A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

resfríu refréu

resguardài reguardài

resguàrdu reguàldu

rèsi rèsa 1

resía , nf: arrasia* Definition dónnia arratza de arresia, de animaledhos Synonyms e antonyms arrabiu, arrese, arretaliu, ertiliu / babballoti, babbaúciu, cerpiu Sentences cixas e grillus cun sa luxi si pesant in is ortus aundi torrat a vida sa resia.

resída , nf Definition s'arresurtau de unu fàere, su chi si ndhe tenet de bonu Synonyms e antonyms arresultada, revéntida Sentences una cosa dha faghes pro nde tènnere una resida, sinono mancu ti dhue pones!

residénscia , nf: residéntzia Definition prus che àteru, logu inue s'istat, ue unu faet abbitu sèmpere, a ue si faet fúrriu de logos ue capitat de si agatare o andhare po trebballu o àteru, e duncas ue si tenet s'anàgrafe e dónnia diritu amministrativu Translations French résidence English residence Spanish residencia Italian residènza German Wohnsitz, Wohnort.

residènte, residènti , agt, nm Definition chi o chie istat petivu in calecunu logu ue faet abbitu, a ue faghet fúrriu de logos chi dhi capitat de si agatare o andhare po trebballu o àteru Translations French résidence, résident English resident Spanish residente Italian residènte German seßhaft.

residéntzia residénscia

resídiu , agt, nm: resíduu Definition coígiu, cosa chi abbarrat de ccn. àtera (mescamente de cosas de pagare) Synonyms e antonyms arrestu, iscampulitu, sobra Sentences no nos ant pagadu totu: bi at resídiu de nos dare Translations French reste, soulte, balance English equalization Spanish residuo, igualación Italian resìduo, rèsto, conguàglio German restlich.

residórju, residórzu , agt, nm Definition chi o chie faet molenterias, fatas de maleducaos Synonyms e antonyms molentatzu Translations French mal élevé English lout Spanish paleto Italian cafóne German ungehobelt.

resíduu resídiu

resignài, resignàre rassignàre

resígnu , nm: resinnu, ressignu, ressíngiu Definition su si resinnare, istare a su chi benit, a su chi faet su destinu, a sa volontade de Deus; su istare firmu in calecuna idea, determinau a fàere una cosa Synonyms e antonyms acunnortadura / detelminu, detzisione, idea Sentences ogus annischitzaus, ammelaus de ressíngiu, mirant s'acabbu (S.Chiappori) Etymon srd. Translations French résignation, détermination English resignation, determination Spanish resignación, determinación Italian rassegnazióne, determinazióne German Resignation, Entschlossenheit.

resiltíre , vrb: resistire, resistiri Definition repitire, agguantare, sighire a fortzare calecunu tempus / nessunu no si podet resistire = nisciunus podit andai contras Synonyms e antonyms abbabiai, agguantai, ammantènnere, apoderae, apompiai, rèzere / rfl. apònnere | ctr. arrèndhere, tzèdere Etymon spn. Translations French résister English to resist Spanish resistir, aguantar Italian resìstere German standhalten.

résima , nf: risma Etymon ctl., spn. Translations French rame English ream, sort Spanish resma Italian risma German Ries.

resinàre , vrb: arrosinai, rosinai, rosinare, rusinare Definition istidhigare, pròere pagos istídhigos, a fine, betare orrosinas, isciúndhere unu pagu / rosinadu de suore = suorau, isciustu de suore a istídhigos Synonyms e antonyms lentinare, mirmisiare, modhinare, proighinai Sentences sas àlbures sunt infustas: at resinadu tota die ◊ a ube sezis andhandhe: no bidies chi est rosinandhe?! Etymon srd.

resinnàdu , pps, agt: ressignadu, risinnadu Definition de resinnare; nau de ccn., chi est firmu in calecuna idea o decisione, siat in su sensu de si acunnortare de su chi dipendhet de àtere e siat in su sensu de su chi unu decidit issu Synonyms e antonyms decídiu, resolutu | ctr. bolanderu, bolantitzu, bollàticu 2. semus in podere tou: totu demus suportare resinnados! ◊ resinnados, sas penas suportade! ◊ at sempre tribagliadu sentza fàghere unu lamentu, resinnadu che Giobbe ◊ pro chi nos fatant mazados che linu, semus resinnados ◊ est resinnada a istare sola 3. si sunt apostados, resinnados a lu bochire ◊ s'idea mia est resinnada: cherzo a issa e bastat! ◊ a totu so resinnadu pro ch'in trambustos non t'ida! (P.Mossa) Translations French résigné, résolu English resigned, resoluted Spanish resignado, resuelto, determinado Italian rassegnato, risoluto German resigniert, entschlossen.

resinnàre rassignàre

resínnu resígnu