A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

barripendhéntile , nm Definition chi est tristu, essiu in bregúngia Synonyms e antonyms abbàtiu, iscoridu, ispoderidu Etymon srd.

barrisecàu , agt Definition chi giughet is barras segadas Etymon srd.

barrisòne barasòne

barríta , nf: berrita Definition genia de bonete (prus che àteru de furesi e de su costúmene), longu unos trinta o baranta centímetros, de intrare in conca pagu pagu e a pinnigare apitzu o a betare a una parte / min. berritola; èssere chentu concas chentu berritas = èssere totus de ideas diferentes e a iscuncórdia puru Synonyms e antonyms cdh. barreta Idioms csn: bideresila tra pilu e berrita = agiummai!… (ia tentu dannu, m'iant cassau, e gai); fàghere berritas e iscias = cosas diferentis, unu pagu coment'e centu concas e centu berritas; èssere a berrita e concale chin ccn. = sempri impari, sempre a s'atrollada Sentences como zente in berrita no che ndhe at ◊ berritola de turcu, nasu de moro, bestidu de panna, sentza zustacoro ◊ fut cun sa berrita cracada in faci Surnames and Proverbs smb: Berrita, Berritta / prb: centu concas, centu berritas ◊ in conca maca pagu durat berrita ◊ a cini tenet conca no mancat berrita Scientific Terminology bst, cst Etymon itl. berretta.

barríta 1 , nf Definition min. de barra 1: genia de ferru chi si faet iscúrrere aintru de lórigas o guidas po serrare un'apertura o parte de un'apertura Synonyms e antonyms barcioni, passadore 1, passante 1 Translations French petite barre, câble English little bar Spanish barrita Italian spranghétta German kleiner Riegel.

barritàre , vrb Definition pònnere sa barrita, fintzes serrare, aconciare cun barritas (tauledhas) Synonyms e antonyms tupai, serrai Sentences fit una càssia manna barritada a ferru ◊ at picau craos e cantedhos de tàula pro barritare sos istampos de su rebustu Etymon srd.

barrítu barítu

barritzòne , nm Definition carrighedhu de linna po unu molente.

bàrriu , nm, agt Definition su tanti de cosa chi bastat po carrigare a unu, o un'animale, una màchina; mesura de 60 (o de 100) litros; chi portat càrrigu; nau de fémina, chi est príngia / èssere b. che pedhe de assile, a pilu in pedhe = càrrigu meda (nau de matas po su frutu) Synonyms e antonyms càrrigu / barriadu, prenu | ctr. líchidu 1, scàrrigu Sentences apo una labia de duos bàrrios e unu carradellu de bator bàrrios ◊ tiras treme treme bàrrios pesudos 2. Mont'Albu est bàrriu de nie ◊ sas àrbures sunt bàrrias de frutuàriu 3. cudhae sos terrinos sunt piús in pendheu e bàrrios de ruedhu 4. sas àrvures ocannu sunt bàrrias che pedhe de assile: no est in contu sa landhe chi giughent! Surnames and Proverbs smb: Barriu / prb: in caminu si acontzant sos bàrrios ◊ bàrriu minore remiarzu mannu Etymon srd. Translations French charge English load (ed) Spanish carga Italian càrico German Laden, voll.

barrivalàdu barrifalàu

barrixèdha barrighèdha

barrochianài , vrb Definition fàere a borrochianu, imbitzare Synonyms e antonyms abesare, imbisciare Sentences torraimí a donai s'amori de sa prus cara mamma, no su de una bagassa po duus sodhus chi eis barrochianau! (G.Manconi) Etymon srd.

barrochianía , nf Definition is borrochianos, is afitianados a comporare cosa o a si serbire de su trebballu de ccn. Synonyms e antonyms fitiania Sentences a sa barrochiania non bendu is arregodus! Etymon srd. Translations French clientèle English customers Spanish clientela Italian clientèla German Kundschaft.

barròcia , nf Definition in cobertantza, iscarpa manna Sentences si fiat sétziu cratzendusí cun is barròcias (S.Medved).

barrociàju , nm Definition chie tenet e manígiat su barróciu Synonyms e antonyms barrotzeri.

barróciu , nm: barrotze Definition carretone mannu: genia de carru a bàtoro orrodas, prus mannu de su carretone, tirau cun d-unu o duos cuadhos Sentences tenit bíngias, erriàrgiu, tanca e bestiàmini e peri su barrocinu Surnames and Proverbs smb: Barrotzu Scientific Terminology trps.

barrócu , nm Definition logu malu de orroca chi faet a fossu meda, iscaravossu chi faent is abbas currendho e tragandho cosa, fintzes su letu de unu trainu e paule de abba in is errios: fossu, forada Synonyms e antonyms carropu, irborrocu, isciusciu, ispéntimu, scabiossu, spérruma, trabentu Sentences po piscai ant alluau is barrocus ◊ unu frori de arrugas, innòi: gei no fais su passu e nci arruis in d-unu barrocu! ◊ dèu sempri currendi… pòngiu su pei in d-unu barrocu e imbruncu 2. in custu cunzadu dhue aiat borrocos, no funtanas, inue su pegus podiat bufare (Z.Porcu) Scientific Terminology slg.

barroinàe, barroinài , vrb: barruinare Definition su abboghinare de is crebos, de is boes Synonyms e antonyms abborriare, borrare, borrighinare, corrinai Sentences allegru, indovinendhe su beneditu proe de s'arzola lontana, barrúinet su boe! (A.Casula) Etymon srd.

barróinu , nm Definition sa boghe de su cerbu Synonyms e antonyms ischélia.

barrosía , nf Definition su donu… de is barrosos, de chie foedhat meda, su si crèdere, su si giare importàntzia meda Synonyms e antonyms alteriu, blaga, barrosímini, fanfarronia, magnosidade, morrófia, prejumu / ttrs. pagliosumu Etymon srd. Translations French morgne, suffisance English arrogance Spanish jactancia Italian spòcchia, bòria German Hochmut.