A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tzulumbrína , nf Definition tzurumbecada, isconchiada, móvia a cropu de sa conca orruendho de su sonnu Synonyms e antonyms ingratziada, tzilibbeca.

tzuluncòne, tzulungròne , nm: turruncrone, tzuruncrone Definition bobboi, greme longu e grussu chi faet asuta de terra Synonyms e antonyms atalingone, atulíngia, sitziringoni, tilingione, tzilingu, tzirinoni Sentences isse colaiat serente serente sos muros illatatos a carchina che tzulungrone in note de néula (M.Dui) Scientific Terminology crp, hormogaster redii, h. pretiosa, allolobophora rosea, a. caliginosa Etymon srdn. Translations French lombric English rain-worm Spanish lombriz Italian lombrico German Regenwurm.

tzúmba , nf: zumba Definition tretu prus artu, chi essit, pesadu a giúmburu, tretu de sa carena cucurúciu, in mesu de palas, a gobba Synonyms e antonyms brunchioni, crocòngia, giumbu, gobba, rumba, tzumbu, tzúmburu, tzurumba | ctr. intradura Sentences pro l'aparisare, custu muru, bi cheret intúnigu meda ca est totu tzumbas ◊ che est addasegus, a cudha bia de sa tzumba de su mundhu ◊ cussu ca triballat sa terra zughet una tzumba in s'ischina Etymon ltn. *gimbus Translations French bosse, saillie English hunch, protuberance Spanish joroba, saliente Italian gòbba, sporgènza, catòrzolo German Buckel, Auswuchs.

tzúmba 1 , nf Synonyms e antonyms antua, surra Sentences sa tzumba chi ti giadeus… ti ndi as arregordai!

tzumbabbèca , nf Definition tzumba, beca!: giogu chi si faet cun is piciochedhos, a s'ispínghere cun sa conca s'unu cun s'àteru, a bisura de crabas chi atumbant (ma chentza iscúdere).

tzumbàda , nf: atumbada*, tumbada, tzumbata Definition su cropu de conca chi si giaent is mascos (de brebès) gherrandho Synonyms e antonyms atróculu, crabitinu, intzumbada, isconcada Sentences sos mascros sunt totaganta die a tzumbadas ◊ s'erbeghe li fit posta ifatu a tzumbadas, a su grodhe, fintzas chi li at fatu lassare s'anzone Translations French coup de cornes English butt Spanish cornada Italian còzzo German Stoß.

tzumbài, tzumbàre , vrb: atumbai*, tumbai Definition acropare, pistare; fintzes lassare orrúere sa conca a cropu drommindhosi / tzumbare a sa zanna = tochedhare (pedindho de intrare) Synonyms e antonyms abbruncai, addumare, atricuai, intumbare, tumbulare / dubbussare Sentences sos mascros sunt tzumbendhe ◊ sas crabas tzumbant, sas berbeghes prus pagu 2. cudhu comintzeit a cascos e a tzumbare sonnidu

tzumbàre 1 , vrb Definition fàere una genia de moidedha, de sonu Synonyms e antonyms intzumbare 1, zumiai Etymon srd.

tzumbarínu , nm: tumbarinu* Definition aina po sonare; genia de faciola de carrasegare, coment’e mamutzone, ma nau de ccn. fintzes in su sensu de bentrudu, mataudhone 2. ti picant che tzumbarinu.

tzumbarólu , nm Synonyms e antonyms fragnóculu / mustagione Etymon srd.

tzumbàrru , nm Synonyms e antonyms tamburinu, tamburru, túmbaru*.

tzumbàta tzumbàda

tzumbecàre , vrb Definition lassare incrubare sa conca a cropu, candho unu tenet sonnu, ciciu Synonyms e antonyms sconchiai, tzilibbecare, tzurumbecare Etymon srd.

tzumbóina tzimbóina

tzumbòne , nm: ciumbone* Definition ispétzia de giúmburu buidu de mata, coment’e una gobba manna Sentences bi faghiant su fogu e s'abbitu intro de su tzumbone chentenàriu.

tzumbóriu tzimbóriu

tzumbósu , agt: zumbosu Definition chi est a tzumbas, totu giúmburos Synonyms e antonyms abbajonadu, aggobbedhau, bàdulu, corcobau, garropu, giumburudu, rumbosu, tumburutu Sentences sos pòveros fravicavant sas domos totu tzumbosas, a preda e ludu ◊ tiu Bachis est betzu, dortu e tzumbosu paret una nae de chercu Etymon srd. Translations French gibbeux English humped Spanish giboso, jorobado Italian gibbóso German buckelig.

tzúmbu , nm: giumbu, tzúmburu Definition tretu de cosa chi essit (es. de muru); sa carre comente si ndhe supesat ufrada candho at pigau cropu, mescamente in conca / ammodhiai su tzúmburu = calmaisí, ammasedai, tenni passiéntzia Synonyms e antonyms gobba, itzúmburu, rumba, tzumba*, tzurumba / ciumbone, tzulumbone Sentences custu muru fait tzúmburu ◊ sos caminos de como sunt paris che tàulas de taedhas, chena tzumbos ne tofos ◊ cust'ómini portat unu tzúmburu in palas Translations French gibbosité, proéminence English hump, prominence Spanish saliente, chichón Italian gibbo, prominènza German Buckel, Vorspringen.

tzumbúdu , agt Synonyms e antonyms aggatadu, tzumbosu, tzumburudu Etymon srd.

tzumburàu , agt Definition chi est totu a tzurumbones, totu prenu de giúmburos, pistau a tretos Synonyms e antonyms aggatadu, tzumburudu Etymon srd.