A | B | C | D | E | F | G | H | I | J | L | M | N | O | P | R | S | T | TZ | U | V | X | Z

avrinchiài , vrb Definizione camminare a tzopu, àere pecu a s'andhata Sinonimi e contrari assopiai Traduzioni Francese clocher Inglese to limp Spagnolo cojear Italiano claudicare Tedesco hinken.

avrincósu , agt Definizione chi faet avrincai, chi ponet avrincu in is chistiones Frasi fuedhit craru, gopai, ca cussus nòminis avrincosus mi praxint pagu! ◊ is fuedhus avrincosus ferint e pítziant, ma a bortas faint prangi a chini dhus ghetat! ◊ ita bollint nai cussus fuedhus avrincosus? Etimo srd.

avríncu , nm: avrínculu Definizione cosa chi si narat coment'e betandhodha a curpa de s’àteru, coment’e criticandho, ponendho ancu, dúbbiu / avrincus de… = a bortas chi…, po ndi bogai sa scusi Sinonimi e contrari abbertimentu / abbogu, arrevincu Frasi cabbali ndi tengat o no, dèu a génuru no dh'ollu e s'avrincu no dhu sciollu sentza de perunu arreselu! ◊ no nci pongat malu avrincu che unu disonori mannu! ◊ biu ca fais avrincu, ca su sensu de su chi naras no est su prus oportunu! ◊ iant postu calincunu avrincu, is duus gigantis, est sa beridadi: ma tui as cantau serenu! (Lai) 2. avrincus de ignoràntzia dhu torraus a manastai, sagundu sa costumàntzia, po ódrini de muntzannori (Scomúniga).

avrinculàu , agt Definizione chi est nau in cobertantza: es. nàrrere su númene a un'animale po dhu nàrrere a una persona.

avrínculu avríncu

avrinósu , agt Definizione chi faet avrina, faet a tímere Sinonimi e contrari arrorosu, iscaramentosu, istremorosu Frasi sa gherra est una cosa avrinosa Etimo srd.

àvrinu àbrinu

avrinzàda , nf Definizione genia de idea, de cosa chi si arregodat cun dificurtade, pagu / bènnere s'a. = fai un'acucada, bènnere carchi idea macota Sinonimi e contrari bijione Frasi no mi l'ammento bene: ndhe apo coment'e un'avrinzada 2. li est bénnida s'avrinzada Traduzioni Francese souvenir fugace Inglese fleeting memory Spagnolo recuerdo lejano Italiano pàllida idèa, ricòrdo sfuggévole Tedesco blasse Ahnung, flüchtige Erinnerung.

avrínzu avrígnu

avriòni , nm Definizione porcu fígiu de sirbone mascu ma de màdria maseda Etimo srd.

avriòre abriòre

avríu , nm Definizione cosa chi atrogat o chi si faet atrogare; fintzes timoria manna / míntere a. a ccn. = fai nàrriri sa beridadi Sinonimi e contrari acusa 2. mi costat dies de astrau e lentore e notes de insónnia e de avriu (G.Ruju)◊ in s'avriu de sa traschia (G.Orgolesu) Etimo srd.

avròre abriòre

avròre 1 albòre

avrósu abrósu

àvru , nm Definizione terrenu, terra, campu Sinonimi e contrari avrile.

avrúra abrúra

àvu àbu

avulàre , vrb Definizione fàere in favule, sedatzare sa cosa in su favule Frasi avulare su lavore Etimo srd.

àvure àlbere