A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

nèi! nè!

néidu nébidu

neigàdu , agt Definizione chi tenet neghe, mantza, calecunu guastu Sinonimi e contrari neciadu, nesicau Frasi si andhat a triballare a logu istranzu no at a istentare a torrare neigadu e piús póveru de como!

nelbiàdile nebriàdile

nelvatúra , nf: nerbiadura, nerviadura Definizione is nérbios de totu sa carena, deasi comente essint e s'isterrent de su crebedhu o de su meudhu de s'ischina fintzes a lòmpere a totu is arremos e céllulas; fintzes genia de filighedhos o venas, mescamente in sa fògia, de erbas e matas Terminologia scientifica crn, rbr Traduzioni Francese ensemble des nerfs, innervation Inglese nervation, nerves Spagnolo nervios, nervadura Italiano nervatura, innervazióne Tedesco Nervensystem, Nervatur.

nélviu nébriu

nelvosísmu , nm: nervosismu Definizione su èssere annervaos, acanta a no padire àteru o de prus, in pentzamentu, prontos a si tzacare e arrennegare po pagu

nelvósu , agt, nm, nf: nerbosu, nervosa, nervosu, nerviosu Definizione de is nérbios, chi pertocat is nérbios; genia de arrennegu, de tzacu, coment'e candho si perdet sa passiéntzia o s'istat in pentzamentu, a pistighíngiu po calecuna cosa e no si padit àteru ifadu Sinonimi e contrari latranghigultzu, nevrile / annervadura, tzérrima | ctr. pascenscile / pascénscia Modi di dire csn: céllula nervosa = sa chi tenet s'impreu de retzire, muntènnere e porrire a sas àteras céllulas nervosas totu sos sinnales chi benint de carchi parte de sa carena: est fata coment'e a rampu a manera de si tènnere o aggantzare e colare sos sinnales cun medas àteras; massa nervosa = totu sas céllulas de su cherbedhu; èssere nervosu = de pagu bàlia, chi agguantat pagu, de paga passéssia (si lu tenet de naturale); paràula, oratzioni nervosa = prena de fortza Frasi dioi si lamentat avrinada chin sa nervosa, mischina! ◊ oi su nervosu mi dhu scupu cun bosatrus, si no dh'acabbais! ◊ su gafè ti movet sa nervosa, no ndhe bufes! Etimo itl., spn. Traduzioni Francese nerveux, irritation Inglese nervous, irritability Spagnolo nervioso, nervios, irritación Italiano nervóso, irritazióne Tedesco nervlich, nervös.

nélvu nébriu

nembròte! , iscl: nembrotze Definizione foedhu de avertimentu: arguai a tie!, mighi!…, marranu! Sinonimi e contrari arguai!, enombrotze!

nembrotéri , nm Definizione its Frasi a s'abberta de sa catza, sos nembroteris current, totu armados, sonniendhe colpos bene cumbinados…◊ su sero torrat dogni nembroteri gàrrigu de fera e d'istracúmene.

nembròtze! nembròte!

nemenàxu , nm Sinonimi e contrari briminaxu, gennile, lemenalzu*, terminaxi.

nemígu , agt, nm: anemigu, enemicu, inimicu*, nimigu Definizione chi o chie est contràriu e bolet su male de s'àteru e cricat de si dhu fàere puru; númene chi si giaet a su dimóniu, chi prus de dónnia àteru tenet fama de bòllere su male Sinonimi e contrari disinimigu / arremínciu, demóniu | ctr. amicu Frasi dèu si naru: Istimai fintzas is nimigus!(Ev) 2. su nemigu no m'ingannit ni a s'ora de sa morti ni a s'ora de sa fini!

