Ditzionàriu in línia
de sa limba e de sa cultura sarda

desatínu , nm: disatinu Definitzione cosa chi faet o narat chie est fora de tinu, cosa chi andhat male, dannu (chi podet èssere de pagu contu coment'e unu bidhídhiri de pipiu chi pagu atuat, unu dispetu, o fintzes dannu mannu); su no giare atentzione, su no atinare o atuare a sa cosa chi si est faendho / èssere in d. = èssere fora de se Sinònimos e contràrios balossímini, dilbaratu, isabóriu, lochidadi, macheine, tontesa / dannu Frases su brassanu bratzu sou crudele e assassinu at fatu subra mia disatinu ◊ a fortza de bufare faghent disatinos in domo ◊ tue giughes sa limba che fiama e faedhendhe naras disatinos 2. ite disatinu, che dhi est orrutu unu cambu mannu a pitzu!◊ fillu tú cun is amighixedhus malus est faendu disatinus! Ètimu spn. Tradutziones Frantzesu bêtise, sottise, vandalisme Ingresu inattention, rave, silliness, vandalism Ispagnolu desatino, vandalismo Italianu sciocchézza, farnètico, spropòsito, sprolòquio, disattenzióne, vandalismo Tedescu Wahnsinn, Unaufmerksamkeit, Wandalismus.

dortidúdine , nf Definitzione su èssere trevessos, trotos, su no èssere bonos a cunsiderare (o su no bòllere cunsiderare) is cosas e giare arrexone a chie dha tenet Sinònimos e contràrios arrevesciori, dortine, revessidade, revessura, revessiu, tortíghine, trotímene | ctr. sabiesa Frases lampu ca ndhe zughet, de dortidúdine, cussu, est abberu: mancu a fune afilat! Tradutziones Frantzesu sottise Ingresu silliness Ispagnolu estupidez Italianu stoltézza Tedescu Unklugheit.

ibbàmbiu , nm: irbàmbiu Definitzione cosa chi narat o faghet chie zughet pagu zudíssiu, cosa, chistionu, peràulas de pagu contu, de paga sustàssia Sinònimos e contràrios bambíghine, ibéntiu, illériu Frases làssami sos irbàmbios: como bae e faghe sa cosa e poi ndhe amus a chistionare de su chi ses nendhe! ◊ ohi, làssami s'irbàmbiu, chi no so in chirca de zogos, como! Ètimu srd. Tradutziones Frantzesu fadeur Ingresu silliness Ispagnolu sosería Italianu insulsàggine Tedescu Albernheit.

isciallóriu , nm: isciolóriu, issollóriu, issolóriu, sciollóriu Definitzione nada o fata de perunu contu, bamba, unu pagu a machine Sinònimos e contràrios isabidóriu, isciallocu, isciolovru, lérina, lochesa, lochidadi Frases no fatzais isciallórius ca nc'est su perígulu chi is sordaus acapint a cancunu! ◊ custu baliodho mi nat chi sunt issolórios ◊ si custos issollórios ti fachent passare unu cuartu de ora de bonumore det èssere unu piachere Ètimu srd. Tradutziones Frantzesu sottise Ingresu silliness Ispagnolu tontería, bobada Italianu sciocchézza Tedescu Albernheit.

lochímini , nm Definitzione cosa de macos, chi faent o narant is macos Sinònimos e contràrios balossímini, bambímine, desatinu, isabóriu, isambrúliu, lochesa, lochidadi, lolluine, tontesa Ètimu srd. Tradutziones Frantzesu bêtise, sottise Ingresu silliness Ispagnolu tontería Italianu sciocchézza Tedescu Dummheit.

lollúghine , nm: lullúghine Definitzione cosas de lollus, de gente bamba, de pagu contu; fintzes cosa chi si narat a murrúngiu, su pisibisi chi si faet foedhandho a iscusi (fintzes a bodheta) Sinònimos e contràrios balossímini, isabóriu, ischipudhàmene, isambrúliu, lolluine, pisibisi 1, pispisu, tonteria 2. abbizósicu e letranchicurtzu, fit a lollúghines, masticàndhesi una tzica a trachedhu de dentes Ètimu srd. Tradutziones Frantzesu bêtise, sottise Ingresu silliness Ispagnolu tontería Italianu sciocchézza Tedescu Dummheit.

sciapidúra , nf: isapidura* Sinònimos e contràrios bambiore, bambura, illériu, isabidóriu, isapidoria, sciabóriu Tradutziones Frantzesu fadeur, niaiserie Ingresu silliness Ispagnolu sosería Italianu insulsità Tedescu Fadheit.

scionchidàdi , nf: scionchirari Definitzione cosa chentza cabu, chentza fundhóriu Sinònimos e contràrios illériu, istrallóbbiu, istrallogu, istrolichéntzia, machighinada, scioncheria Frases ma no dhu bis ca est nendi scionchidadis: ita dh'ascurtas?! Ètimu srd. Tradutziones Frantzesu bêtise Ingresu silliness Ispagnolu necedad Italianu balordàggine, scemènza Tedescu Dummheit, Unsinn.

tortèsa , nf: trotesa Definitzione su èssere trotos, su dha pentzare a trotu, su abbetiare chentza arrexone; cosa pentzada o fata po male Sinònimos e contràrios tortíghine, tortiorja, tortura Frases po sa trotesa sua at fatu deasi! Ètimu srd. Tradutziones Frantzesu sottise Ingresu silliness Ispagnolu estupidez Italianu stoltézza Tedescu Torheit.

travessúra , nf: trevessua, trevessura Definitzione cosa trevessa, dannu mannu; fintzes atzione mala, fata de farabbutos / fai trevessuas = (nau de su tempus) fàere dannu Sinònimos e contràrios machiore, tortíghine, trevessúmini Frases is travessuras tuas ne dhas iscudes a mie ca tegno palas mannas! ◊ bosatrus seis cumbinandu trevessuras ◊ cras cuncordaus cussu macitu, prima chi cumbinit un'àtera trevessura ◊ sa genti traitora fait malis e trevessuras ◊ trevessuras naturalis funt isciutura, istracia, mortalla ◊ custa est noti de bentu forti e de trevessura Ètimu srd. Tradutziones Frantzesu sottise Ingresu silliness Ispagnolu necedad Italianu stoltézza Tedescu Dummheit.