Legenda Incurtzaduras | Legenda Sìmbulos

lància , nf: lansa, lantza Definitzione genia de arma longa e puntuda intrada in punta de una pértiga; s'agu de s'abe; genia de barca chi in is naves serbit a s’apretu, candho sa nave est afundhandho / leare de lantza e de punta = leare a mal'ogru, a tírria, alliare faghindhe male Sinònimos e contràrios puncione / fritza / balca Frases tirat bentu astraosu chi intrat che lantzas ◊ dhu pungit Longeu bestantancedhi una lansa in su coru 2. acurtu su capitanu e marineris umpare sa lantza betant in mare 3. so isperiguladu fatu ca su mere mi at leadu de lantza e de punta ◊ li apo nadu chi in s'itevàghere fit istentosu e mi at leadu de lantza e de punta (G.Ruju) Tradutziones Frantzesu lance, aiguillon, chaloupe, canot Ingresu sting, lance Ispagnolu lanza, aguijón, lancha Italianu lància, pungiglióne Tedescu Lanze, Boot, Stachel.

punciòne, punciòni , nm: puntzone, puntzoni Definitzione genia de punta manna de ferru o àtera cosa tostada, aina puntuda po púnghere o, fata adata a bisura de pintadera, po marcare (prus che àteru trastos); parte puntuda a bisura de agu chi unos cantu bobbois portant a púnghere, po si difèndhere (es. s'abe)/ fàghere in puntzone su corru de su trigumuriscu = bogare una o prus fileras de granu de s'ispiga (po dh'acabbai mellus a manu) Sinònimos e contràrios acutzoni, puntzu 1, sàgiu / istilete, istocu Frases bochiant su mannale o cun sa patadesa o cun su puntzone Sambenados e Provèrbios smb: Puncioni, Punzone, Punzoni Terminologia iscientìfica ans, crn Tradutziones Frantzesu poinçon, aiguillon Ingresu drift, sting Ispagnolu punzón, aguijón Italianu punzóne, pungiglióne Tedescu Punze, Stachel.

puntógliu, puntólzu , nm: puntórgiu, puntorju, puntorzu, puntosu 1, puntozu Definitzione pértiga de istrúmbulu cun punta de ferru acutza po púnghere is boes (ma portat fintzes una tira de pedhe acapiada in punta, po iscúdere): a logos, puntórgiu est s'ispíciu, s'ossu de mesu in petorras a ue atóbiant is costas / puntorju àpinu = s'agu chi portat s'abe po púnghere, puncione (itl. pungiglióne) Sinònimos e contràrios frúmbulu, frusórgiu, istrumbu, spinada Frases una giunta de orzu no ti la nego: ma si ti firmas assazas su puntorzu! ◊ isse cantendhe fit isprone, puntolzu, fit foete e no timiat cun nemos ◊ su solovru de sos tempos duros mi atraessat che puntas de puntosu (L.Mudadu) Terminologia iscientìfica ans Ètimu ltn. punctorium Tradutziones Frantzesu aiguillon Ingresu goad Ispagnolu aguijada Italianu pùngolo Tedescu Stachel.

sàgiu , nm: sazu Definitzione ispina manna, longa, de unas cantu matas (es. pirastu, calàvrighe, prunischedha); genia de tapu fine de linna chi si ponet a sa carrada, crau longu de linna e in calecunu logu fintzes un'ischidone piticu; marcu biaitu; lobu de sartitzu / latzu a sazitu = sorigarzu Sinònimos e contràrios acutzoni, bucioni, pibirisia, isticone, istrajone, sajone Frases dormint nudas, pienas de sazos, sas àrvures ◊ unu sazu mi at intratu in su pede ◊ tandho ses tue sa pistighinzosa chi forroxas che sazu in sa piae! (A.M.Pinna) 2. su carradellu est a butiu dae su sazu ◊ sa corda dha ponent a arrustire in su sazu 3. unu sazu de salditza Sambenados e Provèrbios smb: Saggiu, Satgiu Tradutziones Frantzesu aiguillon, épine, cheville Ingresu prickle Ispagnolu aguijón, púa, espiche, tarugo Italianu acùleo, zìpolo Tedescu Stachel, Spund.

sajòne , nf Definitzione sazu mannu, ispina longa meda Sinònimos e contràrios acutzoni, bucioni, istrajone, sàgiu Ètimu srd. Tradutziones Frantzesu grosse épine Ingresu big thorn Ispagnolu espina gruesa Italianu grossa spina Tedescu großer Stachel.

strúmbu , nm: istrumbu*, strúmbulu, strummu, strumu, strúmulu Definitzione genia de fuste cun sa punta o ispina de ferru a púnghere is boes / tocai de strúmbulu = púnghere a puntorzu Sinònimos e contràrios frúmbulu, puntógliu, spinada, strubbu Frases su strummu mi intzutzullit ◊ arrósciu de su strúmbulu de su meri, su molenti at apuntau is peis e at carcinau ◊ su strumbu in punta portat s'aciou po pungi 2. sa scialema de is annus chi floressint si at a fai strumbu de is dis brebèscias chi no as a podi cardampulai (E.Collu) Terminologia iscientìfica ans Tradutziones Frantzesu aiguillon Ingresu goad Ispagnolu aguijada Italianu pùngolo Tedescu Stachel.

«« Torra a chircare