A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ambisuàre , vrb: ambisugare Definition piscare ambesues Etymon srd.

ambisúca, ambisúe, ambisúga abbisúi

ambisugàre ambisuàre

ambisughéri , nm Definition chie piscat o bendhet ambesues Synonyms e antonyms ambisuaju Etymon srd.

ambisúi abbisúi

ambisújula , nf Synonyms e antonyms abbisui, angassua, sambesuca, sangunera.

ambitziòne, ambitziòni , nf Definition disígiu e idea a sa sighia de lòmpere a ccn. iscopu Synonyms e antonyms agodíssia, codícia Etymon itl. ambizione.

ambitziósu , agt Definition chi tenet ambitzione Synonyms e antonyms codiciosu.

àmbiu , nm Definition sa manera chi donniunu tenet de si mòvere camminandho Synonyms e antonyms andhanta Sentences iat imparau a ndi dhu isceberai finas in s'iscuriu, a s'àmbiu de sa caminada ◊ s'intendiat s'àmbiu passiosu de su burricu.

ambogàda , nf Synonyms e antonyms bocada Etymon srd.

ambòlla , nf Definition istràtzu chi s'impreat po samunare in terra.

ambordúos ambadús

àmbos , agt, prn Definition unu e àteru, duos leaos impare (f. ambas) Synonyms e antonyms ambadús Sentences colli s'olia cun ambas manos, ca achipis meda! ◊ su pràtigu a iscríere a màchina ponet ambas manos ◊ ne s'unu e ne s'àteru aiant dinari e cudh'ómine perdoneit ambos duos dépidos 2. bos iseto ambos a bustare, tenzo de arrejonare cun isse ma as a èssere presente finas tue ◊ no bidiamus s’ora ambas duas, ceo de intèndhere e issa de contare Etymon ltn. ambos Translations French les deux English both Spanish ambos Italian entrambi German beide.

ambosdúos ambadús

ambràga , nf: imbraga* Definition tira de cosa, prus che àteru de pedhe, chi de s'arcu de asegus de sa sedha passat asuta de sa coa de s'animale a manera chi sa sedha o sedhatzu arrescat a parte de asegus puru (a parte de ananti dha mantenet su chintórgiu) Synonyms e antonyms arratranca, cadragula, latranga.

àmbria , nf Definition genia de pedra, prus che àteru niedha, chi apicant a sa cadenita po majinzu o po bellesa; si narat fintzes de una genia de frutighedhu tundhu chi faent unas cantu linnas o erbas Synonyms e antonyms pinnadellu Sentences límpiu coment'e àmbria 2. sa cambigana faghet àmbrias rúgias maduras.

ambrídha , nf: ampridha Definition chibudha o tziodha marina, o fintzes canina, de cogas: una genia de erba chi faet a conca manna agiummai che a sa chibudha e bogat una candhelita chi frorit candho sa folla est sicada (in cabudanne, santuaine) Synonyms e antonyms abridha, aspidha*, scruidha Scientific Terminology rba, rbc, Charybdis maritima

ambrogài , vrb Definition its Sentences immoi no tenit faci de nci acostai: at a benni candu sa cosa at a èssi isfridada, po agabbai de ambrogai totu… (A.Garau).

ambrósu , nm Definition in cobertantza, su sonnu, sonnu bonu chi asséliat Sentences immoi dormi, dhedhu, ca ambrosu est arribbau (D.Maccioni).

ambrosúra , nf Definition apertura de ue pòdere isparare Etymon itl.p anbrosura Translations French canonnière, embrasure English gunport Spanish tronera, aspillera Italian cannonièra, feritóia German Schießscharte.