A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

anedhàu anedhàdu

anedhixédhu , nm Definition min. de anedhu, anedhu piticu Synonyms e antonyms anedhúciu.

anédhu , nm Definition prendha a lóriga chi si ponet in su pódhighe, a bortas de totunu andhare, a bortas totu trebballada o fintzes cun calecuna prendha de pedra; genia de cricu de ferru o de lutone chi si ponet in sa màniga a lepedhas e àteras ferramentas po dhis giare fortilesa; agt. puru o irballu? / min. anedhutzu Synonyms e antonyms fasceta, fede, manafidi Idioms csn: a. de randhita = anedhu de oro cun filigrana e pedras; a. de puntas = anedhu de oro cun chimbe o oto pínnigas; didu de s'a. = su de bàtoro pódhighes de sa manu; ogu de s'a. = ue est incrastada sa pedra (su chi ndhe zughet); ligai perda in anedhu = incrastarebbei ranu de prendha; a. de sarmenta = bentzígliu 1, úrtzula 1 Sentences isposendhe, s'ómine ponet s'anedhu a sa fémina e issa a s'ómine ◊ cussu che infilat una fritza in dóighi anedhos arreu! ◊ piga s'anedhu e ponidhu a su didu de sa fémina! ◊ s'anedhu m'intrat a inzotu, so ingrassada 2. sos ómines devent dare puru: sa fémina n'est istufa, no los agguantat prus e fachenne gai los lassat che malune anedhos (Prémiu Posada) Scientific Terminology prd Etymon ltn. anellus Translations French bague English ring Spanish anillo Italian anèllo German Ring.

anédhu 1 , nm Definition bobboi pintirighinau, cadhu de santu Ainzu, babballotedhu cun is alas orrúbias o grogas a pintirighinos niedhos, paret una mesa luna castiau de fiancu Synonyms e antonyms abbajola, abbasanta 1, babbajola, majola, mammarosa, mandioba, mariapesabola, mariola Scientific Terminology crp.

anedhúciu, anedhútzu , nm Definition min. de anedhu, anedhu piticu Synonyms e antonyms anedhixedhu Translations French petite bague English small ring Spanish anillo pequeño Italian anellino German Ringlein.

anédu , nm Definition fenugu areste Scientific Terminology rba Etymon ltn. anethum.

anèglia , nf: anella Definition sa lóriga grussa prus che àteru de lutone po tocare in is portales pedendho de apèrrere; in is cadenitas, donniuna de is lorighitas intradas apare; lóriga intrada in d-unu crau ammurau firmu in su muru po acapiare animales, fintzes lóriga de cadena Synonyms e antonyms anedha, lórica, pícula / ajete 2. is tzipuledhas funt tundhas coment'e anèglias ◊ apu disigiau de èssi líbbera, de segai is anèglias de sa carena! Etymon ctl. anella Translations French heurtoir English doorcnocker Spanish aldaba Italian picchiòtto German Klopfer.

anèi anèa

anèlla anèglia

anemía , nf Definition mancamentu o miminada de gróbbulos orrúbos in su sàmbene Scientific Terminology mld Translations French anémie English anaemia Spanish anemia Italian anemía German Anämie.

anémicu , agt Definition chi sufrit de anemia Sentences sos anémicos zughent sa cara che a sa tela Translations French anémique English anaemic Spanish anémico Italian anèmico German blutarm.

anemígu , nm, agt: animigu, annemigu, aramigu, arimigu, arramigu, arremigu, arrimigu, enemicu, inimicu*, nemigu Definition chi o chie bolet su male de s'àteru e cricat de si dhu fàere puru; númene chi si giaet a su dimóniu, chi prus de dónnia àteru tenet fama de bòllere su male / manu de s'i. = itl. paguro, zenia de animaledhu chi si che aggrodhat in sa zoga de cocois de mare e de ue bogat coment'e una franca a tenatza a tènnere su chi li serbit; èssiri malu che s'annemigu = malu, de coro malu Synonyms e antonyms disamistosu, disinimigu / arremínciu, demóniu | ctr. amicu 2. iant portau a Gesús medas tocaus de is aremigus ◊ s'aramigu mai m'ingannit ni a dedí ni a su noti! ◊ eus aciapau s'animigu piemontesu e nci dh'eus fuliau a mari ◊ lègia anca iat a èssiri? che s'aremigu! Translations French ennemi English enemy Spanish enemigo Italian nemico German Feind.

anemògrafu , nm Definition aparíciu chi misurat sa fortza de su bentu e a su matessi tempus iscriet, in su paperi imbodhigau a unu tamburu chi girat, una síngia (diagramma) chi arrapresentat su cambiamentu de sa fortza in su tempus.

anemòmetru , nm Definition aparíciu po misurare sa fortza de su bentu e singialare de cale bandha benit.

anèmone , nm Definition genia de frore Synonyms e antonyms frantzesíglia, némula Scientific Terminology frs.

anèra , nf Synonyms e antonyms filera Sentences sa cungiarua de carrúciu est fata prantendi tres aneras.

anestesía , nf Definition mancamentu de is sensos, ma nau agiummai solu po su dolore e po sa meighina chi si giaet o chi si ponet mescamente operandho un’arremu po no provare dolore su malàidu Translations French anesthésie English anaesthesia Spanish anestesia Italian anestesìa German Anästhesie.

anestesísta , nm Definition dutore pràtigu a fàere s'anestesia Translations French anesthésiste English anaesthesist Spanish anestesista Italian anestesista German Anästhetist.

anestéticu , nm Definition sa meighina chi si giaet po addromitiolare su malàidu prus che àteru po dhi fàere operatzione; meighina chi no lassat sentire su dolore Synonyms e antonyms addromitiolu, dormitóriu Translations French anesthésique English anaestethic Spanish anestésico Italian anestètico German Anästhetikum.

anestetizàre , vrb Definition fàere s'anestesia Synonyms e antonyms ammoltighinare Translations French anesthésier English to anaesthetize Spanish anestesiar Italian anestetizzare German anästhetisieren.