A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

afrusiài , vrb: frusiai* Definition fàere una genia de frúsiu o sonu coment’e de súlidu, piscinandho Synonyms e antonyms ammuinai 1, frusitai, moidare, muizare, zumiai Sentences is abis a iscussura zúmia zúmia afrúsiant me is froris ◊ s'intendint is pisitus miaulendu e afrusiendusí.

afrúsidu , nm Definition su afrusai, s'afrusada Synonyms e antonyms acollada, afracada, imperta, ispinta Etymon srd.

afrusitài , vrb Definition essire, andharesindhe impresse Synonyms e antonyms irghelare, iscèrghere.

afrussàre , vrb Definition pigare is dificurtades cun fortza, cun ànimu, coràgiu Synonyms e antonyms afrontai Sentences cussas zòvanas afrussant sa vida cun corazu (S.Are)

afrustadòri , nm Definition chie iscudet a frusta Etymon srd. Translations French fouetteur English whipper Spanish quien azota, fustigador Italian frustatóre German Anpeitscher.

afrustadúra , nf Synonyms e antonyms aciotada, illatigada, iscorriolada Etymon srd. Translations French fouettement English whipping Spanish azotamiento Italian frustatura German Anpeitschen.

afrustài , vrb: frustai* Definition aciotare peri is orrugas púbblicas is malafatores Synonyms e antonyms aciotai, aciotarai, afrustatzare, irbrunchiare, passillai Translations French fouetter English to lash Spanish azotar Italian frustare German peitschen.

afrustài 1 , vrb: frustare 1 Definition bestire male, no po sa poberesa ma po su pagu incuru, po moda, po fàere a erríere o àteru, fàere is cosas a s'abbunzina, a improdhu; nàrrere male de is àteros Synonyms e antonyms aciapuciae, improdhai, inciapugliare, indrovigare / aferritai Sentences a carrasegai si afrustant, totu, po fai a arriri ◊ si afrustant cun robba bècia, si acarraxant sa faci e andant de domu in domu pregontendi cípulas Etymon ltn. frustrare.

afrustatzàre , vrb: frustatzare* Synonyms e antonyms afrustai, irbrunchiare Sentences ma cudhu póver'ómine at cumpresu e s'isfrégiu no at baliadu e a s'istante l'at afrustatzadu, li at légidu sa vida e l'at ofesu.

afrústu , nm Definition bestimentu pòberu mancai fintzes límpiu, ma chi no deghet ca est angenu, o no dh'istat, a unu, cosa posta deasi male o chi istat male, in dossu, de fàere a erríere; fintzes cosa fata male (fintzes unu fatu, atzione mala), arrennéscia male, chi no deghet / piscare a s'a. = a s'iscuru cun su retàgliu; a. de natura = istrumíngiu, cosa aortitza Sentences ellus no emu lassau andai a filla mia cun cuss'afrustu de pius petonaus aici!… 2. ma càstia s'afrustu chi dh'ant fatu a is pius, a su piciochedhu!…◊ cunsidera chi ti ant a dare afrustu po chi a su gradu tou no est custu (M.Z.Funedda)◊ calincunu afrustu bellu at a èssi, s'arregalu chi mi fais!…◊ arratza de afrustu su colori de cussa domu!… Etymon srd.

afrúza, afrúzu , nf, nm Definition genia de erba chi faet a fundhu mannu, is arraighinas grussas coment'e a patata ma longhitas, a medas coment'e un'apisile, a matzu, bogat is fògias totus impare a oru de terra, longas e largas e coment'e a duas perras chi faent a canale e sèmpere prus istrintas a car'a punta: in beranu bogat sa candhelita chi s’ispratzit in punta inue faet su frore Synonyms e antonyms abrúciu, cadilloni, iscareja, iscaria, prammutu, tarabúciu, ulciareu Scientific Terminology rba, Asphodelus ramosus.

afuàrgiu, afuàrju , nm Synonyms e antonyms afuràrgiu, craculeu, fruferarzu Etymon srd.

afucuràre , vrb Definition fàere un'istrégiu prenu a cúcuru, a cucurru (de cosa chi istat a muntone) Synonyms e antonyms acolumare, acucuai, acucurrumedhare | ctr. bocare, iscucurai, leai.

afuènte, afuènti , nm: apuente Definition safata de arràmene tundha, fundhuda, burinada, chi in s'antigóriu serbiat in crésia po arregòllere is ofertas, po pònnere is obbilos (craos) e sa corona faendho s'iscravamentu o pònnere su chi serbiat po su batiare; dhu sonànt e dhu sonant po acumpangiare su ballu a carrasegare; dhu leaiat, puru, su sagrestanu in giru peri is orrugas po ingòllere is ofertas po is ànimas de su prugadóriu, sonandhodhu cun d-una crae po si fàere intèndhere chi fut passandho; si narat de css. istrégiu postu de pòdere istrobbare (a/c. in calecunu logu s'apuente est sa triunfa, àtera genia de sonajolu) Synonyms e antonyms fuenta Sentences sa figu maltinica la mandhat monsignore in s'afuent'e prata…◊ chentza s'afuente no si cumintzabat su ballu 2. totu custos afuentes dae sa banca collichelos! Scientific Terminology stz, sjl, prdc. Etymon spn. (la) fuente

afuetàda , nf: foetada Definition iscutulada de foete; in cobertantza, arresposta o essia cun foedhos chi dolent, chi dispraxent Synonyms e antonyms aciotada, irfoetada, iscorriada 2. cudhu si ndi fiat arrísiu biendi su sennori assuermau a is afuetadas de giaja Etymon srd.

afuetài , vrb: fuetare Definition iscúdere, pigare a cropos de foete; nau in cobertantza, tratare male, fintzes pigare a foedhos malos Synonyms e antonyms fertzire, irfoetare 2. pòberus Cristus, afuetaus, istrisonaus, cravillaus de tírria e prepoténtzia! ◊ est isciancada, tzumburuda, bisoga e sentza dentis, ma afuetat cun sa língua a totus ◊ est genti afuetada de s'abbisóngiu Etymon srd. Translations French cravacher English to whip Spanish azotar Italian scudisciare German peitschen.

afúfa , nf Definition su afufare, nau in su sensu de cunfusione, de no ischire comente fàere.

afufàda , nf Definition su afufai, afufare / fàchere un'a. in s'abba = tzacare a modhe, aciuvai in s'àcua Synonyms e antonyms aciuvada, imbérghida Etymon srd.

afufadòre, afufadòri , agt, nm Definition chi pigat o furat sa cosa e dha cuat Synonyms e antonyms arpiadori, arrapiante, forúnciu, fraitzu, francudu, furànciu, furone, ladrone, mostrengheri, scabeciadori, ungiudu Sentences sos chircadores ant àpidu su ferru ma no sa gama e si sunt cumbintos chi sos afufadores l’ant intregada a calchi àteru Etymon srd. Translations French pillard, brigand English marauder Spanish depredador Italian predatóre German Räuber.

afufadúra , nf Definition su afufai, su furare, fàere a fura Synonyms e antonyms afufamentu, fura Etymon srd.