A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mulmútu marmútu

mulòta , nf Definition si narat de fémina de mundhu po disprétziu: fémina mala, fainera e cadhotza, sèmpere in giru cricandho chistiones e ocasiones Synonyms e antonyms catzolera, mussota Etymon ctl. mulota Translations French femme dépravée, femme débauchée English slut Spanish mujerzuela Italian donnàccia German Weibsstück.

múlta , nf: murta 1 Definition su múrghere, siat a faina faendho e siat a faina fata Synonyms e antonyms muglidura, murghinzu, murtura, trupiada Sentences est una baca bella ebbia: a donzi multa daet deghe litros de late Etymon srd.

múlta 1 , nf Definition su chi si faet pagare a unu chi no at arrespetau calecuna régula o norma Synonyms e antonyms contravintzione.

multài, multàre , vrb Definition pònnere contravintzione.

multàtzu , nm: mustàciu, mustassu, mustatzu Definition nau prus che àteru pl., barba, pilu chi si lassat crèschere longhitu in totu sa lavra de pitzu tra is corros de sa buca e su nasu / ómine de mustatzu = corazosu, forte, de pore Synonyms e antonyms bafos, bigotis Sentences ses a mustatzus de pilu aresti ◊ si mi tocas is mustatzus arguai de sa pedhi tua! Surnames and Proverbs smb: Multazzu, Mustacciu, Mustazzu Translations French moustache English moustache Spanish bigote Italian baffo German Schnurrbart.

multinédhu , agt Definition chi est coment'e múrtinu, de colore Surnames and Proverbs smb: Multineddu Scientific Terminology clr.

multiplicài, multiplicàre mortipricàre

múltiplu , agt, nm Definition chi balet tantas bortas unu tanti (es. 4, 6, 8, 10, 12, e totu deasi, funt múltiplos de 2, o 6, 9, 12, 15 e àteros de tres in tres múltiplos de 3).

multíprica , nf Definition operatzione matemàtica chi si faet contandho unu tanti de bortas sa própriu cosa o su matessi tanti Synonyms e antonyms mortipricassione Translations French multiplication English multiplication Spanish multiplicación Italian moltiplicazióne German Multiplikation.

multòre , nm Definition chie murghet Synonyms e antonyms mullidori, murghidore Sentences su teracu est malàidu e mi tocat a chilcare un'àteru multore Etymon srd.

multóriu moltólzu

múltra mòsta

multràre mostrài

múltu , pps, agt: murtu Definition de múlghere, múrghere; chi dh'ant murtu / a sa murta = murghendho, fintzes apustis murtu Synonyms e antonyms múgliu, múlghidu / scalarxiu, surgiu 1 2. sas berbeghes sunt murtas: làssalas, no las torres a immandrare! ◊ s'istratzu de samunare in terra cheret unu pagu murtu pro lu colare in su pamentu 3. su póveru est semper a cara murta Translations French trait, tordu English milked Spanish ordeñado Italian munto German gemolken.

multúra , nf: murtura Definition su múrghere Synonyms e antonyms muglidura, mullimenta, murghinzu Sentences a sa murtura de su manzanu bogant late de mancu ◊ aio finidu sa murtura e fio torrandhe a sa barraca ◊ faeus sa murtura murgenno donniunu is brebès suas Etymon srd.

múlu , nm Definition animale naschiu de un'ebba fata improssimare a unu molente: de carena faet prus mannu e prus forte de s'àinu (ma essit bíciu, no fedat, no faet fígios) Synonyms e antonyms mulete Sentences ant garrigadu sas bértulas a unu mulu ◊ is sordaus fiant prus de una cida in caminu cun is mulus ferraus po sa muntàngia e càrrigus de dogna carramatzina ◊ cadhos, àinos e mulos si ferrant a sa ritza Scientific Terminology anall Etymon ltn. mulus Translations French mulet English mule Spanish mulo Italian mulo German Maultier.

múlva , nf: murva, múvara, muvra, múvura Definition genia de brebè areste: muvrone fémina Synonyms e antonyms bítara, mura 2 Sentences sunt torrados a nàschere sos anzones de murva ◊ tue andhas che muvra, giovanedha, e deo so che pegus istasidu (A.Casula)◊ cussu malandhadu camminat nudu che mulva in foresta Scientific Terminology anar, ovis ammon musimon Etymon srdn.

múlza múglia

mumàda , nf Definition puburedha o trubbada de bentu forte chi si pesat totinduna Synonyms e antonyms irfrusada, frusiada, isulvilada, rafega, ufulada Sentences bastat una mumada, un'assustu, pro secare su filu de sa vida (L.Pusceddu)◊ at ispartu sa bràsia e una mumada de ischintzidhas si est imbérghida in su fumajolu.