tzumburisòne , nm: tzumburusone Definizione sa carre comente si ndhe artzat ufrada candho at pigau cropu, mescamente in conca Sinonimi e contrari abbugnadura, ammaciugadura, buglione, bumburusone, burrugnone, ciumbone, tzulumbone Frasi apo iscadriadu, fertu sa conca e zuto unu bellu tzumburisone! Etimo srd.
tzumburrutòne , nm Definizione giúmburu, burrutone, sa carre comente si ndhe supesat ufrada candho at pigau cropu, mescamente in conca Sinonimi e contrari abbugnadura, ammaciugadura, buglione, bumburusone, burrugnone, ciumbone, tzulumbone Etimo srd.
tzúmburu tzúmbu
tzumburúdu, tzumburúru , agt: ciumburudu,
giumburudu,
tumburutu,
tzumburutu Definizione
chi est totu a giúmburos, gobbosu
Sinonimi e contrari
tzumbudu,
tzumburau
/
gobbudu
Frasi
su tzumbururu nachi portat fortuna!…◊ scerau, est tzopu, pòburu e tzumburudu puru! ◊ cumparit una fémina bècia, totu frungia, trota e tzumburuda ◊ est a mucadori a frontedha, sciancada, tzumburuda e bisoga ◊ est tzumburudu che a su melone
Etimo
srd.
Traduzioni
Francese
boussu,
voûté
Inglese
hunch-backed,
bent
Spagnolo
giboso,
irregular
Italiano
gobbóso,
ingobbito
Tedesco
buckelig.
tzumburusòne tzumburisòne
tzumburútu tzumburúdu
tzumbusòni , nm Sinonimi e contrari tzumburisone Frasi su cropu de su fusti, balla, dh'apu inténdiu: portu fintzas su tzumbusoni! Etimo srd.
tzumíre , vrb Definizione bufare a meda Sinonimi e contrari abbumbare, aciumai, inciumire*, trincai Frasi su dannu no fit istau mannu si si fit tzumiu petzi binu bonu.
tzumpédhu tzimpédhu
tzumpína tzimpína
tzúmpulu , nm Definizione orrugu de truncu coment'e iscannu, po cicire Sinonimi e contrari tzimpedhu, trumpedhu Etimo srd.
tzúnca tzònca
tzuncédhu , nm Definizione civraxedhu, genia de pódhine chi si ndhe sèberat e bogat de sa símbua (o chiu) Sinonimi e contrari agrummadura.
tzunchiài, tzunchiàre , vrb: atzunchiai, ciunchiare, tunchiare*, tunciare, tzuntzare Definizione istare a tzúnchios mescamente po dolores o maladia, ma fintzes po gosu; su si chesciare, istare a lamentu po calecuna cosa chi no andhat comente si iat a bòllere, nàrrere calecuna cosa de una chistione; su abboghinare de su cane ca dh'ant atripau o àteru Sinonimi e contrari agemenai, chesciai, ciunchiare, intzunchiai, nitzulare Frasi scerada, cudha fémina fut a totu noti tzúnchia tzúnchia in s'ispidali! ◊ sa pitzinna iscancat a tzuntzare e a prànghere a sucutu ◊ s'intennet unu pegus tzunchianno: cussu est agnanno! 2. mih chi tzúnchies de custu chi aus nau cun babbu tuu, ca mi faet burdellu! 3. su cani tzúnchiat po dolori o po allegria.
tzúnchiru, tzúnchiu , nm: túnchiu* Definizione genia de lamentu chi si faet bogandho sa boghe chentza nàrrere nudha de precisu Sinonimi e contrari ciúnchiu, ghémida, intzúnchidu, píliu, tzúntziu, tzurrúnchiu.
tzunconài tzuconài
tzunculàre tzucuràre
tzuncullítu tzucuràre
tzunfiài , vrb Definizione coment'e isunfiare, èssere a súlidas Frasi is parentis de su mortu funt annugiaus: a chini tzunfiendu, a chini pibinchendu, a chini a ispíscidus (G.Desogus).