A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

canegricída , nf Definizione mala nova o porchedhu de sant'Antoni, una genia de calagasu chi essit a denote, cun alas no tanti mannas ma cun su carenale grussu Sinonimi e contrari portanovas, spioni Terminologia scientifica crp.

canesecarèstes , nm Definizione cane seca restes, chi segat sas restes (una genia de fune): cane malu; nau de persona, chi no cumbinat nudha, chi no faet a si ndhe pònnere mere, mandrone e no ascurtat puru Sinonimi e contrari cariapedhes, iscampiabias, peldulàriu Etimo srd. Traduzioni Francese cabot, sale cabot Inglese cur Spagnolo perro malo Italiano cagnàccio Tedesco Köter.

canesía , nf Definizione is canes, chedha de canes Sinonimi e contrari cania, canília

canèstra , nf Definizione una genia de pane druche fatu cun sèmene de frenuganis Terminologia scientifica pne.

canestrèdha caistèdha

canète , nm Definizione chie tenet unu fàere che de cane, chie est malu Frasi cussu no est de cudhos canetes chi arruntzant sos teracos a furare.

canevérru , nm Definizione cane de ferru: latzu de ferru po cassare animales (es. margianes) Sinonimi e contrari altana, làciu Frasi tue, chi de tinnu ndhe as pagonzu, su pè che pones in su caneverru! Etimo srd.

cànfara , nf: cànfora, cànfura Definizione duas genias de matedu: impreada po marigosu s'una, po cura s'àtera (chi faet a mata e no est naturale in Sardigna) Sinonimi e contrari canfarau Terminologia scientifica rbc, Artemisia alba, Cinnamomum camphora Etimo itl. Traduzioni Francese camphre Inglese camphor Spagnolo alcanfor Italiano cànfora Tedesco Kampfer.

cànfara 1 , nf Sinonimi e contrari càmbara* 1, canfaredha.

canfaràu , nm Definizione genia de linna e sustàntzia impreada po cura a su coro Terminologia scientifica rbc, Cinnamomum camphora.

canfarèdha , nf Definizione min. de cànfara Sinonimi e contrari càmbara 1, cànfara 1 Terminologia scientifica crx, upm Traduzioni Francese crevette Inglese shrimp Spagnolo camarón, quisquilla, esquila Italiano gamberétto Tedesco Garnele.

cànfora cànfara

canforàdu , agt Traduzioni Francese camphré Inglese camphoric Spagnolo alcanforado Italiano canforato Tedesco Kampfer…

cànfura cànfara

cànfuru , nm Definizione una genia de tela de filu trasparente Terminologia scientifica ts.

cangariòne , nm Definizione ómine mannu mannu, artu, male fatu, pagu crabbau, pagu sàbiu puru Sinonimi e contrari càngaru, dangallone, dangarone, dàngaru, giangalloi.

càngaru , nm Definizione unu cangarione Sinonimi e contrari dangallone, dangarone, dàngaru*, giangalloi Terminologia scientifica zcrn.

cangédhu , nm Sinonimi e contrari iscàranu 1, scrammu.

càngia , nf Definizione cane fémina Frasi tenestis una càngia chi fet seti o otu callelledhus dónnia borta chi angiàt 2. bruta càngia arrungiosa, acabbadha de fuedhai mali!

cangiadòrgia , nf Definizione iscudidore, genia de iscannu longu e bascitedhu fatu cun duos currentes allisaos allobaos cun is peis po dhue pònnere su sedatzu po fàere sa farra, aintru de su cherrigu Sinonimi e contrari cherridorja, issedatzadòrgia, scedatzadori, sedatagiola, setulatorja, séula.