A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

bentàna , nf Definition apertura in su muru de un'istàntzia po pigare aera e lughe, a mesania de s'artària / min. bentanedha = abbertura in veturas, trenos e àteru Synonyms e antonyms balcone, fenesta, fentana* Sentences sas bentanedhas de sas cumbessias parent culumberis Scientific Terminology dmo.

bentàriu , nm: ventàriu Definition bentu forte meda, malu Synonyms e antonyms boriana, furione Sentences si pesant cudhos bentàrios malos chi sulant finas a una chida!

bentemàri , nm Definition bentu chi sulat de su Sud-Ovest Scientific Terminology tpm Translations French libeccio English libeccio (south-west wind) Spanish ábrego Italian libéccio German Südwestwind.

bèntere , nf Synonyms e antonyms bentre Sentences bèntere prena… e palas mi at girau! ◊ màndhigat cordas e benteredhas de agnone.

bentesòbi , nm Definition bentu de sole, bentu budhiu chi sulat de su Sud, chi benit de s'Àfrica Sentences su bentesobi fait allampajai su trigu, dhu sicat sentza de ingraniri Scientific Terminology tpm Translations French sirocco English sirocco Spanish siroco Italian sciròcco German Schirokko.

bentiài , vrb Definition coment'e pèrdere bentu, pèrdere fragu, arrancu, essire lenu po sa pérdia de s'àrculu, pèrdere sa fortza, s'efetu de s'àrculu Synonyms e antonyms ibentiare Etymon srd.

bentichédhu , nm: bentigedhu, bentighedhu, bentixedhu Definition min. de bentu, ventedhu, nau siat po bentu pagu e siat po bentu tropu forte Synonyms e antonyms bentitzolu Sentences custu bentighedhu chi s'est pesadu est faghindhe una bella friscura 2. bentighedhu su chi s'est postu… est abbatussiendhe totu! ◊ bentixedhu, oi!… chi no istau atentu mi ndi pigat sa màchina!

bentièra , nf Definition genia de aina po fàere bentu, po mòvere s'ària Translations French ventilateur English fan, ventilator Spanish rotor Italian vèntola German Flügelrad.

bentigédhu, bentighédhu bentichédhu

bentína , nf, nm: bentinnu, bentinu, bintinnu, bintinu, ventina Definition coloridura de su pilu, sa pilurza de cuadhos e boes (ma si narat po àteros piessignos puru, es. sa corramenta): si narat fintzes solu po colore / genias de bentina: ispanu (o arrúbiu craru), murru, niedhu, mustedhinu, petiatzu, scrosu Synonyms e antonyms ghentinnu*, intinnu, manta, símbiu / cabori / bisura, chígia, grina Idioms csn: a primu bentinu = a sas primas, a sa primu castiada; bogàrendhe a unu a sa bentina = connòschere a s'aerzu, a sa bisura Sentences bentinas de crabas: ceratza, nasarba, montada, làtina, trigatza, múdula, crabistada, conca niedha, schina fetada ◊ Callina connoschiat su bestiàmene a bintinu e a lúmene 2. piús de unu paritzas boltas càmbiat bentinu comente faghet su camaleonte! ◊ sunt fioritos ricos de milli odores e bentinos 3. su mare, sa luna e su sole si mustrant cun bentinnos diferentes ◊ sa fioca at cobertu pastura e rocas e lis at cambiadu bentinu ◊ po imbelliri su parastaxu si ponit paperi intalliau de medas bentinas: orrúbiu, grogo, asulu 4. a primu bentinu li palfeit chi cudhu cheriat bufare ◊ ne dh'apo bogadu a sa bentina ◊ vivendhe de refudos e frighinas andhamos peri vias solitàrias cun d-una beste de milli bentinas (A.Casula) Translations French pelage English hair, coat Spanish manto, pelaje, piel Italian manto, pelame, colóre del pelame German Fell, Pelz.

bentína 1 , nf Definition matzu de binti filos in s'ordíngiu Synonyms e antonyms bentinaju, bentonarzu.

bentinàju , nm Definition matzu de binti filos in s'ordíngiu; aina chi serbit po tèssere Synonyms e antonyms bentina 1, bentonarzu Etymon srd.

bentínnu, bentínu bentína

bentitzólu , nm Definition min. de bentu, bentu de pagu contu, lenu Synonyms e antonyms bentichedhu, frina, sisia 2 / cdh. vinticiolu Sentences bellu, mih, custu bentitzolu: est faghindhe una bella friscura ◊ est bentitzolu e a brusiare no faghet ca nos podet fuire su fogu Translations French brise English little wind Spanish brisa Italian venticèllo German leichter Wind, Brise.

bentítzu , nm: bintitzu Definition genia de linna chi faet a cannàile longu longu, finedhedhu in is puntas prus artas e noàdiles, ma grussu fintzes cantu su bratzu in partes prus bàscias (e coment'e ispòngia in mesu, tanti chi a ndhe surbare unu bículu sicau passat s'ària, o su fumu si est allutu): si che artzat a pitzu de is matas e che dhas carràgiat puru Synonyms e antonyms alúsara, bidighignu, bintirinzu*, elighinzu, filichinzu, intretzu, mussòrgia, pidighinzu, reti, tintiritzu, tretzu Scientific Terminology mt, Clematis cirrhosa Translations French clématite English clematis Spanish vidalba Italian vitalba flòrida German eine Waldrebesorte.

bentixédhu bentichédhu

bentizàda , nf Definition una nuighedha de bentu Sentences sos astores tírriant disisperados e si pesant a bolu a cada bentizada budhida Etymon srd.

bentonàrzu , nm Definition matzu de binti filos in s'ordíngiu Synonyms e antonyms bentina 1, bentinaju Etymon srd.

bentòne , nm Definition genia de camisa bianca, in su costúmene de s'ómine Synonyms e antonyms ghentone* Sentences tue isfurras prus fizos chi no chivarzu, los crias sena bentone e ne cusinzu e gai los isfozas… Scientific Terminology bst.

bentoníte , nf Definition genia de orroca e de terramíngiu bonu po impreos industriales: sa Sardigna est errica de b. Scientific Terminology mnr Translations French bentonite English bentonite Spanish bentonita Italian bentonite German Bentonit.