A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tzurlíu , nm: ciurliu Definition pudha areste, una genia de pigione chi in Sardigna abbitat e faet sa cria puru Synonyms e antonyms pudhamédia, pudhighinu 1, tiriolu Etymon srd.

tzúrma , nf: ciurma, sciumma*, tzúruma Definition nau mescamente de gente, una chedha manna, una truma Synonyms e antonyms apubulada, zentória.

tzurpài , vrb Definition leare sa vista, fàere bènnere mancu sa capacidade de bíere e abbaidare Synonyms e antonyms atzecare, incegai, inciurpai*, inturpire, intzeghire Sentences si fit tzurpau a duus annus ◊ est un'allupori chi dh'iscórriat is prummonis e dhu tzurpat ◊ dinai ndi tengu po ti tzurpai puru!

tzurpedàde, tzurpedàdi , nf: tzurpidadi Definition su èssere tzurpos, pecu mannu a sa vista de no bíere: in cobertantza, farta manna de cumprendhóniu, su no bíere o no cumprèndhere sa beridade, su bene, su giustu Synonyms e antonyms surpímini, tzeghedadi, tzeghesa, tzegúmene, tzurpia 2. ita tzurpidadi est istétia sa mia!… Etymon srd. Translations French cécité English blindness Spanish ceguera Italian cecità German Blindheit.

tzurpéri , nm Definition unu chi est coment'e tzurpu ma po sa pagu atentzione, ca no càstiat bene e no biet sa cosa chi est cricandho mancu si dha portat ananti Synonyms e antonyms lampanosu, làmpinu Etymon srd.

tzurpèsa , nf Synonyms e antonyms tzurpedade Etymon srd.

tzurpía , nf Definition su èssere tzurpos Synonyms e antonyms surpímini, tzeghedadi, tzeghesa, tzegúmene tzurpedadi Sentences po sa tzurpia issoro rughent de sicuru!

tzurpidàdi tzurpedàdi

tzurpímene, tzurpímini , nm: surpímini Synonyms e antonyms tzeghidúdine, tzegúmene, tzurpia.

tzurpínu , agt Definition de tzurpos / a sa tzurpina = che is tzurpos, chentza critériu craru 2. sunt zirandhe a sa tzurpina e no si agatant s'unu cun s'àteru.

tzúrpu tzúlpu

tzúrra , nf: ciurra, giurra Definition brebè bècia o malandhada Synonyms e antonyms bodha, busale, tzica 1 Etymon srdn.

tzúrra 1 , nf Definition sa trota candho est pitica / min. tzurrita Synonyms e antonyms trotischedhu Etymon srdn.

tzurràda , nf Definition iscrabigada de late, su late comente essit a tzurru istringhendho a forte sa tita de un'animale Sentences carchi tzurrada de late a terra no mancat Etymon srd.

tzurrài, tzurràre , vrb: ciurrai, tzurruare Definition essire a fortza, fàere a tzurru (nau de abba, sàmbene e cosas deasi); tzurrare si narat po ingurtire o bufare a intullu Synonyms e antonyms benai, brotai, irrusciare, spiciurrai Etymon srd. Translations French jaillir English to squirt Spanish chorrear, surtir Italian sprizzare German spritzen.

tzurrète , nm Definition bentre armà, su sàmbene de sa brebè, de s'angione (fintzes de sa craba) cotu in sa bentre de s'animale etotu: su sàmbene chi essit a búdhidu (tzurru) de s'animale iscannau s'ingollet faendhodhu a morigadura forte (pilisadura) po no si cagiare e apustis si cundhit e si ponet a còere a budhiu Synonyms e antonyms sambenedhu Sentences sos ómines aiant comintzau a irgannare anzones e berbeches, a fàchere cordas e tzurretes Scientific Terminology mng Etymon srd. Translations French boudin English blood sausage Spanish morcilla Italian sanguinàccio German Blutwurst.

tzurricàda , nf Definition su tzurricare Synonyms e antonyms afracada, assuprida Etymon srd.

tzurricàre, tzurrigàre , vrb rfl Definition atacare cun fortza contras a ccn. po dh'iscúdere, cracare, mossigare, atumbare, incorrare o fàere àteru de male Synonyms e antonyms afarcai, assuprire, atzurrire, azachinare, crazugai, lòmpere, trubare Sentences si li sunt tzurricaos sos canes ◊ nos che cherent picare a in cue pro si nos tzurrigare ◊ lis ant tzurrigau gherra e los ant fatos prejoneris ◊ cussu vos si tzúrrigat a mossas a conca! Etymon srd.

tzurríta, tzurrítu , nf, nm Definition min. de tzurra 1, sa trota pitichedha Synonyms e antonyms groli, odhiolu, seju 1, sodhiscu, trotischedha Translations French alevin de la truite English alevin Spanish alevín de la trucha Italian avannòtto della tròta German Forellefischbrut.

tzúrriu, tzúrru , nm: ciurru*, turru Definition búdhidu de abba, abba chi essit a búdhidu, chi si ndhe pesat in artu; abba currendho a cora chi orruet de logu artu; genia de logu a canale úmidu; fintzes mància, genia de marcu (de imbrutadura); a logos dhu narant fintzes po disígiu mannu mescamente de fémina, po lusca / min. tzirriolu 1, tziritu, tzurritu Synonyms e antonyms isciúscidu, spiciurru / ampuadura, lusca, sua 1 Sentences si est postu a pròere a tzurru ◊ tzurros de abba in pedras allisciadas ispantant brinchitendhe sa leada (C.Meridda)◊ su tzurredhu de s'abba diventat poju ◊ unu de sos ossos in su bratzu truncau aiat pertuntu sa purpa e paris chin d-unu tziritu de sàmbene essiat a foras de sa pedhe ◊ si fritiant a bruncu a su tzurritu po bufare 4. cussu mandrillu pessat solu a su tzurru! Surnames and Proverbs smb: Zurru.