A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

nèi! nè!

néidu nébidu

neigàdu , agt Definition chi tenet neghe, mantza, calecunu guastu Synonyms e antonyms neciadu, nesicau Sentences si andhat a triballare a logu istranzu no at a istentare a torrare neigadu e piús póveru de como!

nelbiàdile nebriàdile

nelvatúra , nf: nerbiadura, nerviadura Definition is nérbios de totu sa carena, deasi comente essint e s'isterrent de su crebedhu o de su meudhu de s'ischina fintzes a lòmpere a totu is arremos e céllulas; fintzes genia de filighedhos o venas, mescamente in sa fògia, de erbas e matas Scientific Terminology crn, rbr Translations French ensemble des nerfs, innervation English nervation, nerves Spanish nervios, nervadura Italian nervatura, innervazióne German Nervensystem, Nervatur.

nélviu nébriu

nelvosísmu , nm: nervosismu Definition su èssere annervaos, acanta a no padire àteru o de prus, in pentzamentu, prontos a si tzacare e arrennegare po pagu

nelvósu , agt, nm, nf: nerbosu, nervosa, nervosu, nerviosu Definition de is nérbios, chi pertocat is nérbios; genia de arrennegu, de tzacu, coment'e candho si perdet sa passiéntzia o s'istat in pentzamentu, a pistighíngiu po calecuna cosa e no si padit àteru ifadu Synonyms e antonyms latranghigultzu, nevrile / annervadura, tzérrima | ctr. pascenscile / pascénscia Idioms csn: céllula nervosa = sa chi tenet s'impreu de retzire, muntènnere e porrire a sas àteras céllulas nervosas totu sos sinnales chi benint de carchi parte de sa carena: est fata coment'e a rampu a manera de si tènnere o aggantzare e colare sos sinnales cun medas àteras; massa nervosa = totu sas céllulas de su cherbedhu; èssere nervosu = de pagu bàlia, chi agguantat pagu, de paga passéssia (si lu tenet de naturale); paràula, oratzioni nervosa = prena de fortza Sentences dioi si lamentat avrinada chin sa nervosa, mischina! ◊ oi su nervosu mi dhu scupu cun bosatrus, si no dh'acabbais! ◊ su gafè ti movet sa nervosa, no ndhe bufes! Etymon itl., spn. Translations French nerveux, irritation English nervous, irritability Spanish nervioso, nervios, irritación Italian nervóso, irritazióne German nervlich, nervös.

nélvu nébriu

nembròte! , iscl: nembrotze Definition foedhu de avertimentu: arguai a tie!, mighi!…, marranu! Synonyms e antonyms arguai!, enombrotze!

nembrotéri , nm Definition its Sentences a s'abberta de sa catza, sos nembroteris current, totu armados, sonniendhe colpos bene cumbinados…◊ su sero torrat dogni nembroteri gàrrigu de fera e d'istracúmene.

nembròtze! nembròte!

nemenàxu , nm Synonyms e antonyms briminaxu, gennile, lemenalzu*, terminaxi.

nemígu , agt, nm: anemigu, enemicu, inimicu*, nimigu Definition chi o chie est contràriu e bolet su male de s'àteru e cricat de si dhu fàere puru; númene chi si giaet a su dimóniu, chi prus de dónnia àteru tenet fama de bòllere su male Synonyms e antonyms disinimigu / arremínciu, demóniu | ctr. amicu Sentences dèu si naru: Istimai fintzas is nimigus!(Ev) 2. su nemigu no m'ingannit ni a s'ora de sa morti ni a s'ora de sa fini!

nemmàncu , cng, avb: nimmancu Definition coment'e cng. aciunghet unu foedhu po significare chi mancat cussu puru; coment'e avb. giaet prus fortza a un'àteru avb. de nega Synonyms e antonyms mancu | ctr. finces Sentences dh’apo a crede chi no eis inténdhiu nemmancu is trumbas de su postale?!…◊ candu si chistionat de custas cosas depis tenni s'arbítiu de no dha nomenai nimmancu, a sa bonànima de mamma! 2. issu cheriat bèndhere e tue depias comporare, non fis nemmancu furandhe! Etymon itl. nemmanco Translations French non plus English neither, nor Spanish ni, tampoco, ni siquiera Italian neppure, nemméno German nicht einmal, auch nicht.

nèmmos , prn: nemos, nemus Definition peruna persona, genia de prn. in parte de css. númene de persona, pentzandho is personas però coment'e manc’una, farta de totus, foras totugantas (a bortas si narat coment'e nm.)/ Mussi Nemmos = unu chi est acoment'e nisciunus, fatu e lassau Synonyms e antonyms nensunu, nesciune, neune | ctr. totugantos, totus Sentences cue nemos ofendhet a nemos ◊ creia ca no nc'iat nemus! ◊ no bi at nemos in domo ◊ candho andho a letu porto sos pes fritos e no dhue agato a nemos po mi dhos callentare! ◊ fut amigu cun totus e nemus teniat segretus cun issu 2. candho fipo minore dego, su sindacau fit in colore de cane fughindhe: bi fit, ma comente a tziu Nemmos ◊ cussu est unu nemmos! Etymon ltn. nemo Translations French aucun, personne English nobody Spanish nadie Italian nessuno German niemand.

nemonàda , nf: nomanada, nomenada, numenada, numenata Definition su nàrrere unu númene o numenare a ccn. o fintzes calecuna cosa; cosa chi ischint o chi narant in medas de unu, siat in bonu e siat in malu Synonyms e antonyms incionada, lúmena, lumenada, nada, nomena, sonedhu Sentences cussu tenit sa nemonada de una cunduta bona ◊ de trabballai no ndi boint intendi mancu sa nomanada! ◊ dae candho si est tucadu no si ndhe at intesu prus mancu numenada ◊ cun sa nomenada chi tenit, custa domu, no nci benit nemus! 2. cussa est genti de nomenada mala, lègia, bona Etymon ctl. nomenada Translations French réputation English reputation Spanish nombradía, fama, reputación Italian nomèa German Ruf.

nemonài , vrb: nomenai, nomenare, nominai, nominare, nomonai, numenare Definition nàrrere su númene de ccn. in su chistionu, nàrrere coment'e cosa o persona connota; giare un'incàrrigu a numenatis Synonyms e antonyms arranomonai, arremonae, fentomare, mantovare Sentences no mi dha nomenis, cussa cosa!◊ su pejus est istau de no chèrrere prus intèndhere de numenare a Deus ◊ si bivu mi disígias, si mòrgiu mi nomenas! ◊ no fait mancu a dhus nomonai ca parit narendu fuedhus maus! ◊ fiat nomenendu una bidha mai inténdia ◊ is mandronis fuant connotus e nemonaus a befa (A.Boi)◊ custu codhu dh'eus a nemonai de imou a innantis "Candelaris" Etymon itl. Translations French nommer English to name, to appoint Spanish nombrar Italian nominare German nennen, erwähnen, ernennen.

nèmos nèmmos

némula , nf Definition erba chi faet frores asulos, prantada puru; àteras calidades: némula areste o istellada (Anemone hortensis), némula areste groga (Anemone palmata) Synonyms e antonyms frantzesíglia Scientific Terminology rba, Anemone coronaria Etymon itl. anèmola Translations French anémone English anemone Spanish anémona coronada Italian anèmone German Anemone, Buschwindröschen.