Legenda Incurtzaduras | Legenda Sìmbulos

afitulàu , pps, agt Definitzione de afitulai; chi est totu fítulos Sinònimos e contràrios alzoladu, pabedhosu, pigotosu 2. sa bardúfula est totu afitulada Tradutziones Frantzesu grêlé, variolé Ingresu pockmarked Ispagnolu picado Italianu butterato Tedescu pockennarbig.

calpídu , pps, agt: carpiu Definitzione de calpire; fintzes coment'e curpidu, leau de calecuna cosa (male, àteru) chi faet a intradura Frases in cussu pizu, de sa malesa chi bi est no che so carpidu 2. su pitzinnu fit seguru de sebestare in sos oxos isbambarriados su mantessi ingrangúgliu ch’illuinat su calpidu dae una fide noa ◊ sos pitzinnos isenieint, calpidos dae una preítia istrana ◊ chèscias e impudos fint tarulendhe sa pitzinna coment'e calpida dae unu male isfrenadu (P.Mura) Tradutziones Frantzesu pénétré, coupaillé, blessé Ingresu penetrated, wounded Ispagnolu penetrado, picado, herido Italianu penetrato, tagliuzzato, ferito Tedescu eingedrungen, zerschnitten, verwundet.

inchibbaràdu , agt Definitzione chi est chíbberu; chi si est arrennegau Tradutziones Frantzesu vexé, fâché Ingresu offended Ispagnolu mosqueado, picado Italianu impermalito Tedescu gekränkt.

infituperàu , agt Definitzione chi est male arrennegau, chi si est oféndhiu meda, chi dhi at fatu fele, tzacu Sinònimos e contràrios afutadu, arrennegadu, inchietu Frases infituperau, donat un'iscofada de pei a s'iscartedhu e torrat a furriai Tradutziones Frantzesu contrarié, irrité Ingresu vexed Ispagnolu picado Italianu indispettito Tedescu verärgert.

mantzàdu , pps, agt: mantzau Definitzione de mantzare; chi est coment'e brutu de malesa e (nau de frutu) guastu de maladia, de greme, puntura de bobboi, chi tenet neghe, portat mància; nau de ccn., fintzes chi est malu de sentidos e de fatas, chi est intregau a fàere male Sinònimos e contràrios demmu, neciadu | ctr. líaru, sanu 2. zughes sas dentes mantzadas ◊ cust'àrbure est mantzada in su truncu ◊ e chie at a èssere su comporadore chi si che leat sa robba mantzada?! (C.Buttu) 3. de cantu zente so istau in mesu sendhe chi fui netu e no mantzau!… Tradutziones Frantzesu véreux (fruit), taré, toqué (individu), carié (dent) Ingresu carious, maggoty Ispagnolu picado Italianu bacato, cariato Tedescu angefault, verdorben.

méltzigu , agt: métzigu Definitzione chi est coment'e mertzu, guastu Sinònimos e contràrios demmu, maladióngiu, malesanu, mantzadu | ctr. líaru, sanu Frases suta de unu sole méltzigu bides sos disterrados Ètimu srd. Tradutziones Frantzesu véreux Ingresu maggoty Ispagnolu picado, podrido Italianu bacato, mèzzo màrcio Tedescu wurmstichig, angefault.

nesicàu , pps, agt: nesigadu Definitzione de nesicare; chi portat nésigas, mància, calecunu male Sinònimos e contràrios fermiu, maguladu, malàdiu, mantzadu, mermitu | ctr. líaru, sanu 2. no est mortu ma est abbarrau nesicau ◊ donzi frúture est nesigada ◊ su mundhu est nesigadu dae mentes umbrosas ◊ fit una cuba chi aia nesigada ◊ tenzo a muzere mia nesigada, sempre a ohis Tradutziones Frantzesu abîmé, taré Ingresu rotten, faulty Ispagnolu podrido, picado Italianu bacato, guasto, tarato Tedescu verdorben, ungesund, gebrechlich.

pabedhósu , agt: pebedhosu Definitzione chi portat pabedhas; afrantzesadu, malàidu de pabedhas; nau de su casu apenas fatu (fintzes de sa pedhe) chi est arrasposu, coment'e a granighedhos Sinònimos e contràrios afitulau, alzoladu, semosu / cdh. papidhosu Maneras de nàrrere csn: arrana pabedhosa = itl. ròspo; pàrriri una rana pebedhosa = zúghere sa cara fea de comente est totu a butonedhos che pigotosu Frases lu creiant pabedhosu, ma in cara no fit maltratu de pigota 2. unu pabedhosu malaitu mi cheriat cundhire, ischifosu! Ètimu srd. Tradutziones Frantzesu grêlé, variolé, syphilitique Ingresu pocked, syphilitic Ispagnolu picado, virolento, sifilítico Italianu pustolóso, butterato, sifilìtico Tedescu pustulös, pockennarbig, syphilitisch.

picotósu , agt: pigotosu Definitzione nau de ccn., chi portat sa pedhe totu a marcos de sa pigota Sinònimos e contràrios aggutau, pigotau / ttrs. vagliuradu Frases miràdela sa màschera: est sentza ojos, sentza orijas, pigotosa! Ètimu srd. Tradutziones Frantzesu grêlé, variolé Ingresu pocked Ispagnolu picado Italianu butterato Tedescu pockennarbig.

trisinàu 1 , pps, agt Definitzione de trisinai 1; chi est pistau a fine, tratagasau Sinònimos e contràrios pistadu, pistu 2. a su sàmbini si aciunghet pani móliu, casu trisinau, duas predas de sali e follixedhas de puleu Tradutziones Frantzesu trituré, broyé Ingresu ground Ispagnolu picado Italianu triturato Tedescu zerkleinert.

«« Torra a chircare