A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mulmútu marmútu

mulòta , nf Definizione si narat de fémina de mundhu po disprétziu: fémina mala, fainera e cadhotza, sèmpere in giru cricandho chistiones e ocasiones Sinonimi e contrari catzolera, mussota Etimo ctl. mulota Traduzioni Francese femme dépravée, femme débauchée Inglese slut Spagnolo mujerzuela Italiano donnàccia Tedesco Weibsstück.

múlta , nf: murta 1 Definizione su múrghere, siat a faina faendho e siat a faina fata Sinonimi e contrari muglidura, murghinzu, murtura, trupiada Frasi est una baca bella ebbia: a donzi multa daet deghe litros de late Etimo srd.

múlta 1 , nf Definizione su chi si faet pagare a unu chi no at arrespetau calecuna régula o norma Sinonimi e contrari contravintzione.

multài, multàre , vrb Definizione pònnere contravintzione.

multàtzu , nm: mustàciu, mustassu, mustatzu Definizione nau prus che àteru pl., barba, pilu chi si lassat crèschere longhitu in totu sa lavra de pitzu tra is corros de sa buca e su nasu / ómine de mustatzu = corazosu, forte, de pore Sinonimi e contrari bafos, bigotis Frasi ses a mustatzus de pilu aresti ◊ si mi tocas is mustatzus arguai de sa pedhi tua! Cognomi e Proverbi smb: Multazzu, Mustacciu, Mustazzu Traduzioni Francese moustache Inglese moustache Spagnolo bigote Italiano baffo Tedesco Schnurrbart.

multinédhu , agt Definizione chi est coment'e múrtinu, de colore Cognomi e Proverbi smb: Multineddu Terminologia scientifica clr.

multiplicài, multiplicàre mortipricàre

múltiplu , agt, nm Definizione chi balet tantas bortas unu tanti (es. 4, 6, 8, 10, 12, e totu deasi, funt múltiplos de 2, o 6, 9, 12, 15 e àteros de tres in tres múltiplos de 3).

multíprica , nf Definizione operatzione matemàtica chi si faet contandho unu tanti de bortas sa própriu cosa o su matessi tanti Sinonimi e contrari mortipricassione Traduzioni Francese multiplication Inglese multiplication Spagnolo multiplicación Italiano moltiplicazióne Tedesco Multiplikation.

multòre , nm Definizione chie murghet Sinonimi e contrari mullidori, murghidore Frasi su teracu est malàidu e mi tocat a chilcare un'àteru multore Etimo srd.

multóriu moltólzu

múltra mòsta

multràre mostrài

múltu , pps, agt: murtu Definizione de múlghere, múrghere; chi dh'ant murtu / a sa murta = murghendho, fintzes apustis murtu Sinonimi e contrari múgliu, múlghidu / scalarxiu, surgiu 1 2. sas berbeghes sunt murtas: làssalas, no las torres a immandrare! ◊ s'istratzu de samunare in terra cheret unu pagu murtu pro lu colare in su pamentu 3. su póveru est semper a cara murta Traduzioni Francese trait, tordu Inglese milked Spagnolo ordeñado Italiano munto Tedesco gemolken.

multúra , nf: murtura Definizione su múrghere Sinonimi e contrari muglidura, mullimenta, murghinzu Frasi a sa murtura de su manzanu bogant late de mancu ◊ aio finidu sa murtura e fio torrandhe a sa barraca ◊ faeus sa murtura murgenno donniunu is brebès suas Etimo srd.

múlu , nm Definizione animale naschiu de un'ebba fata improssimare a unu molente: de carena faet prus mannu e prus forte de s'àinu (ma essit bíciu, no fedat, no faet fígios) Sinonimi e contrari mulete Frasi ant garrigadu sas bértulas a unu mulu ◊ is sordaus fiant prus de una cida in caminu cun is mulus ferraus po sa muntàngia e càrrigus de dogna carramatzina ◊ cadhos, àinos e mulos si ferrant a sa ritza Terminologia scientifica anall Etimo ltn. mulus Traduzioni Francese mulet Inglese mule Spagnolo mulo Italiano mulo Tedesco Maultier.

múlva , nf: murva, múvara, muvra, múvura Definizione genia de brebè areste: muvrone fémina Sinonimi e contrari bítara, mura 2 Frasi sunt torrados a nàschere sos anzones de murva ◊ tue andhas che muvra, giovanedha, e deo so che pegus istasidu (A.Casula)◊ cussu malandhadu camminat nudu che mulva in foresta Terminologia scientifica anar, ovis ammon musimon Etimo srdn.

múlza múglia

mumàda , nf Definizione puburedha o trubbada de bentu forte chi si pesat totinduna Sinonimi e contrari irfrusada, frusiada, isulvilada, rafega, ufulada Frasi bastat una mumada, un'assustu, pro secare su filu de sa vida (L.Pusceddu)◊ at ispartu sa bràsia e una mumada de ischintzidhas si est imbérghida in su fumajolu.