A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

bentrúdu , agt, nm: brentudu, brenturu, frentudu, vrentutu Definition chi portat bentre manna; chi bolet totu cussu Synonyms e antonyms abbrentedhau, acadhonadu, bentrimannu, bentrone, budhone 1, porodhosu, sachetone, trodolassu, matimannu, porodhudu / bentranu / cdh. triponi 2. custa brentuda donzi bucone si nche l'ingurtit issa! Scientific Terminology zcrn Etymon srd. Translations French bedonnant, ventru English pot-bellied Spanish barrigudo, barrigón Italian panciuto German dickbäuchig.

bentrútza , nf Definition min. de bentre Synonyms e antonyms bentrighedha.

bentrúxu , nm: benturzu, brantuxu, brentuxu, bunturzu, entrúgiu, venturzu Definition bentruxu murru, untúrgiu, genia de pigione mannu (su prus mannu in Sardigna) chi papat petza e si betat a is pegos mortos: faet abbitu in is montes de su Gennargentu e de Bosa; àteru pigione agiummai deasi etotu; in cobertantza, chie papat meda / èssere abbudegadu che benturzu = satzau meda Synonyms e antonyms antruxu, guntorzu*, intruxu, pedhuris, tentulzu Sentences si satzat coment'e unu bentruxu Scientific Terminology pzn, gyps fulvus, aegypius monachus Translations French vautour English vulture Spanish alimoche Italian grifóne, avvoltóio German Geier.

bentruxuniédhu , nm Definition guntruxu niedhu, pigione mannu chi papat petza Synonyms e antonyms bentruxu, contruxu Scientific Terminology pzn, aegypius monachus Etymon srd.

béntu , nm: ventu Definition ària chi si movet po efetu de una diferéntzia de temperadura, prus o prus pagu forte, cun númenes diferentes segundhu sa bandha de ue benit; si narat fintzes de una fortza chi no si arrennescet a cumandhare, de cosa debbadas, chi no tenet sustàntzia, chi no faet a tènnere / min. bentichedhu / pro sa moida: su b. cradúschiat, frúschiat, múilat; pro sa fortza: su b. est lébiu, forte, disastau; pro sa temperadura: su b. est fritu, friscu, caente, budhidu; zenias de bentu segundhu sa bandha de ue benit: b. traessale o bentu de soli = solopu, itl. sciròcco, b. estu = ventu mastru chi benit de Nord-Ovest, travuntana = bentu fridu de su Nord, b. mesugiornali = de su Sud; b. muimui, o maimoni = itl. trómba d'ària; un'ispau de b. = itl. un àlito di vènto; èssere bentu (impersonale)= tirai, suai bentu; b. meda = bentu forti / erba de b. = ipigulosa (Parietaria officinalis) Idioms csn: b. furriadorzu = chi est tirendhe candho goi candho gai, chena frimmesa ne de fortza e ne de filada; nuu de bentus = raganu, tragonaja mala; fuedhai a su b. = in debbadas; pascirisí de b. = ispetare cosas mannas, crere in cosas chentza fundhu; èssiri prenus de b. = crèresi tropu; cúrrere o fàghere che bentu = in lestresa meda, pònnere mente luego; no ischire cale bentu de leare = no isciri su de fai in d-una dificurtadi manna; pudésciu a b. = púdidu a tzutzu, de si leare su fragu malu de atesu; cardiare a is bentos = abbaidare a crabas, no abbaidare a sa cosa chi unu est faghindhe, dare tentu o istare pessendhe in àteru Sentences apretixedhu a bessí cun cussu bentu fridu!…◊ candho si tenet su bentu est pretzisu a bentulare! (F.I.Mannu)◊ si at a pesare unu bentu chi che truvat sas nues ◊ su bentu s'est asseliadu ◊ su bentu est suendi e arciendirí sa fardeta ◊ sa note fit sélia, no pesabat un'ispau de bentu ◊ bentixedhu s'est torrau a ponni!…◊ ue no faghet bàrigu bi tocat bentu ◊ oe est bentu, est andhendhe unu bentu fritu!… ◊ no istes in su bentu, ca est fritu! ◊ s'at pesadu bentu forte 2. candho l'apo cramadu at fatu che bentu: petzi mi ndhe l'apo sapidu in dainanti! ◊ dhu timit a bentu isceti su dhu biri ◊ dego ndhe fipo peri ammaghiau, de babbu, ma lu timia a bentu! ◊ cantos annos passados sunt che bentu!…◊ no s'ischit su bentu chi che l'at picau! ◊ no s'ischit cale bentu leare 3. a fuedhus gei ti prenis: ma ses prenu de bentu! Surnames and Proverbs prb: mellus su tentu de su bentu Scientific Terminology tpm Etymon ltn. ventus Translations French vent English wind Spanish viento Italian vènto German Wind.

