A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

framulài , vrb Definitzione allumiare, nau cun fortza in su sensu de furminare, firmare totinduna a ccn., istare o abbarrare sélios, asseliaos, firmos Sinònimos e contràrios allúere / assebiai, assentulae 2. comente bint cudh'ómini is piciochedhos abbarrant framulaus censa sulai! ◊ ci ias portau su pei tortigiau che a mimi ti fust framulau in domu!

fràna , nf Definitzione trèmene calau, tretu de terrenu chi si che abbàsciat in is trèmenes o in logos artos de terra grussa in calada meda Sinònimos e contràrios smuronamentu Frases binti cerridoras fiant mortas asuta de una frana in su 1920 in sa miniera de Bauedhu ◊ ch'est falada sa frana ca ant iscavadu dae suta finas chi ch'est rutu su muraglione Ètimu itl.

franàre , vrb Definitzione abbasciare, nau de tretu de terrenu in logu de monte, calare in giosso istacandhosindhe in logu de trèmene o in betada meda Sinònimos e contràrios desmuronai, istremenare, sfossonai, smuronai Frases in cussos trèmenes artos cun totu sas abbas chi at fatu at franadu totue 2. su terrinu est franadu, asie su ludu e sas abbas ant aundhadu sa bidha distruèndhela.

franàssu , nm Sinònimos e contràrios molidroxu, molinu Frases mànicat che franassu.

frànca farrànca

francàda farrancàda

francadóssu , nm Definitzione genia de bobboi de tantas calidades, totu farrancas (bàtoro paja), cussu chi faet su naparangiolu Sinònimos e contràrios aragna, arràngiu 2, cantupiludu, mariavarranca, muldidori Terminologia iscientìfica crp Ètimu srd.

francallói , nm Definitzione calesiògiat bobboi chi portat farrancas (ma mescamente s'arangiolu) Frases unu "francalloi", un'aranzolu de ferru, che ant mandhadu a su Pianeta Marte… Ètimu srd.

francamènte, francamènti , avb Definitzione a nàrrere sa beridade…, a dha nàrrere cun totu sa franchesa…, po èssere singillos…, foedhandho cun franchesa.

francàre , vrb Definitzione fàere francu, su ndhe iscabbúllere a unu de su dèpere fàere o pagare calecuna cosa, de un'óbbrigu Sinònimos e contràrios disgagiai, isumire Frases a su teracu su mere li at francadu trinta berbeghes, in prus de sa paga ◊ si zughes chimbanta pegos ti los franco totu e benis a tzeracu! Tradutziones Frantzesu exonnérer Ingresu to exonerate Ispagnolu exonerar Italianu esonerare Tedescu entbinden.

francésu , agt, nm: frantzesu Definitzione chi pertocat sa Frància, chi o chie est de sa Frància (nau fintzes de sa limba); su (male) f.: maladia, genia de infetu Sinònimos e contràrios frantzesanu Frases issu si est fatu a isposu cun d-una frantzesa ◊ intendendi is contus de cassa de unu francesu at arregordau sa Sardínnia ◊ bidendhe totu cudha pisedhina frantzesa in bidha no nos pariat mancu abberu! ◊ unu preide nos at imparau unu pagu de francesu Terminologia iscientìfica mld Ètimu itl. Tradutziones Frantzesu français, syphilis Ingresu french, siphylis Ispagnolu francés, sífilis Italianu francése, sifìlide Tedescu französisch, Franzose, Syphilis, Lues, Franzosenkrankheit.

franchèsa , nf Definitzione su èssere singillos, craros, su nàrrere o fàere chentza cuare nudha Sinònimos e contràrios ispadriesa, ispóntziu | ctr. finta Frases issu no cubabat sa beridade de sas cosas, ma cussa franchesa no fit a totus chi fachiat cracu bonu Ètimu spn. Tradutziones Frantzesu franchise Ingresu frankness Ispagnolu franqueza Italianu franchézza Tedescu Offenherzigkeit, Aufrichtigkeit.

franchiàda farrancàda

franchígia , nf: franchíscia Definitzione su èssere francu de unu servítziu, de unu trebballu, su no pagare tassa Sinònimos e contràrios afranchimentu, franchítzia.

franchíle fianchíle

franchillóssu , nm Definitzione àbbila ossaja, untúrgiu barbudu, pigione cannedhare: pigione mannu petzarolu, unu de is untúrgios Sinònimos e contràrios barbudu, guntorzu, ingurtiossu Terminologia iscientìfica pzn, gypaëtus barbatus Ètimu srd.

franchilóngu , agt, nm Definitzione chi o chie costumat a furare cosighedhas Sinònimos e contràrios arrapiante, furànciu, scabeciadori, ungrilongu Ètimu srd.

franchíscia franchígia

franchítu , nm Definitzione dinare piticu, moneda, su prus plurale: franchitus Sinònimos e contràrios dinaixedhu, minudu Frases candu manigiasta franchitus, in banca ti apu garantiu dèu Ètimu srd. Tradutziones Frantzesu monnaie (petite) Ingresu small change Ispagnolu dinero suelto, calderilla Italianu spìcciolo Tedescu Kleingeld.

franchítzia , nf Sinònimos e contràrios afranchimentu, franchígia Tradutziones Frantzesu franchise Ingresu exemption Ispagnolu franquicia Italianu franchígia Tedescu Freiheit.