A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

framulài , vrb Definition allumiare, nau cun fortza in su sensu de furminare, firmare totinduna a ccn., istare o abbarrare sélios, asseliaos, firmos Synonyms e antonyms allúere / assebiai, assentulae 2. comente bint cudh'ómini is piciochedhos abbarrant framulaus censa sulai! ◊ ci ias portau su pei tortigiau che a mimi ti fust framulau in domu!

fràna , nf Definition trèmene calau, tretu de terrenu chi si che abbàsciat in is trèmenes o in logos artos de terra grussa in calada meda Synonyms e antonyms smuronamentu Sentences binti cerridoras fiant mortas asuta de una frana in su 1920 in sa miniera de Bauedhu ◊ ch'est falada sa frana ca ant iscavadu dae suta finas chi ch'est rutu su muraglione Etymon itl.

franàre , vrb Definition abbasciare, nau de tretu de terrenu in logu de monte, calare in giosso istacandhosindhe in logu de trèmene o in betada meda Synonyms e antonyms desmuronai, istremenare, sfossonai, smuronai Sentences in cussos trèmenes artos cun totu sas abbas chi at fatu at franadu totue 2. su terrinu est franadu, asie su ludu e sas abbas ant aundhadu sa bidha distruèndhela.

franàssu , nm Synonyms e antonyms molidroxu, molinu Sentences mànicat che franassu.

frànca farrànca

francàda farrancàda

francadóssu , nm Definition genia de bobboi de tantas calidades, totu farrancas (bàtoro paja), cussu chi faet su naparangiolu Synonyms e antonyms aragna, arràngiu 2, cantupiludu, mariavarranca, muldidori Scientific Terminology crp Etymon srd.

francallói , nm Definition calesiògiat bobboi chi portat farrancas (ma mescamente s'arangiolu) Sentences unu "francalloi", un'aranzolu de ferru, che ant mandhadu a su Pianeta Marte… Etymon srd.

francamènte, francamènti , avb Definition a nàrrere sa beridade…, a dha nàrrere cun totu sa franchesa…, po èssere singillos…, foedhandho cun franchesa.

francàre , vrb Definition fàere francu, su ndhe iscabbúllere a unu de su dèpere fàere o pagare calecuna cosa, de un'óbbrigu Synonyms e antonyms disgagiai, isumire Sentences a su teracu su mere li at francadu trinta berbeghes, in prus de sa paga ◊ si zughes chimbanta pegos ti los franco totu e benis a tzeracu! Translations French exonnérer English to exonerate Spanish exonerar Italian esonerare German entbinden.

francésu , agt, nm: frantzesu Definition chi pertocat sa Frància, chi o chie est de sa Frància (nau fintzes de sa limba); su (male) f.: maladia, genia de infetu Synonyms e antonyms frantzesanu Sentences issu si est fatu a isposu cun d-una frantzesa ◊ intendendi is contus de cassa de unu francesu at arregordau sa Sardínnia ◊ bidendhe totu cudha pisedhina frantzesa in bidha no nos pariat mancu abberu! ◊ unu preide nos at imparau unu pagu de francesu Scientific Terminology mld Etymon itl. Translations French français, syphilis English french, siphylis Spanish francés, sífilis Italian francése, sifìlide German französisch, Franzose, Syphilis, Lues, Franzosenkrankheit.

franchèsa , nf Definition su èssere singillos, craros, su nàrrere o fàere chentza cuare nudha Synonyms e antonyms ispadriesa, ispóntziu | ctr. finta Sentences issu no cubabat sa beridade de sas cosas, ma cussa franchesa no fit a totus chi fachiat cracu bonu Etymon spn. Translations French franchise English frankness Spanish franqueza Italian franchézza German Offenherzigkeit, Aufrichtigkeit.

franchiàda farrancàda

franchígia , nf: franchíscia Definition su èssere francu de unu servítziu, de unu trebballu, su no pagare tassa Synonyms e antonyms afranchimentu, franchítzia.

franchíle fianchíle

franchillóssu , nm Definition àbbila ossaja, untúrgiu barbudu, pigione cannedhare: pigione mannu petzarolu, unu de is untúrgios Synonyms e antonyms barbudu, guntorzu, ingurtiossu Scientific Terminology pzn, gypaëtus barbatus Etymon srd.

franchilóngu , agt, nm Definition chi o chie costumat a furare cosighedhas Synonyms e antonyms arrapiante, furànciu, scabeciadori, ungrilongu Etymon srd.

franchíscia franchígia

franchítu , nm Definition dinare piticu, moneda, su prus plurale: franchitus Synonyms e antonyms dinaixedhu, minudu Sentences candu manigiasta franchitus, in banca ti apu garantiu dèu Etymon srd. Translations French monnaie (petite) English small change Spanish dinero suelto, calderilla Italian spìcciolo German Kleingeld.

franchítzia , nf Synonyms e antonyms afranchimentu, franchígia Translations French franchise English exemption Spanish franquicia Italian franchígia German Freiheit.