Ditzionàriu in línia
de sa limba e de sa cultura sarda

porrogadòre , nm Definition chie faet su porrogu, is dimandhas po averguare una beridade Etymon srd.

porrogadúra , nf Definition su porrogare Etymon srd.

porrogàre , vrb Definition dimandhare po ischire, mescamente comente faent is giúdices, sa giustítzia, a is testimòngios o a un'acusau po che dhis tirare sa beridade de calecunu fatu o chistione; fintzes portare o nàrrere s'acusa Synonyms e antonyms precontare | ctr. arraspundi Sentences abbituatu comente fit a porrogare, li rispondhet chene si pistichinzare meta ◊ su marissallu e su brigadieri aiant porrogadu finas a cantu lis est istadu possíbbile ◊ muzere mia mi at porrogadu pariat carabbineri ◊ su coro meu si pòrrogat chin s'isetu de acatare rispostas 2. Pinóchiu aiat porrogatu a su zúdiche sa mala trassa chi l’aiant orditu sos bannitos Etymon ltn. perrogare Translations French interroger English to question Spanish interrogar Italian interrogare German befragen, verhören.

porrogàu , pps, nm Definition de porrogare; unu chi dhi ant fatu porrogu.

porrógu, pórrogu perrógu

porrónchiu parrónchiu

porrósu , agt Definition chi est a porros, totu porros; nau de su pane carasau, chi est bellu, bonu Etymon srd. Translations French verruqueux English warty Spanish verrugoso Italian verrucóso German warzig.

pórru , nm Definition duas genias de erba, de sabore forte che a sa chibudha o s'àgiu, bonas po cundhire Synonyms e antonyms àpara, gusaju Sentences su sennori, grogànciu de bisura, de su feli si fiat furriau birdi che porru ◊ su porru faghet a trugu che a sa chibudha, ma no a conca Scientific Terminology rba, Allium porrum ssp. polyanthum, A. triquetrum Etymon ltn. porrum Translations French poireau English leek Spanish puerro Italian pòrro German Porree.

pórru 1 , nm Definition genia de essidura in sa pedhe: faet a guronedhu, tostau, paret sicau; fintzes una genia de essidura de su frutuàriu; sa teghighedha de s'arraiga o alicarja; a logos, pedrighedha tundha po giogare / min. porrixedhu = corrúntzulu de fae Synonyms e antonyms arruga 2, barruga, bebbella, burróculu, erruca 1, orruca 1, tiporiu Sentences mi at essidu unu porru in su pódhighe mannu ◊ zughet sa manu totu porros 4. is porros funt cincu predas cocorudhas, ogualis, circadas in s'erriu, po giogari Surnames and Proverbs smb: Porru Etymon ltn. porrum Translations French verrue English wart Spanish verruga Italian verruca German Warze.

pòrta pòlta

pòrta 1 , nf Definition su portare de unu logu a s'àteru de sa cosa Synonyms e antonyms portada Sentences ant fatu sa porta de sa robba de cojantza Etymon srd.

portabbéntu , nm Definition su canale o cannone chi portat su bentu a s'òrganu po dhu fàere sonare.

portabbòxi , nm Definition genia de trumba chi artzat su sonu, sa boghe, po si fàere intèndhere prus atesu foedhandho Translations French mégaphone English megaphone Spanish megáfono Italian megàfono German Megaphon.

portachisína , nm Definition genia de pratígliu po pònnere su chinisu de is sigaretas, is fumadores.

portàda , nf Definition su portare; donniunu de is papares chi si portant a mesa; cantidade de cosa chi si batit / piatu de p., de balca = pratu mannu po pònnere sa cosa cota po dha passare a si dha pigare, in mesa Synonyms e antonyms càrrigu, porta 1, tragada 3. s'arriu chi tenit sa portada prus manna in Sardigna est su Frumendosa Translations French portée English course Spanish plato Italian portata German Gericht.

portàdiga , nf Definition sa paga de su carretoneri, de su carrulante po su viàgiu chi faet Synonyms e antonyms nólitu Etymon srd. Translations French fret English rental Spanish alquiler Italian nòlo German Fracht, Miete.

portadigàrzu , nm Definition chie carrat cosa, faet viàgios carrandho Synonyms e antonyms carradore, poltadore Etymon srd.

portadòra , nf Definition istrégiu de unos chimbanta litros, de linna a doas a bisura de cubedina, po arregòllere s'ógiu chi calat de sa prentza Etymon srd.

portadòre, portadòri poltadòre

portadurràdas , nm Definition genia de istregighedhu apertu, a bisura de palinedha pitica, a pònnere pane in sa mesa Etymon srd.