béntu 1 beníu

béntua , nf: béntula Definition su bentulare, mescamente in argiola Synonyms e antonyms bentuladura, bentulera, bentúlia, bentulinzu Sentences po sa béntula si aspetàt a tirai su bentu Etymon srd. Translations French ventilation English ventilation Spanish ventilación Italian ventilazióne German Ventilation, Lüftung.

bentuéri , nm Definition (f. -era) chie faet su trebballu de bentulare Synonyms e antonyms bentuladore.

bentuéstu , nm Definition su bentu prus forte chi connoschet sa Sardigna: calat de Nord-Ovest Sentences sódiga a oberri po mimi is bríglias tuas a bentuestu ◊ candu sulat su bentu estu, nemus dhi podit tenni faci Etymon srd. Translations French mistral English mistral Spanish mistral Italian maestrale German Mistral.

bentugàre , vrb Definition papare, consumare meda, totu, a isperdimentu, a bentuladura Synonyms e antonyms allufiai, atafiai, gorropentare, iscatasciai, mangiufai, scantusciai Sentences inoghe no che podimos istare: su tilibirche si che at bentugadu totu (E.Pes)◊ ndhe assazo una cullera, dao sa cassarola a sa guàrdia e bentugadu si che at su restu! Translations French dévorer English to devour Spanish devorar, tragar Italian divorare German fressen, verschlingen.

béntula béntua

bentulàda , nf: bentuliada Definition su bentulare; fintzes nue, trubbada o puburedha de bentu Synonyms e antonyms irfrusada, isulvilada Etymon srd.

bentuladòglia, bentuladòlza, bentuladólzu , nf, nm: bentuladorza Definition genia de pala de linna po bentulare laore treulau, po che dhi bogare sa pàgia Synonyms e antonyms palazola Sentences de s'assuconu comintzat a li trèmere sas ancas che bentuladorza ◊ est tremèndhesi che bentuladolza Scientific Terminology ans Etymon srd.

bentuladòre , agt, nm Definition chi o chie béntulat, aina po bentulare Synonyms e antonyms bentueri, ispazadore Sentences is bentuladores depent èssere de capia, bentulandho ◊ candu sa braxa in is forredhos est mori mori s'impreat su bentuladore Etymon srd.

bentuladòrza bentuladòglia

bentuladúra , nf Synonyms e antonyms béntua, bentulinzu Etymon srd.

bentulài , vrb: abentuai, bentulare, bentuliai, bentuliare, ventulare Definition fàere bentu, mòvere, fàere che bentu, andhare che bentu, impresse; finire sa cosa tropu in pagu tempus Synonyms e antonyms ibentulai, ispagiare / bentugare, isperditziai, sparessi Idioms csn: bentulare su trigu in s'arzola = ispallai su trigu; bentulare sos àbbidos a unu (in suspu) = donai una surra, fàghere fuire Sentences béntula candu tirat bentu ◊ si no ti moves nessi custa bia su didu a mossu ti ndhe segas, crè: béntula como chi as su bentu in bia! (S.Casu)◊ s'intendhiat cosa de massajos bentulandho su trigu ◊ tenestus su trigu bentulau in is arxolas abetendi su controllu de is fascistas 2. no mi nche apo bentulau nudha chin sas amicas! ◊ su chi ghiras est bene acapidau: no mi nche apo bentulau nudha ◊ agabbadu su pane: za amus coitadu a che lu bentulare! ◊ ch'est bentulau che tàpulu a pompiare si fit abberu ◊ a ue ch'est bentuladu? Etymon ltn. ventulare Translations French ventiler, aérer English to ventilate Spanish ventilar Italian ventilare German lüften.

bentulaméntu , nm Definition béntula, su bentulare cosa (mescamente laore po dhu limpiare); fintzes sa cosa bentulada, sa parte de fuliare Synonyms e antonyms bentuladura Sentences in s’argiola a chini isceràt is nualis de sa fà, a chini mundàt su bentulamentu.

bentulànu , agt Definition nau de logu, chi dhue tocat bentu Synonyms e antonyms bentosu | ctr. bàrigu Sentences sa pedhitza contzada si che remonit in logu bentulanu, istérrida fintzas a sicare Etymon srd. Translations French aéré, ventilé English breezy, airy Spanish ventilado Italian ventilato German luftig.

bentulàre bentulài