A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ispiconzàre ispiconàre

ispícu , nm: ispigu, ispígulu 1, spicu Definition ambas calidades de s'archimissa, s'areste, abioi (o archimíscia cadhina o vóina, genia de erba linnosa chi lassat andhare fragu bellu), e sa prantada (Lavandula latifolia); in calecunu logu dhu narant a su tzípiri o romasinu Synonyms e antonyms abioi 1, alchemissa, comissu, ispígula, putzema Scientific Terminology rbl, Lavandula latifolia, L. stoechas Etymon ctl. espic Translations French lavande English lavender Spanish espliego, cantueso Italian spigo, lavanda German gemeiner Lavendel.

ispícu 1 , nm Definition capacidade de si impònnere, de cumandhare, de bogare face, fortza de su naturale de sa persona, capacidade de si giare a bíere, de si fàere bàlere / pònnere in i. una cosa = pònnerela a manera de si poder bídere Synonyms e antonyms àcia, caràtere Sentences cussu est istadu sempre de pagu ispicu e l'ant giutu a truvu mannos e minores ◊ su síndhigu nostru est de ispicu e totu lu rispetant (G.Ruju) Translations French forte personnalité, évidence English personality, grit, evidence Spanish determinación, personalidad Italian grinta, personalità, evidènza German Entschlossenheit, Charakter.

ispiculedhadúra , nf Definition su ispiculedhare, segadura a piticu, a orrughedhos Synonyms e antonyms amminudamentu Etymon srd. Translations French débitage English chopping Spanish desmenuzamiento Italian spezzettatura German Zerstückelung.

ispiculedhàre , vrb Definition segare a pículos, a orrughedhedhos Synonyms e antonyms amminudai, irminujare Etymon srd.

ispículu , nm Definition s'assaedhu o àscia de unu càncaru o grofale Etymon ltn. spiculum.

ispidàda , nf Definition su tanti de cosa (prus che àteru, petza) chi cabet in d-una borta in s'ischidone (ispidu) Synonyms e antonyms schidonada, spidonada Sentences cust'impudhile mi so sonniau cochendhe un'ispidada de peta arrustu Etymon srd.

ispidàle , nm: ispidali, ispitale, ospedali, spidali, uspidale Definition logu apostadamente fatu e cuncordau de pòdere atèndhere e curare malàidos Sentences cussus funt obbligaus a impitai su tempus me is ispidalis ◊ si po disgràtzia si andhàt a s'ispidale fut a bèndhere sa domo e s'animale! ◊ pro custa maladia no chirchedas ne méigos e ne ispidales! Etymon itl. Translations French hôpital English hospital Spanish hospital Italian ospedale German Krankenhaus.

ispidaléri , nm Definition chie trebballat in ispidale Etymon itl. ospitaliere.

ispidàli ispidàle

ispidarrànzu ispadarrànza

íspide , nm Definition genia de unchinu, de gànciu Synonyms e antonyms ampile, àncara.

ispíderu , nm: ispíridu.

ispídha , nf: ispridha, spidha Definition chibudha o tziodha marina o canina, de cogas, genia de erba chi faet a conca manna che chibudha e bogat sa candhelita chi frorit a fine de istade Synonyms e antonyms abridha, ambridha, aspidha*, scruidha Sentences in terras de ispidha semenànt algúmenes, birduras e laores Scientific Terminology rba, Charybdis maritima.

ispidhitzàre ispedhitzàre

ispidhòne , nm: ispiglione, ispillone, ispizone Definition pètene mannu, grussu, a dentes largas Synonyms e antonyms ispítziga, istriglione 1, pètene, tèpene / cdh. spidhoni Sentences sos pilos s'ispertant chin s'ispizone.

ispidhuncàre , vrb Synonyms e antonyms bichitare, biculitare, ispirtzulare, pibitzuai.

ispidientàre ispedientàre

ispidientósu , agt Definition nau de ccn., chi est un'ispelegu, un'ispàssiu, chi praghet Synonyms e antonyms ispelegosu, spassiosu | ctr. ifadosu Etymon srd.

ispidiéntu , nm Definition cosa chi si faet prus che àteru a giogu, po passare ora, istentu Synonyms e antonyms desogu, diveltimentu, giogu, gustu, ispàssiu, irbelegu Sentences inoghe no sezis po ispidientu, po ispàssiu: sezis po istudiare! ◊ po ispidientu o po dovere annant a cricare sos amigos ◊ contos de ispidientu 2. no balent ispidientos pro calmare su dolore.