A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

afrusiài , vrb: frusiai* Definizione fàere una genia de frúsiu o sonu coment’e de súlidu, piscinandho Sinonimi e contrari ammuinai 1, frusitai, moidare, muizare, zumiai Frasi is abis a iscussura zúmia zúmia afrúsiant me is froris ◊ s'intendint is pisitus miaulendu e afrusiendusí.

afrúsidu , nm Definizione su afrusai, s'afrusada Sinonimi e contrari acollada, afracada, imperta, ispinta Etimo srd.

afrusitài , vrb Definizione essire, andharesindhe impresse Sinonimi e contrari irghelare, iscèrghere.

afrussàre , vrb Definizione pigare is dificurtades cun fortza, cun ànimu, coràgiu Sinonimi e contrari afrontai Frasi cussas zòvanas afrussant sa vida cun corazu (S.Are)

afrustadòri , nm Definizione chie iscudet a frusta Etimo srd. Traduzioni Francese fouetteur Inglese whipper Spagnolo quien azota, fustigador Italiano frustatóre Tedesco Anpeitscher.

afrustadúra , nf Sinonimi e contrari aciotada, illatigada, iscorriolada Etimo srd. Traduzioni Francese fouettement Inglese whipping Spagnolo azotamiento Italiano frustatura Tedesco Anpeitschen.

afrustài , vrb: frustai* Definizione aciotare peri is orrugas púbblicas is malafatores Sinonimi e contrari aciotai, aciotarai, afrustatzare, irbrunchiare, passillai Traduzioni Francese fouetter Inglese to lash Spagnolo azotar Italiano frustare Tedesco peitschen.

afrustài 1 , vrb: frustare 1 Definizione bestire male, no po sa poberesa ma po su pagu incuru, po moda, po fàere a erríere o àteru, fàere is cosas a s'abbunzina, a improdhu; nàrrere male de is àteros Sinonimi e contrari aciapuciae, improdhai, inciapugliare, indrovigare / aferritai Frasi a carrasegai si afrustant, totu, po fai a arriri ◊ si afrustant cun robba bècia, si acarraxant sa faci e andant de domu in domu pregontendi cípulas Etimo ltn. frustrare.

afrustatzàre , vrb: frustatzare* Sinonimi e contrari afrustai, irbrunchiare Frasi ma cudhu póver'ómine at cumpresu e s'isfrégiu no at baliadu e a s'istante l'at afrustatzadu, li at légidu sa vida e l'at ofesu.

afrústu , nm Definizione bestimentu pòberu mancai fintzes límpiu, ma chi no deghet ca est angenu, o no dh'istat, a unu, cosa posta deasi male o chi istat male, in dossu, de fàere a erríere; fintzes cosa fata male (fintzes unu fatu, atzione mala), arrennéscia male, chi no deghet / piscare a s'a. = a s'iscuru cun su retàgliu; a. de natura = istrumíngiu, cosa aortitza Frasi ellus no emu lassau andai a filla mia cun cuss'afrustu de pius petonaus aici!… 2. ma càstia s'afrustu chi dh'ant fatu a is pius, a su piciochedhu!…◊ cunsidera chi ti ant a dare afrustu po chi a su gradu tou no est custu (M.Z.Funedda)◊ calincunu afrustu bellu at a èssi, s'arregalu chi mi fais!…◊ arratza de afrustu su colori de cussa domu!… Etimo srd.

afrúza, afrúzu , nf, nm Definizione genia de erba chi faet a fundhu mannu, is arraighinas grussas coment'e a patata ma longhitas, a medas coment'e un'apisile, a matzu, bogat is fògias totus impare a oru de terra, longas e largas e coment'e a duas perras chi faent a canale e sèmpere prus istrintas a car'a punta: in beranu bogat sa candhelita chi s’ispratzit in punta inue faet su frore Sinonimi e contrari abrúciu, cadilloni, iscareja, iscaria, prammutu, tarabúciu, ulciareu Terminologia scientifica rba, Asphodelus ramosus.

afuàrgiu, afuàrju , nm Sinonimi e contrari afuràrgiu, craculeu, fruferarzu Etimo srd.

afucuràre , vrb Definizione fàere un'istrégiu prenu a cúcuru, a cucurru (de cosa chi istat a muntone) Sinonimi e contrari acolumare, acucuai, acucurrumedhare | ctr. bocare, iscucurai, leai.

afuènte, afuènti , nm: apuente Definizione safata de arràmene tundha, fundhuda, burinada, chi in s'antigóriu serbiat in crésia po arregòllere is ofertas, po pònnere is obbilos (craos) e sa corona faendho s'iscravamentu o pònnere su chi serbiat po su batiare; dhu sonànt e dhu sonant po acumpangiare su ballu a carrasegare; dhu leaiat, puru, su sagrestanu in giru peri is orrugas po ingòllere is ofertas po is ànimas de su prugadóriu, sonandhodhu cun d-una crae po si fàere intèndhere chi fut passandho; si narat de css. istrégiu postu de pòdere istrobbare (a/c. in calecunu logu s'apuente est sa triunfa, àtera genia de sonajolu) Sinonimi e contrari fuenta Frasi sa figu maltinica la mandhat monsignore in s'afuent'e prata…◊ chentza s'afuente no si cumintzabat su ballu 2. totu custos afuentes dae sa banca collichelos! Terminologia scientifica stz, sjl, prdc. Etimo spn. (la) fuente

afuetàda , nf: foetada Definizione iscutulada de foete; in cobertantza, arresposta o essia cun foedhos chi dolent, chi dispraxent Sinonimi e contrari aciotada, irfoetada, iscorriada 2. cudhu si ndi fiat arrísiu biendi su sennori assuermau a is afuetadas de giaja Etimo srd.

afuetài , vrb: fuetare Definizione iscúdere, pigare a cropos de foete; nau in cobertantza, tratare male, fintzes pigare a foedhos malos Sinonimi e contrari fertzire, irfoetare 2. pòberus Cristus, afuetaus, istrisonaus, cravillaus de tírria e prepoténtzia! ◊ est isciancada, tzumburuda, bisoga e sentza dentis, ma afuetat cun sa língua a totus ◊ est genti afuetada de s'abbisóngiu Etimo srd. Traduzioni Francese cravacher Inglese to whip Spagnolo azotar Italiano scudisciare Tedesco peitschen.

afúfa , nf Definizione su afufare, nau in su sensu de cunfusione, de no ischire comente fàere.

afufàda , nf Definizione su afufai, afufare / fàchere un'a. in s'abba = tzacare a modhe, aciuvai in s'àcua Sinonimi e contrari aciuvada, imbérghida Etimo srd.

afufadòre, afufadòri , agt, nm Definizione chi pigat o furat sa cosa e dha cuat Sinonimi e contrari arpiadori, arrapiante, forúnciu, fraitzu, francudu, furànciu, furone, ladrone, mostrengheri, scabeciadori, ungiudu Frasi sos chircadores ant àpidu su ferru ma no sa gama e si sunt cumbintos chi sos afufadores l’ant intregada a calchi àteru Etimo srd. Traduzioni Francese pillard, brigand Inglese marauder Spagnolo depredador Italiano predatóre Tedesco Räuber.

afufadúra , nf Definizione su afufai, su furare, fàere a fura Sinonimi e contrari afufamentu, fura Etimo srd.