spantàu , pps, agt: ispantadu Definition de spantai Synonyms e antonyms ammeravizadu / atrudiu, trassidu.
spantósigu , agt Definition nau de ccn., chi luego si perdet de ànimu, perdet su coràgiu Etymon srd.
spantósu , agt: ispantosu* Definition
chi faet ispantu, meravíglia; chi faet a tímere
Synonyms e antonyms
meravizosu,
stravanau
/
arrorosu,
isprammosu
Translations
French
magnifique
English
senastional,
wonderful
Spanish
asombroso
Italian
sensazionale,
stupèndo
German
sensationell,
wunderbar.
spàntu , nm: ispantu* Definition su abbarrare agiummai chentza crèdere biendho cosa chi no si pentzaiat o no s'ibertaiat; cosa chi po sa bellesa, mannària o àteru de istraordinàriu faet ispantare, meravigliare o fintzes a tímere Synonyms e antonyms abbengu, amostu, maravíglia / atréminu Sentences mi at contau is contus… spantus! ◊ in notis de lugori no m'istrobbeis, ca seu totu allutau mirendi su spantu de su Creau! 2. ita spantu, issa, a s'intendi batallendi!… Surnames and Proverbs prb: non creit a su santu bàsciu chi non bit su spantu.
spantúmu , nm Definition logu chi no faet a passare Synonyms e antonyms ispéntimu*, ispérruma, scabiossu, úbridu.
spànu , agt: ispanu* Definition nau prus che àteru de su colore de su pilu de unos cantu animales mannos (boe, cuadhu), chi est coment'e orrúbiu, unu pagu grogo Surnames and Proverbs smb: Spanu.
spapagallài , vrb Definition arrasigare sa crosta de calecuna cosa, nau fintzes in su sensu de consumare meda unu trastu tanti chi si segat 2. portat sa bistimenta totu spapagallada (F.Frau)◊ po marrai e fai cosa bruta mi pongu cussa camisa spapagallada.
spapài , vrb Definition
bogare su granu o papu de sa tega de is laores chi ndhe faent, bogare su chiu o papu de su corgiolu de àteru frutu
Synonyms e antonyms
irgranare,
irranare,
ischiare
Sentences
si spapat fà, fasolu, pisurci ◊ si spapat sa méndula
2.
apu comprau sa méndula giai spapada po fai is drucis
Etymon
srd.
Translations
French
écosser
English
to shell
Spanish
desenvainar
Italian
sgusciare
German
enthülsen.
spapài 1 , vrb Definition consumare, coment'e papare, finire Synonyms e antonyms arròere, conciumire, manicare, papae Sentences s'ària e s'àcua spapant is perdas Etymon srd.
spaparotài , vrb: isbarabotare*,
spaperotai Definition
foedhare meda e chentza abbisóngiu, abbarrare a chistionu, foedhare a tzérrios, a boghes
Synonyms e antonyms
argiolae,
arrallai,
ciaciarrai,
ciaramedhare,
paraletare,
trepedhare
Sentences
e cantu spaparotat, tzia Giuanna, spinnichendi is pannus a sa genti: língua maladita! ◊ cun gopai potacàriu, ita totu eis spaparotau? ◊ is féminas iant spaperotau totu, pani pani binu binu (F.Pilloni)
Translations
French
jaser
English
to yak
Spanish
estar de cháchara
Italian
cianciare
German
schwätzen.
spapàu , pps, agt Definition de spapai 1 Synonyms e antonyms consumidu, papau 2. su coru nostu spapau in is perdas abéliat s'erba abbruxada de is pasturas.
spaperài , vrb Definition girare impresse is pàginas de unu libbru o àteru deasi chentza lígere, giaendho un'abbaidada a sa lestra Synonyms e antonyms irfozolare, iscartafogliai.
spaperotài spaparotài
spaporài , vrb: ispaporare*, svaporai Definition essire che a su papore, pèrdere o fàere essire vapore o fintzes calore e fogu, pigare ària Synonyms e antonyms ibentiare, ispaporedhare, ispaporicare Sentences su forru sentza de tupai si spaporat.
sparàda , nf: isparada* Definition su sparai, essia de arma de fogu; foedhandho de animales chi si ponent a cúrrere, tzucada; foedhandho de su chi si portat in conca, idea, intentzione chi si narat (o chi si bolet nàrrere) Synonyms e antonyms isparu / tucada / idea 3. ita sparada portas?
sparadòri , nm: isparadore* Definition chie isparat; cane de fosile, parte de un'arma chi si tirat cun su pódhighe e faet iscúdere su martedhu a sa càrriga; genia de fosiledhu, cannedhu de samucu imboidau po isparare ballas de ortigu Synonyms e antonyms grillete / ischirtzarolu 2. su sparadori fait andai de puntu sa scupeta 3. cun linna de sambucu si fait su sparadori.
sparadràpa, sparadràpu , nm, nf Definition
tira de cosa apicigosa a un'ala; a logos dhu narant fintzes a su paperi de frobbire in su cómudu candho si faet de su corpus
Synonyms e antonyms
achillo,
cerotu,
dafetanu,
liga,
tzirone
Sentences
sa busta ciai dh'asséliu dèu cun d-un'unconi de sparadrapa ◊ cussu temperinu dhu portau segandu su sparadrapa ◊ pongiadidhi àcua e sabi, nabredha e sparadrapa!
Etymon
spn esparadrapo?
Translations
French
sparadrap
English
sellotape
Spanish
celo,
cinta adhesiva
Italian
nastro adesivo
German
Klebestreifen.
sparadróxu , nm: isparadorzu* Definition su tretu de ue tzucant a cúrrere is cuadhos Sentences bai assentada, ca parris unu cuadhu in su sparadroxu!
sparafiài , vrb Definition nau de dinare, essire de manos cun facilidade, ispèndhere chentza ischire mancu in ite Synonyms e antonyms ispeldisciare Sentences gei as coitau a sparafiai s'istipéndiu! ◊ cussa cosa dh'apu sparafiada e no isciu mancu aundi est!
sparafundài , vrb: isperevundai*,
sparavundai,
sperefundai,
sperevundai Definition
betare o calare a s'isprefundhu, fuliare atesu; fintzes essire, andhare de no si bíere prus, atesu, a logu chi no s'ischit
Synonyms e antonyms
apussiare
Sentences
po sa timoria de sa scumíniga, s'allochiamentu nci dhus sparafundat in su disisperu ◊ tocat a nci sparavundai sa genti mala! ◊ anchi dhu sperevundit sa giustítzia! ◊ tremila passus sperevundau siat su tiau fora de mei! ◊ sperefundau siat in su mari sentz'e fundu!
Translations
French
engouffrer,
sombrer
English
to sink
Spanish
arrojar,
hundir
Italian
sprofondare,
inabissare
German
in die Tiefe stürzen,
versenken,
versinken.