A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

frorizàre fiorigiàre

frorizàu florigiàu

frorolía , nf Definition cosighedha chi si ponet in dossu po bellesa Synonyms e antonyms frorígiu, ondramentu.

fròsa , nf Definition orrughedhu de fenu o de pàgia, farinedhu de àteru, cosa de pagu contu / segaisí su tzugu in d-unu filu de f. = pèrderesi in nudha, iscollàresi in su paris netu Synonyms e antonyms arritzu 1, rosca / fafaruza, fanialla Sentences est una frosa chi at betiu su bentu ◊ is undas nci dhu imbussànt in mesu coment'e unu fustigu o una frosa de palla Etymon srdn. Translations French brin de paille English wisp of straw Spanish pajita Italian pagliuzza German Strohhalm.

frosàu , agt Definition chi giughet coment'e pàgia ananti, chi no si biet craru Sentences su soli est frosau a s'obrescidroxu Etymon srd.

froscèdha, froscédhu frascédhu

frósciu flúsciu

frosciúmini , nm Definition su èssere fròscios, mascuvémina, nau de persona Translations French homosexualité English homosexuality Spanish homosexualidad Italian omosessualità German Homosexualität.

frossèlla , nf: fruscella, frussella Definition istrégiu piticu fatu de tzinniga intéssia (como de plàstica) po dhue pònnere s’arrescotu friscu chi si piscat faendhodhu; s’arrescotu chi dhue cabet aintru; istregighedhu de terra Synonyms e antonyms frúscia, piscedha Sentences at batiu una frossella de recotu pro si la rebbotarent ◊ nachi est andhadu a leare fruscellas de regotu Scientific Terminology stz. Translations French faisselle English small basket Spanish encella Italian fiscèlla German Weidenkorb, Handkorb.

frostòja fastòja

frostulédhu , nm Definition chedha pitica, frústiu minore, fiotedhu Synonyms e antonyms fiotu, grustiolu, tropedhu Sentences sa cane si est acortziata a unu frostuledhu de crapas (G.Farris)◊ unu frostuledhu de erveches s'est ispérditu foras dae sa gama Etymon srd.

fròta , nf Synonyms e antonyms camarada, fiotu, isfrota Etymon itl. frotta.

fròti fòlte

frótzis fórcis

frozíu , agt Synonyms e antonyms ifertziu.

frúa , nf: frue, frughe Definition prus che àteru, late cagiau, ma fintzes totu su chi essit de su late: tinnada, colostru, arrescotu, callau, butiru Synonyms e antonyms cagiau, pieta / giodhu / cdh. fruja Scientific Terminology mng Etymon ltn. fruge(m) Translations French lait caillé English milk curd Spanish leche cuajada Italian latte coagulato German Sauermilch.

frúa 1 fròa

fruàle , nm Definition istrégiu de ortigu po fàere e pònnere su cagiau Synonyms e antonyms ispesale, ispeseri, malune Sentences in su cubile bi at abbarrau corcarjos, fruales e carchi casarile ◊ sa frue est su late cazau in su fruale ◊ issu s'imperriavat su fruale e si fut prenu lu torravat a mesu! Scientific Terminology stz.

fruàmine , nm Definition sas fruas, is cambos noos chi essint in sa linna grussa, mescamente inue custa ndhe dh’ant segada Sentences bi ndh'at de fruàmine in cussas badhes!… Etymon srd.

frubbicàre , vrb Definition prus che àteru, giare a ischire a gente meda, a totus (e nau de lendhas, de contos, bodhetas) Synonyms e antonyms isbandhizare, iscandhulizire, isprubbicare, trumbitai | ctr. cuare Sentences custos chistionos aggóglilos in d-unu líbberu e frúbbicalos!