A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

porràda , nf Definition unu tanti no meda mannu de cosa Synonyms e antonyms palte, porrata Sentences bati una porrada de linna a su fogu! ◊ at dadu una porrada de proendha a sos boes Translations French ration English ration Spanish ración Italian razióne German Ration.

porràle , agt Definition nau sèmpere de su colore birde a su gradu prus artu: chi est birde che porru, birde própriu, meda, nau fintzes de frutu chi no est ancora bonu a papare, cruo meda (in àtera foedhada: forrale) Synonyms e antonyms cherfu Sentences custa pruna est birde porrale: no est lómpida ◊ mi bidia minoredhu ammossendhe mela birde porrale ◊ so inoghe ca istimo su sole, su chelu e sa terra porrale 2. sas alas de s'ammentu mi acasatzant su coro e pesso a sos annos porrales Etymon srd.

porràta , nf: prorata, purrata Definition una parte (de dinare, de pagamentu, de dépiu) Synonyms e antonyms palte, partzida, rata, tanda Sentences cussa che trazat a domo sua porratas de dónnia bene de Deu Etymon itl. prorata Translations French quote-part English amount Spanish prorrata Italian quòta German Anteil, Beitrag, Quote.

porrèdha , nf Definition sa teghighedha de su pisu de coloru, de sa martigusa Scientific Terminology rbr.

pòrrere , vrb: apòrrere Definition giare, prus che àteru giare una cosa a unu chi no podet lòmpere a si dha pigare issu etotu / pps. apórridu, aportu Synonyms e antonyms aporrire, donai Sentences at bodhidu frores de campu de pòrrere a sa mama ◊ sa rúndhine est porrendhe cosa a manigare a sos puzonedhos in su nidu Etymon ltn. porrigere.

pòrrere 1 pòdere

porrèta , nf: aporreta Definition arregorta de dinare o de àtera cosa chi si faet in giru po dha giare a ccn. po agiudu; chistionu, cosa chi si narat de s'unu e de s'àteru tanti po crosidade, po criticare Synonyms e antonyms cuberadura, ponidura / contulàntzia, naravèglia Idioms csn: portai a ccn. istichiu in porretas = zúghere sempre ifatu; èssiri, intrai in porretas de ccn. = èssere in pozos de…, in podere de…, intrare in ungras, in manos de ccn. 2. de bonu mengianu seis fendi porreta! 3. si cussu piciochedhu fut in porretas mias, una cosa aici no dh'iat a èssi mai fata!◊ babbu tuu essit isceti cun sa sorri e su connau: si non dhus portat istichius in porretas non est cuntentu! (A.Simbula)◊ chi m'intrat in porretas, cussu gatu, bai ca a innòi no nci torrat! Etymon ltn. porrectus, -a.

porretài , vrb Definition istare a chistionu, nàrrere, fàere porreta, bodhetare Synonyms e antonyms contularjare, crastulai Sentences t'istentas tui puru cun nosu a porretai? (F.Inconis)◊ si amigas si pinnigant e cumentzant a porretai ◊ is antzianus s'ispàssiant a porretai.

porretànciu , nm Definition chi dhi praghet sa porreta, a istare a chistionu deasi chentza cabu, tanti po foedhare de calecunu a crítiga Synonyms e antonyms allegàrgiu, bodheteri, chistionistu, contulàgliu, cràstulu Sentences toca, lassadha in domu sua cussa porretància! (F.Inconis)

pòrri pòdere

porrída , nf Definition su porrire Etymon srd.

porridòre , agt Definition chi porrit Synonyms e antonyms portaredhu Etymon srd.

porridúra , nf: aporridura* Definition su porrire Synonyms e antonyms aporrimentu, porrinzu.

porrínzu , nm Definition su porrire Synonyms e antonyms aporrimentu, porridura Sentences paret cherzant mudare s'arveschinzu a coro apertu, a porrinzos de manu Etymon srd.

porríre , vrb: aporrire, purrire Definition giare, prus che àteru in su sensu de giare una cosa a unu chi no podet lòmpere a si dha pigare issu etotu; fintzes nàrrere, giare a ischire Synonyms e antonyms apòrrere*, dare, donai / nàrrere Sentences Mallena leat su bachidhu de sa mama e lu porrit a Bachisedhu ◊ cussos si ti bient morindhe non ti porrint mancu abba! 2. che li apo porriu peri un'iscavanada 3. mancumale ti ses ammentadu de mi porrire notíscias tuas! ◊ chi mi ses dispretziendhe mi l'ant porridu a orígias.

pòrriri pòdere

porríu , pps: aporridu Definition de porrire.

porrixédhu , nm Definition sa teghighedha modhe de sa fae seberada dae pagu Synonyms e antonyms corrónciulu, corruschedhu Scientific Terminology rbr.

porrochiànu, porrociànu parrochiànu

pòrroga , nf Definition su porrogare, fintzes su chi narat unu porrogau, unu testimóngiu Sentences sa giustissa est chircanne pòrrogas e testimontzos Etymon srd. Translations French déposition, aveu English evidence Spanish declaración, deposición Italian deposizióne, confessióne German Aussage, Geständnis.