet, cosa chi no andhat bene própriu in nudha Sinònimos e contràrios ciancarronada, perralia Ètimu spn. garrapatón, gazafatón Tradutziones Frantzesu bêtise Ingresu non-sense Ispagnolu burrada, disparate Italianu somaràggine, bestialità Tedescu Dummheit, Schnitzer.

perralía , nf: perraria, perreria Definitzione cosighedha de nudha, de pagu contu, nenneria, tontesa chi si narat, cosas de tostorrudos; foedhu malu, fintzes cosa nada a s'afaiu, atzione mala / picàresi p. = fai puntíglius, poribetus Sinònimos e contràrios garrafatoni, ibbarione, machine Frases mi faghes faedhare perrarias ◊ s'imbriagu narat perrarias ◊ dhis contat perrerias po cuai is amarguras ◊ si no lassas a mie ti naro perralias! ◊ issu candu sartat su trèmini de is cuatru tassas no est prus in sèi e cumentzat a nai una surra de perrerias Ètimu spn. perrería Tradutziones Frantzesu vétille, gros mot Ingresu blunder, swearword Ispagnolu disparate, palabrota Italianu spropòsito, parolàccia Tedescu Dummheit, Schimpfwort.

tzancarronàda , nf: ciancarronada Definitzione aconcada maca, fatura de tzancarrones Sinònimos e contràrios aconcada, acucada, garrafatoni, isconcata, isconchinada, meleda / cdh.tzancarrunata, ttrs. tzancarrunada Ètimu srd. Tradutziones Frantzesu faute grossière, balourdise Ingresu big mistake, stupid act Ispagnolu disparate, imprudencia, falta Italianu cólpo di tèsta, gròsso sbàglio, spropòsito, balordàggine Tedescu unbesonnene Handlung, grober Fehler, Dummheit.

tzífiri , nm: cífiri* Definitzione su chimentu o avolotu chi si faet in divertimentu; dannu chi si faet po pagu atentzione Sinònimos e contràrios bodas, falórdia / desacatu, desatinu 2. li est ruta sa cólvula de s'isterzu e at fatu tzífiri mannu Ètimu srd. Tradutziones Frantzesu bombance, dégât Ingresu marrymaking, mischief Ispagnolu jolgorio, disparate Italianu baldòria, malèstro Tedescu Ausgelassenheit, Unheil.

«« Torra a chircare