A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

miaulósu , agt, nm Definition chi o chie istat coment'e a míulos, a lamentu; nau de cartzamenta, chi camminandho faet coment'e unu tzinchirriedhu de cantu est noa e bona Synonyms e antonyms achiguladu, chensciosu, memulosu, pibinosu, piciosu 2. si poniat sos botes fines e miaulosos Etymon srd. Translations French plaintif, geignant English sorrowful Spanish quejumbroso Italian lamentévole German jammernd.

miàulu màulu

miaurài , vrb Definition istare a iscràmios, comente faent su paru brebeghinu e cràbinu Synonyms e antonyms abbelidare, belai, melare*, meulare.

míca , nf Definition orrughedhedhu piticu de cosa, pimpirida Synonyms e antonyms carafúndhula, chilivrida, figrinu, nica, palfaruza Etymon itl. micca.

micàda , nf Definition ingestu, móvia de una parte de sa carena o àteru po fàere a cumprèndhere calecuna cosa Synonyms e antonyms acínnidu, manigiada, miada, móvida, ocrada, tzinnida Sentences l'at cumpresu a sa micada ◊ at fatu sa micada de si sinnare ◊ a sa micada de sa chintolza su puzone est fuidu a perdijinu ◊ su mudu mustrat sa cosa a micadas ◊ Pone! - narat fatendhe de micada cun su pódhighe a cúcuru in giosso a su tzilleralzu pro pienare sas tatzas Translations French geste, signe English sign Spanish ademán, seña Italian gèsto, cénno German Wink.

micaèlle , agt Synonyms e antonyms bovo, brallocu, bucamindotu, drodhe, immalisciadu, mengro Etymon ltn.e Michael.

micerétu , nm Definition lantionedhu de làuna o de lutone inue si ponet su loghíngiu in is candiles Synonyms e antonyms miceri*.

micéri , nm Synonyms e antonyms miceretu Etymon ctl., spn. metxer, mechero.

míche 1 , prn: minche Definition mi + che, nche: prn. e avb. impreau totu a unu apustis de unu vrb. in forma de ger. o de impr. (andhendhemiche, torrendhemiche, bessindhemiche, leademiche!).

míche! , iscl Definition mih in cudhane!, lah in cudheni! (a/c.: custos duos foedhos si podent agatare impare cun is vrb., naos e iscritos apustis, ma cun significau diferente: so andhendhemiche, pesendhemiche, torrendhemiche, ue che est avb. coment'e innoghe, ma ue mi est prn. e no iscl. = andendimindi, pesendimindi, torrendiminci) Synonyms e antonyms viche! Sentences miche s'oltu, mih su pudhalzu! (P.Casu)◊ miche a babbu, mih!

michèta , nf Definition genia de pane modhe, minorache, de butega, de forma retangulare cun d-una segada in pitzu Sentences a fortza de cosiri e arressolai, una micheta no si mancat ◊ no apu a iscaresci mai su sabori de is michetas de pani chi iat betiu babbu candu furiat sordau richiamau Scientific Terminology pne.

michimmócu , agt, nm Definition chi o chie si lassat cullonare Synonyms e antonyms ballalloe, tontassu, tontorrone Sentences sos imbrogliones incantant sos michimmocos cun su giogu de sas tres cartas.

michína medichína

michízu , nm Synonyms e antonyms arraghèscia, mammariusa.

mícia mècia

micídiu , nm: mincídiu, mintzídiu Definition cosa chi si narat chentza èssere berus; po cussu etotu, cosa chi si narat o chi si cuncordat e faet pigare tzacu, arrennegu Synonyms e antonyms callione, calónia, faba 1, mintzidhu / incídiu, intzídia, tzítziu Idioms csn: contai mincídius = nàrrere fàulas; mincídiu tzopu = fàula chi s'iscoberit a pressi; micídiu ’e fama = innóriu; bogare mintzídios = nàrrere fàulas a innóriu, bogare fogu a ccn. Sentences pentzamu ca bosatras fustis narendi micídius, ma gei est a berus su chi apu inténdiu de cudha ◊ cussa est bella isceti a bogai micídius e a ghetai nexi ◊ su mincídiu est sempri tzopu e a tardu o a pressi s'iscoberit 2. sos infames mintzídios aterra! ◊ seis sempri atribbuendi a mei mintzídius e difetus nous in su fàiri ◊ cun fàulas dannosas, apo bogadu mintzídios sentza èssere Translations French calomnie English slander Spanish calumnia Italian calùnnia German Verleumdung.

micràgna , nf: migragna Definition dolore de conca; in cobertantza, su èssere arrestigos, de manu istrinta, ma fintzes poberesa, bisóngiu Synonyms e antonyms merchinzia, poberesa / asurímini, limiore, susuncúmini 2. in cussu tempus de migragna totu fit bonu: iscatuledhas e meighinas Etymon itl. micragna Translations French migraine, hémicranie English headache Spanish jaqueca Italian emicrània German Migräne.

microcitemía , nf Definition peca de su sàmbene connota meda in Sardigna: is glóbbulos orrúbios funt meda prus piticos e istrupiaos puru e po cussu portant prus pagu ossígenu a su sàmbene e benint isconciaos in s'isprene meda prus a coitu de is normales; chie portat custa peca in su sàmbene podet campare sanu puru, ma cun àteru portadore sanu podet tènnere fígios malàidos (talassemia) Scientific Terminology mld.

micròfonu , nm Definition aparíciu chi pigat sonos e boghes e dhos mandhat a un'àteru aparíciu po dhos fàere ammanniare, a manera de dhos pòdere intèndhere méngius e prus atesu.

microrganísimu , nm Definition organísimu vegetale o animale pitichedhedhu.