A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tzurlíu , nm: ciurliu Definizione pudha areste, una genia de pigione chi in Sardigna abbitat e faet sa cria puru Sinonimi e contrari pudhamédia, pudhighinu 1, tiriolu Etimo srd.

tzúrma , nf: ciurma, sciumma*, tzúruma Definizione nau mescamente de gente, una chedha manna, una truma Sinonimi e contrari apubulada, zentória.

tzurpài , vrb Definizione leare sa vista, fàere bènnere mancu sa capacidade de bíere e abbaidare Sinonimi e contrari atzecare, incegai, inciurpai*, inturpire, intzeghire Frasi si fit tzurpau a duus annus ◊ est un'allupori chi dh'iscórriat is prummonis e dhu tzurpat ◊ dinai ndi tengu po ti tzurpai puru!

tzurpedàde, tzurpedàdi , nf: tzurpidadi Definizione su èssere tzurpos, pecu mannu a sa vista de no bíere: in cobertantza, farta manna de cumprendhóniu, su no bíere o no cumprèndhere sa beridade, su bene, su giustu Sinonimi e contrari surpímini, tzeghedadi, tzeghesa, tzegúmene, tzurpia 2. ita tzurpidadi est istétia sa mia!… Etimo srd. Traduzioni Francese cécité Inglese blindness Spagnolo ceguera Italiano cecità Tedesco Blindheit.

tzurpéri , nm Definizione unu chi est coment'e tzurpu ma po sa pagu atentzione, ca no càstiat bene e no biet sa cosa chi est cricandho mancu si dha portat ananti Sinonimi e contrari lampanosu, làmpinu Etimo srd.

tzurpèsa , nf Sinonimi e contrari tzurpedade Etimo srd.

tzurpía , nf Definizione su èssere tzurpos Sinonimi e contrari surpímini, tzeghedadi, tzeghesa, tzegúmene tzurpedadi Frasi po sa tzurpia issoro rughent de sicuru!

tzurpidàdi tzurpedàdi

tzurpímene, tzurpímini , nm: surpímini Sinonimi e contrari tzeghidúdine, tzegúmene, tzurpia.

tzurpínu , agt Definizione de tzurpos / a sa tzurpina = che is tzurpos, chentza critériu craru 2. sunt zirandhe a sa tzurpina e no si agatant s'unu cun s'àteru.

tzúrpu tzúlpu

tzúrra , nf: ciurra, giurra Definizione brebè bècia o malandhada Sinonimi e contrari bodha, busale, tzica 1 Etimo srdn.

tzúrra 1 , nf Definizione sa trota candho est pitica / min. tzurrita Sinonimi e contrari trotischedhu Etimo srdn.

tzurràda , nf Definizione iscrabigada de late, su late comente essit a tzurru istringhendho a forte sa tita de un'animale Frasi carchi tzurrada de late a terra no mancat Etimo srd.

tzurrài, tzurràre , vrb: ciurrai, tzurruare Definizione essire a fortza, fàere a tzurru (nau de abba, sàmbene e cosas deasi); tzurrare si narat po ingurtire o bufare a intullu Sinonimi e contrari benai, brotai, irrusciare, spiciurrai Etimo srd. Traduzioni Francese jaillir Inglese to squirt Spagnolo chorrear, surtir Italiano sprizzare Tedesco spritzen.

tzurrète , nm Definizione bentre armà, su sàmbene de sa brebè, de s'angione (fintzes de sa craba) cotu in sa bentre de s'animale etotu: su sàmbene chi essit a búdhidu (tzurru) de s'animale iscannau s'ingollet faendhodhu a morigadura forte (pilisadura) po no si cagiare e apustis si cundhit e si ponet a còere a budhiu Sinonimi e contrari sambenedhu Frasi sos ómines aiant comintzau a irgannare anzones e berbeches, a fàchere cordas e tzurretes Terminologia scientifica mng Etimo srd. Traduzioni Francese boudin Inglese blood sausage Spagnolo morcilla Italiano sanguinàccio Tedesco Blutwurst.

tzurricàda , nf Definizione su tzurricare Sinonimi e contrari afracada, assuprida Etimo srd.

tzurricàre, tzurrigàre , vrb rfl Definizione atacare cun fortza contras a ccn. po dh'iscúdere, cracare, mossigare, atumbare, incorrare o fàere àteru de male Sinonimi e contrari afarcai, assuprire, atzurrire, azachinare, crazugai, lòmpere, trubare Frasi si li sunt tzurricaos sos canes ◊ nos che cherent picare a in cue pro si nos tzurrigare ◊ lis ant tzurrigau gherra e los ant fatos prejoneris ◊ cussu vos si tzúrrigat a mossas a conca! Etimo srd.

tzurríta, tzurrítu , nf, nm Definizione min. de tzurra 1, sa trota pitichedha Sinonimi e contrari groli, odhiolu, seju 1, sodhiscu, trotischedha Traduzioni Francese alevin de la truite Inglese alevin Spagnolo alevín de la trucha Italiano avannòtto della tròta Tedesco Forellefischbrut.

tzúrriu, tzúrru , nm: ciurru*, turru Definizione búdhidu de abba, abba chi essit a búdhidu, chi si ndhe pesat in artu; abba currendho a cora chi orruet de logu artu; genia de logu a canale úmidu; fintzes mància, genia de marcu (de imbrutadura); a logos dhu narant fintzes po disígiu mannu mescamente de fémina, po lusca / min. tzirriolu 1, tziritu, tzurritu Sinonimi e contrari isciúscidu, spiciurru / ampuadura, lusca, sua 1 Frasi si est postu a pròere a tzurru ◊ tzurros de abba in pedras allisciadas ispantant brinchitendhe sa leada (C.Meridda)◊ su tzurredhu de s'abba diventat poju ◊ unu de sos ossos in su bratzu truncau aiat pertuntu sa purpa e paris chin d-unu tziritu de sàmbene essiat a foras de sa pedhe ◊ si fritiant a bruncu a su tzurritu po bufare 4. cussu mandrillu pessat solu a su tzurru! Cognomi e Proverbi smb: Zurru.