A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

màscala , nf: màscula Definition apertura (un'isperrada) chi si faet in sa gunnedha, prus che àteru a destra ma a parte de ananti, po intrare sa manu a sa busciaca (chi is féminas ponent acapiada in chintzu asuta de sa gunnedha) Synonyms e antonyms foltighesa Sentences no fit semper chi sa mama o su babbu fint lestros a ghetare sa manu a sa màscula pro bocare dinare dae buzaca ◊ si compudat sa màscula si zuchiat sa corona Etymon srdn.

mascamènte, mascamènti , avb: mascamenti, mescalimente, mescamente, mescamenta, mescomente Definition prus che àteru, bolet nàrrere po su prus, su prus de is bortas Synonyms e antonyms assimas, mascas, prusatotu Sentences sos cadhos, sos boes, mescamente in s'istiu, si moent meda ca sa musca no los dassat in pasu ◊ no sunt totus de un'idea ebbia, mescalimente cudhos coturones chi ant preparadu sos binos noos Translations French surtout, spécialement English especially Spanish sobre todo, en especial Italian soprattutto, massimaménte, specialménte German vor allem.

mascangànnu , nm: maschinganna, maschingannu Definition mascu de ingannu, genia de mostru (pegus naschiu istrupiau), su dimóniu; fintzes una genia de móvia o chinnida chi trampat a chie est in crica de aciapare a un'àteru Synonyms e antonyms immostre, mastringannu, mostre / demóniu Idioms csn: leare a unu a maschingannu = trampare, leare s'àteru cun iscusas a ingannu; maschinganna (morisca) = marighedha de carrúciu, morisca créschida in mesu de sa tàula Sentences abba e aera sunt pienos de àligas e ferenos, essint maladias noas, sos pegos aultint o anzant mascangannos ◊ unu pastore una note at biu una grannu colunna altzannosi de terra e at pentzau ca cussu fiat Maschinganna ◊ su maschinganna essit in figura de mascu de brebè, de boe niedhu… Translations French trompeur English deceiver, deceiving move, dribbling Spanish engañador, movimiento engañador Italian ingannatóre, mòssa ingannatrice German Betrüger, Finte.

mascàra , nf Definition su chi abbarrat de s'abbruxadura, genia de cosa niedha chi faet su fumu; genia de tinta a frigare in prabaristas is féminas po bellesa Synonyms e antonyms fodhine, fumàdigu, sintziedhu, titibedhu Sentences tocat a ndi bogai sa mascara de su fumajolu, chi no pighit fogu ◊ sa fumiada de sa funderia est imbrutendi su celu cun sa mascara Etymon ctl. mascara.

màscara , nf: màschera Definition persona carotada a carrasegare, mascarandho; sa faciola chi si ponent in divertera; genia de amparu de pònnere a nasu e buca po no lassare passare gasos toscosos (m. antiggàs) o àteru chi noghet, o fintzes po badrare is ogos sardandho / genias de màscara: brutas o butudos (totu iscorriadas, cun corros, intzintziedhadas, bestias cun pedhes de animale e a bisura de animales); límpias (carotadas ma chentza pàrrere cosa mala); màscara de cadhu (nau de unu) = isfaciu; mascaredha = fintzes marioleta, buratinu Synonyms e antonyms trusu / bisera, caratza, carota Sentences los at pretzetaos a ballare chin àteras màscheras, no a solos ◊ si bestit de màscara cun is bestiris de sa mulleri ◊ at bénnidu màscaras a domo, ma no si sunt iscaratzadas a las connòschere ◊ is màscaras bestias de mamutzones, cun casidhos corrudos, càrrigas de sonàgias, faiant fuire su fedighedhu 2. eandhe màscara de cadhu, cussu! Etymon spn. Translations French masque English mask, maschera Spanish máscara, disfraz Italian persóna mascherata, màschera German Maske, Verkleidung, Kostüm, Larve, Maske, Larve.

mascaràda , nf Definition su mascarare Synonyms e antonyms carotada, maimonada, trusada Sentences issu no mancat a nisciuna mascarada, de sa prima a s'úrtima Etymon srd. Translations French mascarade English masquerade Spanish mascarada Italian mascherata German Maskerade.

mascaràdu , pps, agt: mascaratu Definition de mascarare; chi portat o dhi ant postu sa caratza, sa faciola, o est bestiu a màscara; chi dh'ant pigau a befa Synonyms e antonyms caratzadu, carotadu, faciolau 2. su mascaradu mannu, aite a ti mandhare, a tie, chi ti leant a befe totugantos?! Translations French masqué English masked Spanish disfrazado Italian mascherato German maskiert, verkleidet.

mascaradúra , nf Synonyms e antonyms afacioladura Etymon srd. Translations French masquage English masking Spanish enmascaramiento Italian mascheratura German Maskierung.

