A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

afrungiulàre , vrb rfl Definizione su si aprigare in calecunu logu o apartare Sinonimi e contrari incheremire Etimo srd. Traduzioni Francese s'abriter Inglese to shelter Spagnolo refugiarse Italiano ricoverarsi Tedesco sich flüchten.

afrunicàe , vrb Definizione frunire, nau in su sensu de pònnere belleis, apicones po bellesa.

afrunzàdu , agt Definizione nau de mata, chi portat sida meda Sinonimi e contrari comosu, fogiudu, follosu, frunzàdile, ratudu Frasi custos àrvures sunt bene afrunzados Etimo srd. Traduzioni Francese feuillu Inglese leafy Spagnolo frondoso Italiano frondóso Tedesco dicht belaubt.

afrunzedhàre , vrb Definizione fàere, bogare fròngias noas, sida, nau de matedu; nau de orrobba téssia, fàere a piegas, a tzirbisas Sinonimi e contrari afroghedhare, afrongiai, puzonire / afrangillonai, aggranchizonare, apigiare, frongire Etimo srd.

afrunzedhàu , pps, agt Definizione de afrunzedhare Sinonimi e contrari aprigadu, aprighizonadu, corrongiau, fronziu | ctr. istirau, lísciu 2. fit minuju de se, ma suta su pizu de su nibe no si pesabat dae terra: zuchiat sa carena afrunzedhada ◊ zuchet sa cara afrunzedhada dae sos annos e dae sos dispiacheres.

afrunzídu , agt Definizione chi est totu a tzirbisas, coment'e sicandhosi, igragalau Sinonimi e contrari allacanau, allechiau, allevigiau, allizadu, allissiadu, ammustiau Frasi sos fiores ant pérdidu sa bellesa: sunt totu afrunzidos Etimo srd.

afrunzonàre , vrb Definizione fàere a tzirbisas, a piegas, nau de bestimentu, de orrobba Sinonimi e contrari apigiare, apirchizonare, apistillonai, frongire | ctr. istirai Etimo srd.

afrúsa , nf: frusa Definizione s’arrancu, su fragu comente ndhe dhu batit su bentu, s'ària Sinonimi e contrari arrasta.

afrusàda , nf Sinonimi e contrari acirrada, acollada / abbentada Etimo srd.

afrusadòri , agt Definizione chi pigat sa frusa, s'arrastu, sa trata, nau de su cane o de àteru animale Frasi su stori afrusadori Etimo srd.

afrusàe, afrusài , vrb: frusai* Definizione pigare sa frusa, s'abbentada, s’arrancu cricandho calecuna cosa; andhare aifatu de s'arrastu; si narat fintzes de is boes candho incorrant, de gente chi si tzucat a iscúdere, a cracare a ccn. Sinonimi e contrari acarigai, annajare, annàsere, arrancai 1, arrastai, fiagare, frusai, nuscai.

afruscàdu , agt Definizione de afruscare 1; chi est in pentzamentu, orioladu Frasi ndhe fimus afruscados de su nie… cantu istaiat dies e dies chena sessare comintzaiat a dare anneu (S.Saba).

afruscàre afroscàre

afruscàre 1 , vrb rfl. Definizione su si pigare pentzamentu, anneu, annicu Sinonimi e contrari apensamentai, apinnicare, apistichinzare Frasi sos pastores che resteint arrocados in montes dae su nie, ma no si ndhe sunt afruscados (M.Pinna)◊ cussu no est ómine chi si afruscat pro nudha! 2. ndhe fimus afruscados candho istaiat dies e dies chena sessare de fiocare.

afruscàu , pps, agt Definizione de afruscare; fintzes chi tenet gana manna de fàere, de istare faendho Sinonimi e contrari fracóngiu, spedhiosu.

afruscedhàe , vrb Definizione fàere a fuschedhas, bogare fruschedhas in sa pedhe.

afruschiàre , vrb: fruschiare* Definizione bogare o fàere unu frúschiu, unu súrbiu Sinonimi e contrari ammuinai 1, fruscidare, frusiai, frusitai, moidare, múere, muizare, sulietai, sulitai, surbiai, zumiai.

afrusciài aflusciài

afruscinài , vrb: fruschinare* Definizione su si mòvere comente faet su pische in s'abba, is gremes in su ludu e àteru, coment'e atrotogiandhosi a parte e àtera Sinonimi e contrari boltulare, foigare, iscabiare, scemiai.

afrúsciu!, afrúscu! , iscl Definizione meda; nau de mala manera tenet su significadu de nudha Frasi - Meda ndh'as? - Afrúsciu!