A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tzuedhía tziodhía

tzuédhu, tzuéllu tzoédhu

tzufebbécu , agt Definizione nau de ccn., chi est o istat totu iscrabionau, cun is pilos betaos apare, chentza de petenare Sinonimi e contrari ispilusadu, tzufudu.

tzufitzúfi , avb Definizione caminare tz. = a conca bàscia, immarriu.

tzúfiu , nm Definizione s'àlidu, fintzes candho est peleosu, coment'e sorrogu Sinonimi e contrari isúfiu, súbidu, sulu Frasi s'intendit su tzúfiu de unu cani morendisia Etimo itl. soffio.

tzúfu , nm: ciufu* Definizione chirrionedhu de pilos (ma comente abbarrat separau in conca, mescamente chentza petenare), pubusone de lana, de erba / tz. ’e beca = conca de craba, nau de fémina, de picioca chi no si pètenat o fintzes a disprétziu Sinonimi e contrari cherrione, cirru, cucuredhu, pubusa, pubusone 1, tipisone Frasi tzufu ’e beca, no ti podes ispizare, no?! ◊ chin cussu apo gherrau a manu a tzufu 2. in sa vintza no bi at mancu unu tzufu de erva: est totu bene miramentatu ◊ chissae chi sos veranos no addurchent s'isperdíssiu de custos istradones cun tzufos de armulata e de tandha.

tzufúdu , agt Definizione chi est a tzufu longu, iscrabionau, cun is pilos chentza petenaos Sinonimi e contrari tzufebbecu Etimo srd.

tzufulàriu , agt Definizione nau de ccn., chi est a tzufu longu, iscrabionau Sinonimi e contrari tzufebbecu Etimo srd.

tzúga , nf Definizione genia de bobboi pitichedhu (de tantas calidades), ifadosu, cun is alas, bàtoro francutzedhas a parte de asegus, duas ananti: faet in logu de abbas firmas, punghet po suspire su sàmbene e podet fintzes (s'arratza anopheles) pònnere s'infetu de sa malària o (a logos) de àteras maladias; sa puntura faet a iscrafíngiu / famiu che sa tzuga = famidu meda Sinonimi e contrari sínciu, síntziri 1 Frasi s'ària est impestada de tzugas chi produint frebba ◊ chi dh'ispítzulat púlighe o tzuga, tàndhoro cumènciat a iscadràngios, iscrafèndhoro ◊ est a papíngiu po sa tzuga e su muschitu ◊ si est fatu pitiu che una musca, antzis, che una tzuga Terminologia scientifica crp Etimo srd.

tzugàda , nf: sugada Definizione cropu giau cun sa manu a su tzugu Sinonimi e contrari ibbatulada, iscabbessu, iscabessada Frasi no si podint pentzai totu is imprassadas, tzugadedhas, is ispítzulus mancai de fradis, chi Opinedhu iat arriciu in cussa cumboja de atoris Etimo srd. Traduzioni Francese claque Inglese slap Spagnolo pescozón Italiano scappellòtto Tedesco Kopfnuß.

tzugàle , nm Definizione sa mola de su tzugu, sa petza de su tzugu de su pegus pangau Terminologia scientifica crn.

tzugàna , nf Definizione collu de camisa, in su costúmene de s'ómine Sinonimi e contrari tzugaredhu.

tzugarédhu , nm Definizione collu de camisa Sinonimi e contrari tzughera, tzughitu.

tzughèra , nf Definizione in sa camisa de su costúmene de s'ómine, su collu imbidonau, artu meda Sinonimi e contrari tzugaredhu, tzughitu Etimo srd.

tzughítu , nm: tzuglitu Definizione collu de camisa Sinonimi e contrari bàbaru, tzugaredhu, tzughera Frasi camisa sentz'e tzughitu Etimo srd. Traduzioni Francese col Inglese collar Spagnolo cuello Italiano bàvero Tedesco Kragen.

tzughixédhu , nm Definizione tzugu piticu.

tzuglítu tzughítu

tzúgliu tzúciu

tzugnài , vrb Definizione zumiare comente faet sa bardúfola ballandho Sinonimi e contrari drinnire, dummidare, zumiai.

tzugnédhu , nm Definizione lua burda o luedha, una calidade de lua chi faet pitica, genia de erba linnosa chi bogat unu latighedhu toscosu Sinonimi e contrari latóricu, luixedha / cdh. rutzedhu Terminologia scientifica rbl, Euphorbia helioscopia Traduzioni Francese petite éclaire Inglese sun spurge, wart grass Spagnolo lechetrezna girasol Italiano calenzuòla Tedesco Sonnenwolfsmilch