A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

perígulu perículu

perilà, perilài periglià

perilí periglí

perillài periglià

perillói , avb Synonyms e antonyms periglí, perinnoi Sentences custos duos paras fuint perilloi e perillai in crica ◊ custu abarrat tota die perilloi e perillai!◊ ses semper currendhe perilloi e perillai chi t'isméntigas fintzas ca tenes una domo!

perilloiberillài , avb: pirilloibirillai Definition per illoi e per illai = perinnoi e perinní, inoghe e in cudhane, aifatu de su logu, de unu logu a s'àteru, bagamundhandho / èssere o andhare p. = andai a peréula Synonyms e antonyms ambulabutzu, essiberessi Etymon srd.

períllu perídhu

perímetru , nm Definition totu s'oru de fora, totu a inghíriu, làcana de unu logu o tretu, ororu de fora de css. corpus o figura Synonyms e antonyms oru.

períncia , nf: piríncia Definition movimentu de tzantzigadura de una parte a s'àtera de cosa pendhendho, mescamente a giogu Synonyms e antonyms bantzicallera, bantzigallella, catricalleri, impichimpica, pindilinzone, sanciainedha, tzantzigalitu Etymon srd.

perinciàre , vrb: pirinciare Definition fàere sa tzantzainedha, istare a su tòntona tòntona: si narat in cobertantza po giogare a s'amore ómin'e fémina Synonyms e antonyms ispiricocare 2. ambos duos pirinciavant pro gustu e no negavant! Translations French faire des papouilles English to pet Spanish sobarse, revolcarse Italian pomiciare German knutschen.

peringúni perigúe

perinní , avb Synonyms e antonyms perilloi.

perinnòe , avb Definition como puru, fintzes como.

perinnòi , avb Definition perinnoi e perinní = perilloiberillai, aifatu de su logu Synonyms e antonyms innoche / perilloi Sentences ascurtendi sa Missa no si depit mirai perinnoi e perinní.

perinsígnu , nm: perissegno, perissenno, perissinnu Definition sinnu, su sinnu de sa grughe; tocu a mortu de is campanas / sonare a p. = tocare a mortu Synonyms e antonyms perissinnale Sentences fachie su perissinnu "In numen de su Babbu, de su Fizu e de s'Ispíritu Santu"! ◊ si faghet in sa fronte suerada su perissegno de sa rughe santa Etymon itl. per il segno.

perintàntu paristàntu

periódicu , agt Definition chi torrat o essit o benit a períodos, dónnia tanti, pruschetotu a distàntzia de tempus sèmpere oguale; nau de númeru, unu o a grupos, chi est sèmpere su matessi coment'e arresurtau de un'operatzione chi sighit o, nau de movimentu, de durada e longària sèmpere oguales.

períodu , nm: períudu Definition sumana de tempus tra unu coménciu e un'acabbu connotos o precisaos; in su limbàgiu de s'isciéntzia, su tempus chi passat po chi unu fenòmenu chi si arrepitit torret a cumenciare (es. in sa física de su sonu, est un'artzada e una calada intreas de s'undha, movimentu cumpletu de una variatzione, curva apitzu e curva asuta); foedhandho de iscritura, unu pentzamentu distintu iscritu inter duos puntos Synonyms e antonyms simada Translations French période English period Spanish periodo, período Italian perìodo German Periode.

peripéri peribéri

períscia , nf: períssia, perítzia, pirítzia Definition averguamentu, iscumbatu, chi faet cun precisione una persona ischípia o pràtiga de una cosa o chistione a manera de ndhe ischire su valore, ite o comente est Synonyms e antonyms cdh., ttrs. pirítzia Sentences si fatos ponimus a períssia ti cunvinches chi sunt peràulas veras ◊ pro su dannu de sa fae, in s'ortu bi ant passadu sa períscia Translations French expertise English skill, expertise Spanish peritaje, peritación Italian perìzia German Begutachtung, Abschätzung.