istrallógu , nm: istróllogu Definitzione cosa chi narant chentza de fundhóriu, chentza de sustàntzia, de pagu importu Sinònimos e contràrios illériu, istrallóbbiu, istrolichéntzia, scionchidadi Frases segadichela cussa limba de fogu: inoghe no che at àteru istrallogu! ◊ una bria ses, nandhe istròllogos!… Ètimu srd. Tradutziones Frantzesu bêtise Ingresu twaddle Ispagnolu tontería, burrada Italianu détto strampalato, scemènza Tedescu Blödsinn.

macheíne , nm: machine, machini Definitzione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza igudítziu, pagu abbista; css. fata o nada pagu sàbia, fintzes cosighedha de pagu importu Sinònimos e contràrios machíghine, machímene | ctr. sabidoria, sabine Maneras de nàrrere csn: a m. = a meda, a fuliadura, a malistropiadura, o fintzas chentza zudíssiu; essíreche in machines = nàrriri iscimprórius, acabbai nendi tontesas, essiri in coranta mois; catzare su m.= lassai de fai tontesas, imparai a no fai tontesas, iscrammentai Frases machine si niat, custu, sempre zoghendhe!…◊ su machine est de trinta ses zenias e tue l'as leadu 'e trinta sete! (Sassu)◊ ista mudu e lassa sos machines! ◊ che ingullit pro bonos totu sos machines chi intendhet ◊ ti lu catzat su machine si leas su ferru ingrujadu a manos!…◊ ponindhe fatu a su machine tou no mi apo fatu sas fainas ◊ su macheine unu filu at de picare! 2. at brigau po machines 3. los istimaiat a machine ◊ in campu bi fit s'antunna a machine Sambenados e Provèrbios prb: de machine e poesia ognune at sa parte sua ◊ su machine alligatu est peus de su naturale Ètimu srd. Tradutziones Frantzesu folie, sottise Ingresu madness, nonsense Ispagnolu locura, desatino Italianu pazzía, dissennatézza, scemènza Tedescu Wahnsinn, Unsinn, Unverstand, Dummheit.

machiòre, machiòri , nm Definitzione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza giudítziu, pagu abbista; css. fata o nada pagu sàbia; dannu fatu chentza dhue pentzare bene, faendho a sa maconatza Sinònimos e contràrios desatinu, lochesa, locura, macheine, mancantésimu, mediori / travessura Maneras de nàrrere csn: piàchere a m. = pràxiri meda; bogai is machioris de conca a unu = catzàreli su machine, currèzerelu, iscarmentàrelu Frases est unu machiori solu a dhu pentzai chi un'ómini de otanta annus bandit a si cojai cun d-una picioca de dexiotu! ◊ mancu mali chi no dhi est benniu su machiori de bociri custa puru! Ètimu srd. Tradutziones Frantzesu folie, sottise Ingresu craziness Ispagnolu locura Italianu pazzía, dissennatézza, scemènza Tedescu Wahnsinn, Unsinn, Unverstand, Dummheit.

scionchidàdi , nf: scionchirari Definitzione cosa chentza cabu, chentza fundhóriu Sinònimos e contràrios illériu, istrallóbbiu, istrallogu, istrolichéntzia, machighinada, scioncheria Frases ma no dhu bis ca est nendi scionchidadis: ita dh'ascurtas?! Ètimu srd. Tradutziones Frantzesu bêtise Ingresu silliness Ispagnolu necedad Italianu balordàggine, scemènza Tedescu Dummheit, Unsinn.

«« Torra a chircare