mascaràre , vrb: ammascherai, mascherai Definition bistire a màscara, pònnere sa faciola prus che àteru po ispàssiu Synonyms e antonyms carotare, trusare Sentences che sunt mascarendhe, sunt essidos a sos ballos ◊ a bi mascarades ocannu? Etymon srd. Translations French masquer, se masquer, se déguiser en (travestirsi da) English to mask Spanish disfrazarse Italian mascherare German maskieren, verkleidern.

mascaràtu mascaràdu

mascàre , vrb Definition papare, bufare, o giare a papare, a bufare, fintzes a candho si ndhe tenet gana, fintzes a s'intèndhere prenos, fintzes a èssere a istògomo prenu: si podet nàrrere fintzes de àteru, in su sensu de orròschere, de no ndhe tènnere prus gana o bisóngiu, de no ndhe padire prus, de calecuna cosa; podet bòllere nàrrere fintzes a cricare o provare de fàere ccn. cosa, isceberare s'ora ibballiada, ch'istrobbat is àteros; a logos dhu narant po chistire, pònnere abbandha, pigare e bogare de mesu, apartare / mascare s'ogru a ccn. = pàrrere bellu, bonu Synonyms e antonyms assevare, atatare, atzibbare, inciuciare, satzai / assansiare / istransire, trancire, tròtzere | ctr. irfamigare Sentences su giú si est mascadu de pira ◊ candho sa robba si est mascada si est corcada ◊ apo drommidu própiu bene, mi so mascadu de sonnu! 2. si ti ponzo manu a fuste ti ndhe masco! ◊ si est mascadu de sonnu ca at drommidu tota note ◊ sa terra, de cantu est mascada de abba, est boghendhe fintzas sos benos 3. mih no ti masches de intrare a domo, no! ◊ già si l'at mascada s'ora de bènnere a domo, a mesanote!…◊ za bi l’at mascadu s’ogru cussa zòvana!… 4. apu mascau su casu in sa búgia (R.Sardella)◊ Antonieta at mascau su pane de saba in su frigoríferu ◊ su chi abbarrat in custa pàgina atibbat ancora o est de mascare? Translations French rassasier English to sate Spanish saciar Italian saziare, satollare, saturare German sättigen.

mascaríglia , nf Definition faciola, cosa chi si ponet po no lassare bíere sa cara: a logos, fintzes fachile po su molente, fatu cun duos istampos po dhu bestire in is origas de s'animale; ispediente po no adduire Synonyms e antonyms màscara / fachile Sentences fit feu che cane: - Malevadadu, naraiat sa zente pibiosa, arratza de mascaríglia chi li at postu sa mama! ◊ bos apo a pònnere una mascaríglia chi azis a pàrrere màscheras de befe! 2. pro annórios ti apo sevadu in s'aficu de un'abboju, ma onzi die fit noa sa mascaríglia Etymon spn. mascarilla Translations French masque English mask Spanish máscara Italian màschera German Maske.

mascarína , nf, nm: mascarinu Definition s'ala de ananti de un'iscarpa, sa chi ammontat sa punta de su pei, e mescamente tira de pedhe in pitzu de su bruncale o impena Synonyms e antonyms bruncale, impena, puntera, runcale, tígia Etymon itl.t mascherina Translations French paton English toe cap Spanish empeine Italian spuntèrbo German Vorderkappe.

mascarinàre , vrb Definition aconciare, torrare a fàere su mascarinu Etymon srd.

mascarínu mascarína

mascarónzu , nm Definition su mascarare, su essire mascaraos Synonyms e antonyms ammascheramentu, mascarada Etymon srd. Translations French déguisement English masquerade Spanish mascarada Italian mascheraménto German Verkleidung.

mascarósu , agt Definition prenu de tzintziedhu, de fumàdigu, chi est totu mascara Synonyms e antonyms fodhinosu, fumadigosu, titibedhosu, tzintzidhosu Etymon ctl. mascarós Translations French fuligineux English sooty Spanish fuliginoso Italian fuligginóso German rußig.

mascaróti , nm Definition prus che àteru, persona afaciolada, mamutzone Synonyms e antonyms màscara Sentences li ant dau su "Frimma!" duos mascarotis in bervechina chin sas socas a ambucodhu e sos lovros in manos.

mascartzòne , agt, nm: mascatzone Definition chi o chie est un'arga, persona de pigare a disprétziu, chie si cumportat male meda Synonyms e antonyms argamile, ascamile, farabbutu Etymon itl. mascalzone.

màscas , avb: amesche, mesca, mesche, mesches, meschi Definition prus che àteru, prus a totu Synonyms e antonyms assimas, mascamente, prusatotu Sentences in custu no mi as dadu dispiaghere, mesches ca mai ti desi unu disgustu ◊ àteros pitzinnos, mesca sos prus mannos, zocaiant a fúbbalu ◊ mesche su fizu già est rébula bona! ◊ peschi li do sa benénnida, mesche pro su chi mi at fatu?!… Etymon ctl. més que més.