nemmàncu , cng, avb: nimmancu Definizione coment'e cng. aciunghet unu foedhu po significare chi mancat cussu puru; coment'e avb. giaet prus fortza a un'àteru avb. de nega Sinonimi e contrari mancu | ctr. finces Frasi dh’apo a crede chi no eis inténdhiu nemmancu is trumbas de su postale?!…◊ candu si chistionat de custas cosas depis tenni s'arbítiu de no dha nomenai nimmancu, a sa bonànima de mamma! 2. issu cheriat bèndhere e tue depias comporare, non fis nemmancu furandhe! Etimo itl. nemmanco Traduzioni Francese non plus Inglese neither, nor Spagnolo ni, tampoco, ni siquiera Italiano neppure, nemméno Tedesco nicht einmal, auch nicht.

nèmmos , prn: nemos, nemus Definizione peruna persona, genia de prn. in parte de css. númene de persona, pentzandho is personas però coment'e manc’una, farta de totus, foras totugantas (a bortas si narat coment'e nm.)/ Mussi Nemmos = unu chi est acoment'e nisciunus, fatu e lassau Sinonimi e contrari nensunu, nesciune, neune | ctr. totugantos, totus Frasi cue nemos ofendhet a nemos ◊ creia ca no nc'iat nemus! ◊ no bi at nemos in domo ◊ candho andho a letu porto sos pes fritos e no dhue agato a nemos po mi dhos callentare! ◊ fut amigu cun totus e nemus teniat segretus cun issu 2. candho fipo minore dego, su sindacau fit in colore de cane fughindhe: bi fit, ma comente a tziu Nemmos ◊ cussu est unu nemmos! Etimo ltn. nemo Traduzioni Francese aucun, personne Inglese nobody Spagnolo nadie Italiano nessuno Tedesco niemand.

nemonàda , nf: nomanada, nomenada, numenada, numenata Definizione su nàrrere unu númene o numenare a ccn. o fintzes calecuna cosa; cosa chi ischint o chi narant in medas de unu, siat in bonu e siat in malu Sinonimi e contrari incionada, lúmena, lumenada, nada, nomena, sonedhu Frasi cussu tenit sa nemonada de una cunduta bona ◊ de trabballai no ndi boint intendi mancu sa nomanada! ◊ dae candho si est tucadu no si ndhe at intesu prus mancu numenada ◊ cun sa nomenada chi tenit, custa domu, no nci benit nemus! 2. cussa est genti de nomenada mala, lègia, bona Etimo ctl. nomenada Traduzioni Francese réputation Inglese reputation Spagnolo nombradía, fama, reputación Italiano nomèa Tedesco Ruf.

nemonài , vrb: nomenai, nomenare, nominai, nominare, nomonai, numenare Definizione nàrrere su númene de ccn. in su chistionu, nàrrere coment'e cosa o persona connota; giare un'incàrrigu a numenatis Sinonimi e contrari arranomonai, arremonae, fentomare, mantovare Frasi no mi dha nomenis, cussa cosa!◊ su pejus est istau de no chèrrere prus intèndhere de numenare a Deus ◊ si bivu mi disígias, si mòrgiu mi nomenas! ◊ no fait mancu a dhus nomonai ca parit narendu fuedhus maus! ◊ fiat nomenendu una bidha mai inténdia ◊ is mandronis fuant connotus e nemonaus a befa (A.Boi)◊ custu codhu dh'eus a nemonai de imou a innantis "Candelaris" Etimo itl. Traduzioni Francese nommer Inglese to name, to appoint Spagnolo nombrar Italiano nominare Tedesco nennen, erwähnen, ernennen.

nèmos nèmmos

némula , nf Definizione erba chi faet frores asulos, prantada puru; àteras calidades: némula areste o istellada (Anemone hortensis), némula areste groga (Anemone palmata) Sinonimi e contrari frantzesíglia Terminologia scientifica rba, Anemone coronaria Etimo itl. anèmola Traduzioni Francese anémone Inglese anemone Spagnolo anémona coronada Italiano anèmone Tedesco Anemone, Buschwindröschen.