A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

anedhàu anedhàdu

anedhixédhu , nm Definitzione min. de anedhu, anedhu piticu Sinònimos e contràrios anedhúciu.

anédhu , nm Definitzione prendha a lóriga chi si ponet in su pódhighe, a bortas de totunu andhare, a bortas totu trebballada o fintzes cun calecuna prendha de pedra; genia de cricu de ferru o de lutone chi si ponet in sa màniga a lepedhas e àteras ferramentas po dhis giare fortilesa; agt. puru o irballu? / min. anedhutzu Sinònimos e contràrios fasceta, fede, manafidi Maneras de nàrrere csn: a. de randhita = anedhu de oro cun filigrana e pedras; a. de puntas = anedhu de oro cun chimbe o oto pínnigas; didu de s'a. = su de bàtoro pódhighes de sa manu; ogu de s'a. = ue est incrastada sa pedra (su chi ndhe zughet); ligai perda in anedhu = incrastarebbei ranu de prendha; a. de sarmenta = bentzígliu 1, úrtzula 1 Frases isposendhe, s'ómine ponet s'anedhu a sa fémina e issa a s'ómine ◊ cussu che infilat una fritza in dóighi anedhos arreu! ◊ piga s'anedhu e ponidhu a su didu de sa fémina! ◊ s'anedhu m'intrat a inzotu, so ingrassada 2. sos ómines devent dare puru: sa fémina n'est istufa, no los agguantat prus e fachenne gai los lassat che malune anedhos (Prémiu Posada) Terminologia iscientìfica prd Ètimu ltn. anellus Tradutziones Frantzesu bague Ingresu ring Ispagnolu anillo Italianu anèllo Tedescu Ring.

anédhu 1 , nm Definitzione bobboi pintirighinau, cadhu de santu Ainzu, babballotedhu cun is alas orrúbias o grogas a pintirighinos niedhos, paret una mesa luna castiau de fiancu Sinònimos e contràrios abbajola, abbasanta 1, babbajola, majola, mammarosa, mandioba, mariapesabola, mariola Terminologia iscientìfica crp.

anedhúciu, anedhútzu , nm Definitzione min. de anedhu, anedhu piticu Sinònimos e contràrios anedhixedhu Tradutziones Frantzesu petite bague Ingresu small ring Ispagnolu anillo pequeño Italianu anellino Tedescu Ringlein.

anédu , nm Definitzione fenugu areste Terminologia iscientìfica rba Ètimu ltn. anethum.

anèglia , nf: anella Definitzione sa lóriga grussa prus che àteru de lutone po tocare in is portales pedendho de apèrrere; in is cadenitas, donniuna de is lorighitas intradas apare; lóriga intrada in d-unu crau ammurau firmu in su muru po acapiare animales, fintzes lóriga de cadena Sinònimos e contràrios anedha, lórica, pícula / ajete 2. is tzipuledhas funt tundhas coment'e anèglias ◊ apu disigiau de èssi líbbera, de segai is anèglias de sa carena! Ètimu ctl. anella Tradutziones Frantzesu heurtoir Ingresu doorcnocker Ispagnolu aldaba Italianu picchiòtto Tedescu Klopfer.

anèi anèa

anèlla anèglia

anemía , nf Definitzione mancamentu o miminada de gróbbulos orrúbos in su sàmbene Terminologia iscientìfica mld Tradutziones Frantzesu anémie Ingresu anaemia Ispagnolu anemia Italianu anemía Tedescu Anämie.

anémicu , agt Definitzione chi sufrit de anemia Frases sos anémicos zughent sa cara che a sa tela Tradutziones Frantzesu anémique Ingresu anaemic Ispagnolu anémico Italianu anèmico Tedescu blutarm.

anemígu , nm, agt: animigu, annemigu, aramigu, arimigu, arramigu, arremigu, arrimigu, enemicu, inimicu*, nemigu Definitzione chi o chie bolet su male de s'àteru e cricat de si dhu fàere puru; númene chi si giaet a su dimóniu, chi prus de dónnia àteru tenet fama de bòllere su male / manu de s'i. = itl. paguro, zenia de animaledhu chi si che aggrodhat in sa zoga de cocois de mare e de ue bogat coment'e una franca a tenatza a tènnere su chi li serbit; èssiri malu che s'annemigu = malu, de coro malu Sinònimos e contràrios disamistosu, disinimigu / arremínciu, demóniu | ctr. amicu 2. iant portau a Gesús medas tocaus de is aremigus ◊ s'aramigu mai m'ingannit ni a dedí ni a su noti! ◊ eus aciapau s'animigu piemontesu e nci dh'eus fuliau a mari ◊ lègia anca iat a èssiri? che s'aremigu! Tradutziones Frantzesu ennemi Ingresu enemy Ispagnolu enemigo Italianu nemico Tedescu Feind.

anemògrafu , nm Definitzione aparíciu chi misurat sa fortza de su bentu e a su matessi tempus iscriet, in su paperi imbodhigau a unu tamburu chi girat, una síngia (diagramma) chi arrapresentat su cambiamentu de sa fortza in su tempus.

anemòmetru , nm Definitzione aparíciu po misurare sa fortza de su bentu e singialare de cale bandha benit.

anèmone , nm Definitzione genia de frore Sinònimos e contràrios frantzesíglia, némula Terminologia iscientìfica frs.

anèra , nf Sinònimos e contràrios filera Frases sa cungiarua de carrúciu est fata prantendi tres aneras.

anestesía , nf Definitzione mancamentu de is sensos, ma nau agiummai solu po su dolore e po sa meighina chi si giaet o chi si ponet mescamente operandho un’arremu po no provare dolore su malàidu Tradutziones Frantzesu anesthésie Ingresu anaesthesia Ispagnolu anestesia Italianu anestesìa Tedescu Anästhesie.

anestesísta , nm Definitzione dutore pràtigu a fàere s'anestesia Tradutziones Frantzesu anesthésiste Ingresu anaesthesist Ispagnolu anestesista Italianu anestesista Tedescu Anästhetist.

anestéticu , nm Definitzione sa meighina chi si giaet po addromitiolare su malàidu prus che àteru po dhi fàere operatzione; meighina chi no lassat sentire su dolore Sinònimos e contràrios addromitiolu, dormitóriu Tradutziones Frantzesu anesthésique Ingresu anaestethic Ispagnolu anestésico Italianu anestètico Tedescu Anästhetikum.

anestetizàre , vrb Definitzione fàere s'anestesia Sinònimos e contràrios ammoltighinare Tradutziones Frantzesu anesthésier Ingresu to anaesthetize Ispagnolu anestesiar Italianu anestetizzare Tedescu anästhetisieren.