A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

spantàu , pps, agt: ispantadu Definitzione de spantai Sinònimos e contràrios ammeravizadu / atrudiu, trassidu.

spantósigu , agt Definitzione nau de ccn., chi luego si perdet de ànimu, perdet su coràgiu Ètimu srd.

spantósu , agt: ispantosu* Definitzione chi faet ispantu, meravíglia; chi faet a tímere Sinònimos e contràrios meravizosu, stravanau / arrorosu, isprammosu Tradutziones Frantzesu magnifique Ingresu senastional, wonderful Ispagnolu asombroso Italianu sensazionale, stupèndo Tedescu sensationell, wunderbar.

spàntu , nm: ispantu* Definitzione su abbarrare agiummai chentza crèdere biendho cosa chi no si pentzaiat o no s'ibertaiat; cosa chi po sa bellesa, mannària o àteru de istraordinàriu faet ispantare, meravigliare o fintzes a tímere Sinònimos e contràrios abbengu, amostu, maravíglia / atréminu Frases mi at contau is contus… spantus! ◊ in notis de lugori no m'istrobbeis, ca seu totu allutau mirendi su spantu de su Creau! 2. ita spantu, issa, a s'intendi batallendi!… Sambenados e Provèrbios prb: non creit a su santu bàsciu chi non bit su spantu.

spantúmu , nm Definitzione logu chi no faet a passare Sinònimos e contràrios ispéntimu*, ispérruma, scabiossu, úbridu.

spànu , agt: ispanu* Definitzione nau prus che àteru de su colore de su pilu de unos cantu animales mannos (boe, cuadhu), chi est coment'e orrúbiu, unu pagu grogo Sambenados e Provèrbios smb: Spanu.

spapagallài , vrb Definitzione arrasigare sa crosta de calecuna cosa, nau fintzes in su sensu de consumare meda unu trastu tanti chi si segat 2. portat sa bistimenta totu spapagallada (F.Frau)◊ po marrai e fai cosa bruta mi pongu cussa camisa spapagallada.

spapài , vrb Definitzione bogare su granu o papu de sa tega de is laores chi ndhe faent, bogare su chiu o papu de su corgiolu de àteru frutu Sinònimos e contràrios irgranare, irranare, ischiare Frases si spapat fà, fasolu, pisurci ◊ si spapat sa méndula 2. apu comprau sa méndula giai spapada po fai is drucis Ètimu srd. Tradutziones Frantzesu écosser Ingresu to shell Ispagnolu desenvainar Italianu sgusciare Tedescu enthülsen.

spapài 1 , vrb Definitzione consumare, coment'e papare, finire Sinònimos e contràrios arròere, conciumire, manicare, papae Frases s'ària e s'àcua spapant is perdas Ètimu srd.

spaparotài , vrb: isbarabotare*, spaperotai Definitzione foedhare meda e chentza abbisóngiu, abbarrare a chistionu, foedhare a tzérrios, a boghes Sinònimos e contràrios argiolae, arrallai, ciaciarrai, ciaramedhare, paraletare, trepedhare Frases e cantu spaparotat, tzia Giuanna, spinnichendi is pannus a sa genti: língua maladita! ◊ cun gopai potacàriu, ita totu eis spaparotau? ◊ is féminas iant spaperotau totu, pani pani binu binu (F.Pilloni) Tradutziones Frantzesu jaser Ingresu to yak Ispagnolu estar de cháchara Italianu cianciare Tedescu schwätzen.

spapàu , pps, agt Definitzione de spapai 1 Sinònimos e contràrios consumidu, papau 2. su coru nostu spapau in is perdas abéliat s'erba abbruxada de is pasturas.

spaperài , vrb Definitzione girare impresse is pàginas de unu libbru o àteru deasi chentza lígere, giaendho un'abbaidada a sa lestra Sinònimos e contràrios irfozolare, iscartafogliai.

spaperotài spaparotài

spaporài , vrb: ispaporare*, svaporai Definitzione essire che a su papore, pèrdere o fàere essire vapore o fintzes calore e fogu, pigare ària Sinònimos e contràrios ibentiare, ispaporedhare, ispaporicare Frases su forru sentza de tupai si spaporat.

sparàda , nf: isparada* Definitzione su sparai, essia de arma de fogu; foedhandho de animales chi si ponent a cúrrere, tzucada; foedhandho de su chi si portat in conca, idea, intentzione chi si narat (o chi si bolet nàrrere) Sinònimos e contràrios isparu / tucada / idea 3. ita sparada portas?

sparadòri , nm: isparadore* Definitzione chie isparat; cane de fosile, parte de un'arma chi si tirat cun su pódhighe e faet iscúdere su martedhu a sa càrriga; genia de fosiledhu, cannedhu de samucu imboidau po isparare ballas de ortigu Sinònimos e contràrios grillete / ischirtzarolu 2. su sparadori fait andai de puntu sa scupeta 3. cun linna de sambucu si fait su sparadori.

sparadràpa, sparadràpu , nm, nf Definitzione tira de cosa apicigosa a un'ala; a logos dhu narant fintzes a su paperi de frobbire in su cómudu candho si faet de su corpus Sinònimos e contràrios achillo, cerotu, dafetanu, liga, tzirone Frases sa busta ciai dh'asséliu dèu cun d-un'unconi de sparadrapa ◊ cussu temperinu dhu portau segandu su sparadrapa ◊ pongiadidhi àcua e sabi, nabredha e sparadrapa! Ètimu spn esparadrapo? Tradutziones Frantzesu sparadrap Ingresu sellotape Ispagnolu celo, cinta adhesiva Italianu nastro adesivo Tedescu Klebestreifen.

sparadróxu , nm: isparadorzu* Definitzione su tretu de ue tzucant a cúrrere is cuadhos Frases bai assentada, ca parris unu cuadhu in su sparadroxu!

sparafiài , vrb Definitzione nau de dinare, essire de manos cun facilidade, ispèndhere chentza ischire mancu in ite Sinònimos e contràrios ispeldisciare Frases gei as coitau a sparafiai s'istipéndiu! ◊ cussa cosa dh'apu sparafiada e no isciu mancu aundi est!

sparafundài , vrb: isperevundai*, sparavundai, sperefundai, sperevundai Definitzione betare o calare a s'isprefundhu, fuliare atesu; fintzes essire, andhare de no si bíere prus, atesu, a logu chi no s'ischit Sinònimos e contràrios apussiare Frases po sa timoria de sa scumíniga, s'allochiamentu nci dhus sparafundat in su disisperu ◊ tocat a nci sparavundai sa genti mala! ◊ anchi dhu sperevundit sa giustítzia! ◊ tremila passus sperevundau siat su tiau fora de mei! ◊ sperefundau siat in su mari sentz'e fundu! Tradutziones Frantzesu engouffrer, sombrer Ingresu to sink Ispagnolu arrojar, hundir Italianu sprofondare, inabissare Tedescu in die Tiefe stürzen, versenken, versinken.