Ditzionàriu in línia
de sa limba e de sa cultura sarda

apèste apèsta

apèta , nf Definition paulina, genia de bobboi niedhudu chi faet in is domos si dhue at umidore Synonyms e antonyms cadalana, patedha, partabúdiga, perta Scientific Terminology crp.

apetàntis , avb: petantis Definition tempus inter duos fatos Synonyms e antonyms sughestantu Sentences apetantis medas contus si nd'isperdint ◊ in s'apetantis chi dèu fui militari mamma si ndi fut andada a Gúspini.

apetàre , vrb Definition pònnere su petu nou, unu pígiu nou a su fundhu de is iscarpas, de mesania a sa punta, asuta Synonyms e antonyms arressolai, impetare, inciolai Sentences su catolàgiu, poveritu, cun totu cussos fundhos de apetare!…◊ oe amus de apetare iscarpas Etymon srd. Translations French ressemeler English to resole Spanish echar medias suelas Italian risuolare German neu besohlen.

apètere , vrb Definition disigiare, bòllere, àere in gana Synonyms e antonyms apetessi, apetire, apitare, desizare Etymon itl. appetere.

apetèssi apatèssiri

apetessiméntu , nm Definition su apetèssiri, su àere in gana de papare Etymon srd.

apetèssiri apatèssiri

apetigadòri apedicadòre

apetigàe, apetigài apatigài

apetigaméntu , nm Definition su apetigai, frigare o pònnere su pei a sa cosa, catzigamentu; in cobertantza, su fàere male, mescamente a chie no si podet difèndhere Synonyms e antonyms abbotinada, abbútinu, istraitzu Sentences cussus acuant s'apetigamentu de is deretus e interessus de sa natzioni sarda Etymon srd.

apetigàre apatigài

apetigógnu, apetigóngiu , nm Synonyms e antonyms apeisinzu, apeítigu, apeitu Etymon srd.

apetigórgiu , nm Definition logu totu apetigau, catzigau Etymon srd.

apetígu, apétigu , nm Definition catzigóngiu chi si faet ponendho is peis; nau in cobertantza, male chi si faet a s'àteru mescamente aprofitandho ca no si podet difèndhere Synonyms e antonyms apeítigu, apeitu, apeisinzu, apetigamentu, istraitzu, apetigognu, pedicontzu / acovecu / atrípidu, istrepitzu, istrípidu, tribitu Sentences s'intendhiat su chistionu de sa zente e s'apetigu de sos cadhos 2. ndi dh'ant fatu de apetigu, a cussu!… Etymon srd. Translations French piétinement, vexation English overwhelming, trampling Spanish pisoteo Italian calpestìo, sopraffazióne German Getrampel, Überwältigung.

apetillài , vrb Synonyms e antonyms acacigai, apatigai, apeutare Sentences segundu tui depia passai in su stantaritzu po apetillai s'arau a terra modhi! ◊ ant camminau in su mòri apetillendu pruini.

apetíre , vrb: apitire, apitiri Definition disigiare, bòllere, àere in gana, fintzes punnare o tirare a… Synonyms e antonyms apatèssiri, apètere, apitare, apitissire / petire 1 Sentences issa si faghiat disizare apetindhe a isse in unu modu seguru 2. est cafudu e pasteri, dhi giànt deghe panes e apitit a cosina! Etymon itl. appetire.

apetitòja , nf: pititoja Definition cosa a papare bona o chi praghet meda Synonyms e antonyms bobboe, gulosina, licantzadoria, licantzúmene, liconia, pititeria Scientific Terminology mng Etymon srd. Translations French gourmandise English delicacy Spanish manjar Italian leccornìa German Leckerei.

apetitósu , agt Definition nau de cosas de papare, chi praghet, bona meda Synonyms e antonyms licantzu, lichitosu, lichitu.

apetítu , nm: apititu Definition bisóngiu e gana de papare Synonyms e antonyms fàmene | ctr. dirgana, ispititu Idioms csn: acutzai, bogai, ispertai, fai torrai s'a.; apetitu caninu = fàmine caninu, zenia de maladia; iscassu de a. = chi no tenit ganas, sganiu Sentences apo manigadu cun apetitu: fia peri famidu! ◊ s'araxi frisca bogat s'apititu ◊ bufit una tassixedha, ca dhi fait imbucai apititu! ◊ pighit una pruga, ca dh'ispretat s'apititu! ◊ tantu za est iscassu de apetitu… est un'ora betanne a cropus! Etymon itl. Translations French appétit English appetite Spanish apetito Italian appetito German Appetit.