Ditzionàriu in línia
de sa limba e de sa cultura sarda

oràda , nf Definition tretu chentza matas in mesu de padente o de logu prenu de matedu Synonyms e antonyms bacantinu, bàlliu, lascura, spratza Sentences bi at ghiníperos in sas oradas chi bi ponent chent'annos a crèschere unu parmu supra sa roca Etymon srd. Translations French clairière English glade Spanish claro Italian radura German Lichtung.

oradòre, oradòri , nm Definition cudhu chi faet sa parlata, chie est bonu a fàere foedhadas mannas e bellas a ora meda, bonu a manigiare su foedhu, sa limba Synonyms e antonyms perdicadore.

oràdulu , nm: aradula Synonyms e antonyms aradu.

oragantòra , avb Synonyms e antonyms fatuvatu, totora Sentences s'errisu de sa luna illúminat oragantora sa cara tua ◊ s'incaminat a bidha furriendusí oragantora po torrai a castiai Etymon srd.

oragànu , nm: araganu*, raganu Definition istracia mala, nuu de bentus, molinada o remolinu de bentos fortes Synonyms e antonyms prederissa Scientific Terminology tpm.

oràgi , nm: araghe Synonyms e antonyms abra, abrina, arvile, atza 1, frina, saniete.

oràines , avb Definition a oru in su sensu de acanta, apresu Synonyms e antonyms acanta, acultu | ctr. atesu Etymon srd.

oràle , nm Definition serra de montes, coment'e oru chi si paret abbaidandho de atesu; oru de orroca arta meda Synonyms e antonyms istrampu Sentences in Supramonte sa nurra e s'orale sunt cosas de perígulu Etymon srd. Translations French précipice English overhang Spanish precipicio, barranco Italian strapiómbo German Überhang.

oràle 1 , agt Definition nau de esàminu, chi si faet a boghe, foedhandho e no in iscritu.

oramà , iscl Definition o mà!, ummà!, vocativu naendho a sa mama Sentences iscurta, oramà, tèngio binti cincu annus, soe trabballandu e peri pensandu de fàiri a isposu!

oramài , avb Definition a cust'ora, a custu tempus Etymon itl.

oramàla , nf: oromàua, orommala Definition ora mala: genia de frastimu Synonyms e antonyms ttrs. oramara | ctr. banora Sentences andhet in orommala, issu: inoche cumandho deo e cherjo a chie cherjo! ◊ esside fora e baze in orommala, ca sinono bos trunco carchi costa! 2. it'oromàua at a èssiri custa cascita?!

òramu òlamu

oràne , nm Definition genia de obru in is codhos de sa camisa, in costúmenes de fémina.

oraòna , nf Definition ora bona: bae in oraona, bae!

oraría , nf: oreria Definition prendhas, òperas de òru trebballau Sentences a ndhe zughet de oraria, cussa fémina!…◊ in cussa butega bendhent oraria ◊ sa meri fiat una de is prus arricas, teniat terrenus, bestiàmini e oreria Etymon srd. Translations French bijoux en or English gold jewels Spanish joyería Italian gioièlli d'òro, gli òri German goldene Schmuckstücke.

oràriu , nm, agt Definition un'ora precisa inditada po calecunu bisóngiu, faina, atóbiu, ma fintzes tanti de oras po calecuna faina cun inditu de cuménciu e acabbu; chi pertocat s'ora, is oras / sensu oràriu (nau de movimentu)= chi andhat de manca a destra che is fritzas de s'arrellórgiu Idioms csn: pònnere s'o. = detzidire s'ora de ccn. cosa; iscassedhai s'o. = collonare s'ora, colare s'ora in su sensu de èssere cumbintos chi est un'ora e imbetzes ch'est colada Sentences mi est iscassedhau s'oràriu! ◊ l'azis postu bois s'oràriu e tandho abbojade! ◊ si essit a ziru, fizu tou, pòneli s'oràriu! ◊ is oràrius nostus dhus fait s'abbisóngiu! ◊ no bi ndhe devet àere de oràriu pro fàghere su dovere: cheret fatu e toca!◊ mancari in secidórgiu cammiau papo a oràriu a pastu lébiu Translations French horaire English schedule Spanish horario Italian oràrio German Zeit.

orasciòne , nf: orassione, orassioni, oratzioni, orocioni Definition css. pregadoria, mescamente sa chi si narat in oras de apretu o de timoria; tocu de campanas a mengianu, a merie / nàrrere s'orassione = pregai; sonai is oratzionis = sonare sas fremmarias Synonyms e antonyms arresa, ispossóliu, precadoria / fremmaria Sentences candho che corcat su pitzinnu l'avertit de nàrrere sas orasciones a su babbu ◊ a fàcia a terra, fatendhe orascione andho che unu tziu, istracu e lentu (G.A.Cossu)◊ is féminas s'ingenugant e cun is manus in su runcu cumènciant a si fai sa rugi e a nai s’orassioni Translations French oraison English prayer Spanish oración, rezo, plegaria Italian orazióne German Gebet, Oration

orasòras , avb Definition pagu in s'ora, como pag'ora Synonyms e antonyms issara.

orassionàre , vrb Definition nàrrere is oratziones Synonyms e antonyms arrasai, precare Sentences sa mama fit in domo orassionendhe Etymon srd.