irratzionàle , agt Definition chi no est cunforma a s'arrexone, a su giustu, a su chi podet andhare méngius o èssere prus lógicu.
irreberdídu , agt Definition fatu reberde, rebbellu, chi est essiu screnciosu, chi no faet a dhu cumandhare Synonyms e antonyms arrepellu, screnciosu | ctr. asservidu, masedu Etymon srd.
irrebocàtu , agt Definition nau de unu, chi est de malu cracu, chi no faet a dhi acostire, a dhu chistionare Synonyms e antonyms buzèfaru.
irrechiàdu , agt Definition chi est chentza réchia, chentza asséliu, sèmpere in movimentu e in avolotu Sentences ite as, chi ses tota sa note irrechiadu, no as asséliu, no as pasu?
irrecuperàbbile , agt Definition chi no faet a dhu recuperare, a dhu sarbare.
irredàre, irrediàre , vrb Definition
privare unu parente de is benes chi dhi depent tocare de is mannos, lassare is benes de famíglia a gente angena
Synonyms e antonyms
iseredare
Sentences
at irredadu sos parentes e at lassadu totu a zente anzena ◊ no mi ndhe importat si babbu m'irredat: deo mi cojo a zéniu meu!
Translations
French
déshériter
English
to disinherit
Spanish
desheredar
Italian
diseredare
German
enterben.
irregràdu , agt: irreguladu,
irregulau,
isreguladu Definition
nau de ccn., chi no tenet régula in su fàere, in su cumportamentu, chi faet comente dhi paret e praghet e no comente iat a èssere giustu / a s'irregulada = chentza régula, a comente andhat andhat
Synonyms e antonyms
disbaratadu,
discassatu,
irvetadu,
isbaratadu,
malechischiau,
scurrégidu,
stemperau
Sentences
est irreguladu che cadhu chi no sentit frenu ◊ si ses vivendhe in totu irreguladu, ite régula a nois as a dare!…◊ ses própiu una ruina in s'andhare irregulada
Etymon
srd.
Translations
French
déréglé,
débauché
English
immoral,
immoderate
Spanish
desarreglado,
indisciplinado,
disoluto
Italian
sregolato,
indisciplinato,
scostumato,
intemperante
German
maßlos,
ungeregelt,
liederlich,
unmäßig.
irregràre , vrb: irrejare Definition
bogare su mele, is regras o brescas de su casidhu
Etymon
srd.
Translations
French
extraire les rayons de miel
English
to extract the honey from (the combs)
Spanish
castrar
Italian
estrarre i favi
German
Honig schleudern.
irregulàdu irregràdu
irregularidàde, irregularidàdi , nf Definition cosa chi no est a régula, chi no andhat bene, chi no est giusta.
irregulàu irregràdu
irreilàre , vrb Definition unire su de tres filos o càbudos a una fune; a logos, fàere un’àtera aradura a sa terra innanti de dha semenare Etymon spn. rehilar.
irrejàre irregràre
irremonídu , agt Definition nau de ccn., chi no istat remonidu, chi est chentza tentu contu, chi andhat meda a giru e no abbarrat assentau in domo Synonyms e antonyms bandhuleri, zirellu Sentences custa pitzinna est tropu irremonida Etymon srd.
irrenàdu , pps, agt Definition
de irrenare; chi portat dolore forte a is errigos
Synonyms e antonyms
iderrigau,
irderenadu,
isarrigau,
iscarrucau
2.
so irrenada, a dolores, no poto leare una cradea!
Translations
French
éreinté
English
exausted
Spanish
derrengado
Italian
slombato
German
kreuzlahm.
irrenàre , vrb Definition
fàere male, a dolores, a is errigos, a su tretu de sa grughe de is crogas, in s'ischina, fortzare tropu is errigos
Synonyms e antonyms
iderrigari,
illumbai,
illumbedhare,
isarrigai,
iscrocare 1,
isderenare,
schinai
Sentences
si li lompet a fuste l'irrenat ◊ totu cussu tzaponzu l'at irrenadu
Etymon
srd.
Translations
French
éreinter
English
to weary
Spanish
desriñonar
Italian
direnare
German
lendenlahm machen.
irresessídu , agt Definition chi est coment'e ammachiau, nau de unu chi si giaet a fàere, si pistat, abbóghinat o àteru po calecuna cosa che un'irbariadu Synonyms e antonyms ammachiau, desessidu, ilvariadu Sentences a iscutas issa fit abba, a iscutas fit binu, una irresessida, de totu su chi fit nendhe no bi aiat nudha de prèndhere in pannutzu! (S.Saba).
irresponsabbilidàde , nf Definition foedhandho de gente, su no èssere responsàbbiles Synonyms e antonyms | ctr. responsabbilidade.
irrestujàre , vrb Definition
tirare, bogare arrestugu; cricare s'ispiga coigiada inue su laore est giai messau
Synonyms e antonyms
ispicare
Etymon
srd.
Translations
French
glaner
English
to glean
Spanish
espigar,
rebuscar
Italian
spigolare
German
Ähren lesen.
irrevocàbbile, irrevocàbbili , agt Definition nau de un'órdine, de una decisione, chi no si podet torrare agoa, chi no faet a dha firmare, no faet a dh'istorrare.