A | B | C | D | E | F | G | H | I | J | L | M | N | O | P | R | S | T | TZ | U | V | X | Z

eucarísticu , agt Definizione de s'eucaristia, chi pertocat s'eucaristia.

éuro , nm: éuru Definizione sa moneda de sa Unione Europea (ma no de totu is istados chi ndhe faent parte), de símbulu € Frasi dónnia sàpadu faghiat un'ischedina, ma sos éuros fint solu essidos dae buzaca sua, intrados mai ◊ non fait prus a comporai nudha: apu ispéndiu 50 éurus ma sa busta est isbuida!

Euròpa , nf Definizione su continente, totu a unu cun s'Àsia ma cunsiderau distintu, chi andhat de is montes Urales a s'Atlànticu, de su Mediterràniu a sud a su Mare àrticu a nord.

européu , agt, nm Definizione chi pertocat s'Europa, chi o chie est de s'Europa.

éuru éuro

èva èbra

evagnélicu , agt: evangélicu, evanzélicu Definizione chi est cunforma a s'Evangéliu.

evagnelísta , nm: evangelista, evanzelista Definizione prus che àteru ma no totus, apóstolu chi at iscritu unu de is bàtoro Evangélios Frasi is Evangelistas cuatru andànt in giru a predicai s’incrédulu po convinci (Loddo)◊ Marcu s'evangelista no fut istétiu apóstulu e nimmancu discípulu de Gesús ◊ sos evanzelistas sunt Zuanne, Luca, Marcu e Mateu Traduzioni Francese évangéliste Inglese evangelist Spagnolo evangelista Italiano evangelista Tedesco Evangelist.

Evagnélu , nm: Banzéliu, Evangéliu, Evanzéliu, Vangelu Definizione sa peràula, sa beridade o Bona Noa comente dh’at predicada Cristos o Testamentu Nou de sa salvatzione Frasi sunt bàtoro evanzelistas e bàtoro Evanzélios ◊ s’evanzéliu in sa Missa si lezet sèmpere ◊ sa Crésia antiga iat bogau sa boxi chi su primu evangéliu dh'iat iscritu Mateu (M.Vargiu)◊ custu càntigu in sa Missa est indiritzadu a Cristos chi est acanta a faedhare in sa proclamatzione de s'Evangéliu Etimo ltne. evangelium Traduzioni Francese Evangile Inglese gospel Spagnolo evangelio Italiano Vangèlo Tedesco Evangelium.

evangélicu evagnélicu

evangelísta evagnelísta

Evangéliu Evagnélu

evangelizài, evangelizàre , vrb Definizione predicare s'Evangéliu, educare a o imparare sa dotrina de s'Evangéliu Frasi a is doxi apòstulus Gesús insegnàt su santu mestieri cun s’òpera d’evangelizai (Melis) Traduzioni Francese évangeliser Inglese to evangelizer Spagnolo evangelizar Italiano evangelizzare Tedesco evangelisieren.

evanzélicu evagnélicu

evanzelísta evagnelísta

Evanzéliu Evagnélu

eveghínu elveghínu

eventuàle, eventuàli , agt Definizione chi podet èssere o acontèssere, chi podet capitare Sinonimi e contrari dàbbile.

eventualidàde , nf Definizione cosa chi podet capitare.

evidéntzia , nf Definizione cosa ladina, chi si podet bíere o cumprèndhere luego, crara.